حجاية ياقوت💭مكتملة💭

💭الجزء 16💭

16-بريكة احتياط بعدا حطات شوية من الماكلة لي عطاتها جداها وحطات لسهيلة ربيع سهيلة:حشومة عليك حكرتيني حاطة لي ربيع ياقوت:وعمرك شفتي شي خروف ولا خروفة كاياكول دجاج ومسمن وبغرير بقات سهيلة كتبرقق فعويناتها وتشوف فياقوت وهي كتاكول شافت فيها ياقوت هزات شوية ديال الخبز والخضرة وحطات لسهيلة ياقوت:يلاطيف هاكي تقطعي فالقلب كملو مكلتهم دخلات ياقوت لكيطون ودخلات معاها سهيلة تغطات وهي كتشوف فداك الخاتم لي عطاها لحاج ولي حجرتو كتلمع ياقوت مداهاش نعاس ديك ليلة غير بزز فاقت فصباح على شمس حارة جبدات ما من واحد البيدو جابتو معاها غسلات وجها وعطات لسهيلة تشرب حتى هي فطرو بشيحاجة خفيفة جمعات قشها وشدو طريق تاني بقاو غاديين مدة طويلة مرة مرة يكلسو يرتاحو ويشربو ويعاودو يشدو طريق حتى كايبان لياقوت جبلو عالي وكبير ياقوت:هدا باين هو جبل لحكمة الحمدلله بقاو غاديين وهوما كايقربو من جبل شدو واحد طلعة واعرة شوية عاد وصلو لجبل بانو ليهم ديور وناس غاديين جايين ناس باين عليهم الوقار والحكمة ياقوت بانت البسمة على وجها وتفكرات هضرت لالة ريحانة منين كالت ليها ناس جبل الحكمة ناس لطاف وتيق بيهم وتستافد منهم ولحكمة لي عطاوها تخليها فالجعبة ديالها حيت اتنفعها فسفر ديالها شافت فسهيلة.  ياقوت:دابا ايبدا سفر ديالنا ديال بصح مستاعدة  سهيلة:مستعدة توكلي على الله حطات ياقوت رجلها ليمنة وسمات الله ودخلات لأرض الحكمة خداو طريق ساهل وصلهم لوسط لمدينة بقاو واقفين لوسط ناس لي تم ماظاوهاش فيهم كولشي هاز مخطوطات ومشغول براسو حسات بيد على كتفها دارت لقات واحد المرة كبيرة فالعمر لبسة قفطان ودايرة نبالة دنقرة وعقيق فعنقها "بنتي ياك لباس من قبيلة كنشوفك واقفة معارفة متقدمي ولاتوخري ياك لباس" ياقوت:اه اخالتي تلفت ومعرفت فين نمشي