حجاية ياقوت💭مكتملة💭

💭الجزء 34💭

34-جيلالي:دخلي ابنتي مرحبا بيك دخلت لدار عمي جيلالي كانت زوينة بزاف بحال شي رياض. جيلالي:شوفي ابنتي داردارك راك بحال بنتي راضية ربي لي شاهد وغادي تعمري علينا دار من بعد مكانت خالية . ياقوت:ربي يخليك اعمي جيلالي:بيت ضياف راه واجد ونعجتك راه اتبات معاك ويلى بغيتيها تبات فالكوري معندي حتى مشكيل ياقوت بقات ساكتة ياقوت:عمي جيلالي بغيت نهضر معاك فواحد لحاجة ونكونو بوحدنا راضية:با انا نوجد لخيتي ياقوت بيتها جيلالي:اجي معايا حدا هاد الخصة وعاوديلي ابنتي. ياقوت:عمي حنا الحمد لله شركنا الملح وطعام وانتشاركو حتى سكنة وجيتيني فمقام با الله يوليه برحمة الله داكشي باش انعاود ليك سري لي حافضاه وكاتماه النعجة لي انت كتشوف فيها اعمي هاديك اختي. جيلالي:بصدمة-ختك اش كتكولي ابنتي ياقوت:اه اعمي انا انعاود ليك كولشي عاودات ياقوت لسي جيلالي كاع لي طرا وهو جوابو كان غير دهشة لي باينة على وجهو. جيلالي:أمرك عجيب أبنتي والله واش انتي هارفة شحال صعيب هادشي ياقوت:عارفة اعمي والمطلوب منك غير تعاوني جيلالي:ماقلتي عيب ابنتي اجي معايا تبعت عمي جيلالي دخلني لواحد البيت ومشا هو لجيهت واحد صندوق حلو وجبد منو رزامي جابهم قدامي وحلهم كان فيهم اشمنك يا جوهر واشمنك يا تواب واش منك ياتكاشط ياقوت:اشنو هاد الخير جيلالي:هادو يلالة حوايج زوبيدة مراتي الله يرحمها مدام بغيتي تخدمي فقصر سلطان خاصك تصري الانظار وتخلي كل مانشافك يتباها بجمالك وبنورك وحسانك هادا سواك الحر مراكشي أصيل وهادا كحل كانت المرحومة مراتي تقادو بيديها وتبيعو لعيالات كايخلي العين باهية وكيف عيون لغزال ايوا هاكي شدي من عندي وتحزمي وترزمي باش دخلي لقصر سلطان وتبلغي مرادك ابنتي. ياقوت:لهلا يخطيك اعمي هدا هو المضمون فيك خديت رزمات وديتهم لبيت لي وراني