حجاية ياقوت💭مكتملة💭

💭الجزء 61💭

61-مساتهم بصببعها دغية كايطيحو من الايد هزات الخنيشة خباتها وتكات فبلاصتها وهي عقلها غير عند سهيلة بوحديتها لي خلاتها بوحدها ولكن ضروري من هادشي كون شدها سلطان كانت اتمون بايتة هاد الليلة فالحبس حتى من تيليفونها خلاتو معندها مادير من غير الحل لي فبالها غمضات عينيها ونعسات. عند سلطان. نعمان:شوف اداك شلاهبي اتكول ليا فين شريكتك ولا ليلة تبان فالحبس جيلالي:والله اسيدي ماشفتها من البارح ماشفتها ومافراسي والو كنحلف ليك جيب بنتي راضية هي اهبيلة وليكان كتكولو جابو بنتو راضية سولها سلطان وكالت لهضرة لي كال باها طلقو جيلالي ولكن خلاو عليه عساس باش يتبعو عيا مايقلب على ياقوت سرطاتها الارض علم شحال من واحد الى بانت ليه الخادم جديدة يعلم بيها الحاكم اما سهيلة عرفات ختها وقع ليها شيحاجة من هضرت لخدم لي هزوها وداروها مع الغنم فواحد الحوش كبير ياقوت غير فجر الحال وبانو خيوط شمس فاقت غسلات وجها خدات شوية ديال الخبز معاها وخرجات بلاما يشوفها سي أحمد دارت قبها وشدات طريق وهي حادرة راسها عساسة ديال الحاكم مطرقين لبلايص هي غادية وحاضية جنابها لايشوفها شي واحد بقات غادية مدة بان ليها كولشي طرقات مطرقين من غير واحد طريق كانت كلها تراب وحجر مكايدوزش منها الغاشي بزاف دازت منها وفعلا كانت خاوية شمس حارة وريح كايسوط وهي بوحدها مكان عندها درت خوف حيت العقل لي عندها كايفكر غير فسهيلة لي حسات بالمسؤولية تجاها خصوصا دابا منين مكايناش معاها جاتها البكية قوات راسها وكملات على طريقها.جيلالي غير صبح الحال خلى راضية وخرج من الباب اللوراني وصل عند دار سي حمد دق خرج ليه  جيلالي:فاقت ياقوت أحمد:الى كتهضر على البنت لي جبتي البارح اجيلالي فقت صباح لقيت غبر ليها الاتر  جيلالي:كيفاش مايمكنش فين اتكون مشات أحمد:معرفتش