حجاية ياقوت💭مكتملة💭

💭الجزء 21💭

21- لي اتحتاج تسيفطات مع سي جعفر لي شكراتو وعزاتو وجاها كيف جدها سي طاهر جرات سهيلة معاها وشدو طريق جبل لمثال مابعيدش بزاف من جبل لحكمة تفكرات سي جعر ولبريةلي عطاها او وصاها اي واحد تصادف معاه نن جبل المثال تعطيه هاديك لبرية وهو غادي يعاونها ويقريها المثال وحروفو باش تمشي ناضية منضية وصلو لجبل لمثال لي كان لونو فشيبي وبيوتو فشيبي ولكن لباس ناس بحالو بحال جبل الحكمة. سهيلة:عمري فحياتي شفت شي جبل لونو بحال هاد الوان ياقوت:راه لي تبعك ماشي غير يشوف هاد الالوان راه يشوف لعجب زيدي تبعيني راه كايكوليك لي تسحر مع البز كايصبح فاطر كملات ياقوت طريقها ودخلات لواحد دكان كايبيع لخيوط ديال لحرير. مول دكان:مرحبا مرحبا زارتنا البراكة شكون هاد الياقوتة لي نورات دكاني وبشعاعها عماتلي عياني وبريحتها ردات لي دكاني بحال جنان الورد ديال الياسمين ياقوت:(فخاطرها) واها قلت العراض وقلت ترابي تصنعات الابتسامة. لالة ياسي تاجر دكان منور بنورو وبنور مولاه انا عيونك هوما فالاصل زينهم خلاب داكشي باش كايشوفو كولشي زين تاجر:الله ياقلبي الله على هضورات كايطلعو من فمك بحال المسك قولي لي الالة مولاتي شنو حب الخاطر انتي تأمري وانا نفد على راسي وعيني ياقوت:لهلى يخطيك اسي تاجر:تاجر منصور قوبي لي غير منصور جبدات ياقوت الورقة لي عطاها تاجر جعفر مداتها لتاجر منصور خداها من عندها حلها وقراها منصور:وانا كنقول هاد زين والجمال مايمكنش يجي من بلاصة غريبة مرحبا بناس تاجر جعفر انا اندلك على لالة عيشة هي الاخت ديال سي جعفر صبري واحد شوية عيط منصور على واحد دري قالو يبقا ليه فمحال بينما رجع طول طريق وتاجر منصور كيتغزل بياقوت وهي غير صابرة غير على غراضها خافت دير شيحاجة وكولشي يمشي ليها خصوصا هنا ناس مكايضاربوش غير بالمعاني.