حجاية ياقوت💭مكتملة💭

💭الجزء 60💭

60-بجهد حتى فتح جيلالي دفعات عليه الباب وتمرحات فالمراح كتلهت سخفانة. جيلالي:ياك لاباس ابنتي مالك. ياقوت:عمي سد الباب وجيبلي كاس دالما ونعاود ليك سربي. مشا جيلالي جاب ليها تشرب وكلس حداها عاودات ليه ياقوت كاع لي طرا جيلالي:اش اديري راه ايكونو فطريقهم لهنا دابا راه ايعرفك كاينة عندي شنو المعمول دابا ياقوت:معرفتش انا مابانت لي حتى بلاصة من غير هنا جيلالي:علاش ماعاوديتش ليه شنو واقع ياقوت:ماعرفتش خلعني وماقدرت ندير والو عمي مخاصنيش نبات هنا لقا لي شي حل جيلالي:تسناي هنا انا جاي دخل جيلالي وشوية رجع هاز حوايج سلهام ديال الرجال عطاهم لياقوت. جيلالي:لبسي هادو وتبعيني شداتهم ياقوت من عندو ودخلات لبساتهم وخرجات عندو جيلالي:سربي زيدي قدامي تبعاتو ياقوت بلا كلمة وهوما غاديين سمعو حس رجال جرها جيلالي ورا واحد شجرة خبعة حتى دازو حراس سلطان عاد كملو طريقهم بقا غادي بيها مسافة حتى وقفو عند واحد دار دق من بعد شحال فتح واحد راجل شيباني. جيلالي:سي أحمد سمحلي فيقتك فهاد الوقت جيت طالبك راغبك تخلي هاد البنت عندك هاد يوماين بينما لقيت ليها فين تكون وعلى ضمانتي الله يجازيك بيخير. سي أحمد:مرحبا ابنتي دخلي دخلات ياقوت ودخل جيلالي جيلالي:انت فأمان هنا خليك هنا بينما لقيت ليك شي بلاصة مأمنة فين تكوني ياقوت:عمي جيلالي سهيلة فرقبتك اعمي الله يخليك رد ليها البال جيلالي:ياقوت ماديري حتى حاجة دابا الله يرضي على بنتي. ياقوت:ان شاء الله اعمي دابا سير باش مايعيقش بيك حتى واحد جيلالي:واخا ابنتي سي أحمد هاني خليتها ليك امانة عندك خرج جيلالي وخلى ياقوت مع سي حمد لي وراها بلاصتها فين تنعس غير خرج من البيت حيدات سلهام وجبدات صندوق حلات لقفل ديالو كانت وسطو رزمة صغيرة بزاف حلاتها كان فيها بحال حبات رملة مدهبين