حجاية ياقوت💭مكتملة💭

💭الجزء 54💭

54-لبيتها نيشان دخلات بانت ليها صندوق صغير وحداه خنيشة حمرا حلات لخنيشة لقات فيها فلوس حطاتها وهزات صندوق حلاتو لقات فيه سلسلة فيها حجرة حمرا هزاتها ودارتها فعنقها فرحات بيها من بعد داك نهار ياقوت ولات محبوبة عند لالة يامنة بزاف أي مجمع ضروىي تكون ياقوت هي لي مرأساه اما سلطان قليل فين كتشوفو حتى ماكلتو مابقاش هي لي كتوصلهالو حتى لواحد نهار طلبات ياقوت من لالة يامنة تخليها تخرج تشوف عمي جيلالي عطاتها الادن هزات واحد الحايك ودارتو وخرجات قبل لا توصل لعند دار جيلالي طركات سوق تاخود شوية دسواك والكحل الحار لعينيها قصدات واحد العطار كبير فسوق وهي محنية كتشري وقفات حداها واحد المرة قصيرة بزاف دايرة الحايك ومغطية من ساسها لراسها كايبانو غير عينيها لي منتوفين من شفار وتكماش حدا وجها بقات شحال واقفة حدا ياقوت ماتحركاتش حداها طلعات فيها ياقوت شوفة خنزرات فيها خدات لي بغات وخدات طريق دار جيلالي وهي غادية كتحس بشي حد وراها كدور مكتلقا حتى واحد نعلات شيطان وكملات طريقها وصلات عند جيلالي. جيلالي:دخلي ابنتي الدار خوات بلا بيك كنتي دايرة لينا الحس ياقوت:حتى انا توحشتك اعمي بزاف والله فين راضية جيلالي:مشات السوق دابا ترجع عاوديلي كيغادية امورك ياقوت:لحد دابا مزيان عاودات ياقوت كولشي لجيلالي جيلالي:هادشي كايحير معروف على سلطان قاسح ومكايعطيش وجه لخدامة هادشي لي كايدير معاك ابنتي مافهمت منو والو ولكن ردي بالك وردي لبال لجنابك تهلاي فراسك ابنتي ياقوت:نخليك اعمي خاصني نرجع وسلم على راضية الى جات خرجات ياقوت من عند عمي جيلالي وهي غادية سمعات صوت المشية وراها تخلعات بدات تمشى بزربة ولمشية وراها كاتزيد تخبعات ورا واحد شجرة وهي كتلهت دارت تشوف شكون تابعها مابان ليها حد يالاه اتاخد نفس لقات قدامها