حجاية ياقوت💭مكتملة💭

💭الجزء 22💭

22-وصلنا لدار لالة عيشة ستقبلاتنا احسن استقبال منين عرفاتنا جايين من جيهت سي جعفر لي هو خوها طلبتها تخلي معايا سهيلة تبات معايا بحكم غادي نباتو غير ليلة ونشدو رحالنا لجبل ثالت تعشينا وفرشات لينا حطيت قشي حدايا حتى كنسمع صوت بحال لبكا ضرت نشوف لقيت سهيلة راخية وديناتها ودموعها هوادة مشيت جيهتها ياقوت:مالك ياك لباس شنو واقع سهيلة:شنو ايوقع كتر من هكا انا صكعة وهبيلة ومعندي عقل حجاية ديال صغر بغيت ندير بحالها ونتغنا وشوفي فين وصلنا وفين وصلتك حتى صدقتي كتكرهيني كتر من الاول شافت فيها ياقوت وطولات شوفة قربات حداها وخداتها فالحضن ديالها وكدوز على ضهرها. ياقوت:واش الحمقة كاين شي وحدة كتكره ختها انتي راك ختي من دمي ولحمي ومحبتك فقلبي كايعلم بيها غير الله غير انا راكي عارفاني مرة مرة كنكون مبلوزة مكنعرفش نعبر على لي فقلبي سهيلة:بصح اختي ياقوت كتبغيني ياقوت:اه كنبغيك وكنموت عليك كون مكنت مانبغيك مانجيش نتلاح معاك بين هاد جبال ونتسلط على ديك شارفة درقوش ولا معرت ليها غير الله يحفظ لا ترضني دجاجة وانتي تبقاي هكا خروفنة وحجايتنا يعاودوها لصبيان هههههه سهيلة:لا اختي الله يحفظنا انا مزال بغيت نتزوج اجي نسولك اختي علاش مكتبغيش لي يجبد ليك حس رجال شافت فيها ياقوت وطلقات منها وبقات شحال ساكتة ياقوت:شحال هادي فالاعدادي كنت يالاه طلعت لاولى اعدادي يلله عرفت اشنو هو الحب وكنت كنبغي واحد دري معانا فالقسم عاودتها لواحد لبنت كانت كتكلس حدايا ومشات وصلاتها ليه وانا ديك ساع مكنت كنعرف لا نلبس لا نمشي كنت كيف نعامة تافقو عليا ودارو ليا شوهة وسدو عليا فالفيستير من تما هزيت ضقتي ومابقيت نحمل نسمع حس رجال او ولا لساني مضى من الفاس وهادشي لي عاودت ليك يبقى هنا يلاه نوضي نوضي راه مزال تابعنا طريق طويلة .