حجاية ياقوت💭مكتملة💭

💭الجزء 57💭

57-دابا رجعي لكوزينة ابنتي او وجدي فطور سي سلطان ياقوت:لا تسولي يتيمة على بكا ولا تسولي حادكة على شقا خرجات ياقوت من عند لالة يامنة غادية حاضرة راسها دخلات لكوزينة وهي نار شاعلة فيها هزات صينية وداتها لسي نعمان لبيتو دخلات حطات صينية طلعات غينها فنعمان لي مان حدا سرجم غير دخلات شاف فيها تبسم وتم جاي عندها. ياقوت:سي نعمان بغيت نهضر معاك نعمان:اه تفضلي كنسمعك. ياقوت:شوف اسيدي انا جيت لهاد لقصر باش نخدم ماشي نتزوج ولالة يامنة كلت ليها جوابي لي هو لا انا عارفة هادشي كاديرو ماشي حب فيا كديرو غير ضد باش تنزل من مناخري لارض ولكن كيف خلاوها جدودنا لوالة سيدي حادق ولالة حدق منو سيدي حسابو قديد ولالة كتقطع منو. نعمان:كبرنا ليك شان اياقوت وحتى انتي تحل ليك الفم وطوال ليك لسان ولكن وجه شارفة مايخفى واخا تحك بالحلفة بغيت نعرف اش كتفكري وشنو تحت هاد راس ياقوت:بلاما تحاول امولاي خبزي تحت باطي ماسمع حد عياطي سمع امولاي عصة زمان طويلة اللي ماقبطاته تكجطو نعمان:لاش كتلمحي ياديك الخادم. ياقوت:هانتا نطقتيها خادم اسيدي ولخادم غير كتخرف ماديرش فبالك لحمد لله لي رجع ليك عقلك راسك وكنتي اتدي خادم كان عليك تخمم وتفكر حل عينيك قبل زواج اما بعد غير غمضهم. نعمان:سيري لكوزينتك راه نسيتي راسك ونسيتي نقامك مانشوفكش كتخطري هنا ولا توصلي هاد البيت انتي بلاصتك الكوزينة مفهوم ياقوت:(بابتسامة بجنب) ياه اسيدي الله اودي علاش لا خرجات ياقوت رافعة راسها واتثة من نفسها كلامو ماهزهاش ولاو غير شوية. ياقوت:سمح لي امولاي سلطان ماشي أخر مرة اندخل لبيتك خاصني ندير لي فبالي قبل عاد نقطع رجل لا من بيتك ولا دارك. وصل اليل وياقوت فبيتها غادية جايا كطل على لكولوار لايكون شي واحد مزال مانعس خرجات راسها بانت ليها واحظ الخادم