حجاية ياقوت💭مكتملة💭

💭الجزء 9💭

9-هازها باها وهي كتشوف فصورة حسات بالهوا على عنقها هواء بارد كايصوت فعنقها وحس شي انسان وراها ايد زولات ليها شعر لي على عنقها مقادتش تنوض ولا تلفت لجنبها لاخور من غير صوت لي كايردد (بنتي ياقوت ياقوتة ديالي ونور عيني نهار لي مت خليت ليك طرف مني فعنقك تحافضي عليه بحال الى انا كاينة انتي مولات لعقل ورزانة وتبات انتي مولات لحكمة عارفة ختك معندها عقل ولكن انتي ابنتي القلب لكبير ختك امانة فعنقك ابنتي حافضي عليها عاونيها عاونيها رضاتي معاك ودعاواتي معاك وفينما منتي انا حاضياك وسامعاك سهيلة امانة عندك امانة امانة امانة ابنتي امانة) كلمة امانة كتردد بزاف ديال المرات حتى ختفى صوت هنا قدرات ياقوت دور راسها ولكن مكان والو من غير صوت مها لي كايتردد فودنيها رجعات عينيها لصورة لقات بلاصت مها خاوية عاودات كتحقق فصورة بلاصة مها خاوية هنا ركبها الخوف وحسات انو هادي رسالة من مها باش تنازل على لغرور ديالها واخا هي هاد القصة مامتيقاهاش ولكن اتبع الكداب حتى لباب دار ديرها مغمارة وسياحة نيت محتاجة ليها رجعات تصويرة لالبوم ورجعات هبطات عندهم لقاتهم مزال كالسين طلعو عينهم فيها وجدها باينة فيه لعيا على وجهو. ياقوت:امتى غادي نمشي وشنو مطلوب مني بضبط تبسم جدها ونلض عندها عنقها طاهر:الله يرضي عليك ابنتي كنت عارف وراه هاد القسوحية قلب بيض  الحاج:كلسي ابنتي انا انشرح ليك كولشي كلسات ياقوت وبدا الحاج كايهضر الحاج: اتبداي بعد غدا جمعة اتركبي لمدينة ورزازات اهم حاجة ماتسوليش اي واحد على طريق بلاد لعجب خاصك تعرفي شكون تسولي وهادشي انتي اتكتاشفيه بدكاء ديالك لبياتة اتدي معاك خيمة متيقيش فأي واحد وتلقاي بزاف ديال ناس شكلهم غريب وهضرتهم غريبة متهضريش مع اي كان ياقوت:وبنسبة لغبار فين انلقاه