حجاية ياقوت💭مكتملة💭

💭الجزء 58💭

58-رجعات راسها دغية سهيلة:ياقوت انا بالي مامهنينيش لهادشي لي اديري خفت اختي غير تحصلي وتصدقي انتي محبوسة فهاد الارض لبعيدة وانا يدبحوني ويديروني قتبان. ياقوت:وراسك يديروه يا مفور يامع كسكسو اما رجليك ايديرو بيهم الكرعين مع الحمص وزبيب و.. سهيلة:واش كضحكي علي ولا شنو دابا. ياقوت:راه انتي لي مابغيتيش تسكتي من صباح وانتي كتفايلي علي بالحاجة الخايبة وانتي لحاجة الى مشيتي حتى تبعتيها بالعين غير الله يحفظ منها وراه كالوها الحنة حرشة والحناية عمشة والعروسة فيها بوتفتاف وتفرقي معايا خليني نبلاني وخلي هاد الليلة دوز بخير. بقات ياقوت شي نص ساعة رجعات طلات ضواو طفاو مشات جيهت سرجم طل على جردة بانت ليها خاوية خاصها تسنا حتى يخرج سلطان عاد يمكن ليها تخرج بقات واقفة حاضية سرجم حتى عيات وقطعات لياس حتى كانت اتمشي تنعس شوية خرج سلطان داير ايديه وراه وغادي جيهت لكرسي لي مالف كايكلس فيه ياقوت ديك ساع رجعات بلور ومشات جيهت لباب شافت فسهيلة. ياقوت:انا مشيت دعي معايا ويلى مشيت حتى حصلت بقاي فهاد البيت الماكلة راهي حداك. سهيلة:اويلي خلعتيني ياقوت:ضروري من هادشي انتي ديري لي كتليك انا مشيت سدات ياقوت الباب على سهيلة ظلام من غير شمع لي لي مرصوص فجناب لحيط وصوت بوزايزون كايتكلم (بوزايزون ديك لحشرةلي كيف سراق زيت كتبقى تهضر) ياقوت كل مرة تشوف وراها وجنابها لايكون شي واحد جاي وصلات عند باب بيت سلطان مكان حتى واحد حيت لحراس باليل مكايكونوش حلات البيت غير بشوية ودخلات غادية وكتسكل مشات لصنظوق سلطان لي مان شاد نص فالبيت لقات راسها كتهز حوايج سلطان وتشم فيهم كادوز بيديها على حوايجو ومشكة ديالو وريحتو لي كانت فقرعة دنحاس منقوشة ياقوت:اش كندير انا واش جايا نتفرج ولا نقدي غراضي ونمشي سدات صندوق ورجعات كل