83-دوزات ياقوت ليلة كلها مع شيماء سونات على جداها كالتها ليها مافيها لي يتحمل يشوف نعمان مزال اللهم يمشي بلاما تشوفو. أصبحنا وأصبح الملك لله فاقت ياقوت مشات نيشان لبيرو ديالها خدات قهوة كحلة باش توكضها دخلات ليها شيماء ناس كتسمع غير كلامهم ولكن العقل كاع ماحاضر. الشخص:لالة ياقوت واش كتسمعيني. ياقوت:اااه كنسمعك كنسمعك الشخص:نخليك دابا الالة حتى لحصة جايا ان شاء الله ياقوت:ان شاء الله بقات ياقوت غير كتلعب بالكرسي ديالها ودور بيه من هنا لهنا وصلات وقيت الغدا شحال قدها تهرب منو هزات ساكها وخرجات غادية فطريق بلا عقل لي عمرو وقع ليها ولاكانت ضاناه يوقع هاهو وقع وصلات لدار فتحات بساروت كتسمع صقيل طلات فالكوزينة مكاين حد مشات لصالون كاين غير جدها. ياقوت:جدي فين مشاو لوخرين طاهر:سي نعمان رجع هو والوزير ديالو وجداك وسهيلة خرجو يتقداو تواب على قيبال عرس سلطان ياقوت سمعات غير لي كال جدها فالول اما تالي عقلها مغيب خلات جدها كايهضر وهي غير غادة جسد بلا روح هكا دوزات جميع أيامها الخدمة دار حتى جماعة مابقاتش كتجمع معاهم جداها وسهيلةغير يفصلو فتواب ويخيطو وخداو ليها حتى هي لدرجة واحد المرة. ياقوت:مكتشوفوش راسكم زدتو فيه شوية لا نعيمة:علاش ابنتي بغينا حتى حنا نفرحو شوية ياقوت:واش هاد سلطان ولدكم محطوط معاكم فالحالة المدنية ياكما خونا وحنا معارفينش واش عرسي انا ولا عرس سهيلة وبراكة من هاد تخربيق وبلاش من هاد المشية كاع هو ايتزوج وحنا مالنا على تخياط وتفصال. سهيلة:ابشوية عليك هبطي هبطي ومتهضريش مع مي هكا حتارمي راسك شوية هي هازة ليك الهم وكالسة تخيط ليك وانتي نافخة ريشك ياك لاباس شافت ياقوت فجداها لي كانت ساكتة وحادرة راسها عرفات راسها زبلاتها قربات منها وعنقاتها. ياقوت:سمحيلي امي والله مقصدت
أنت تقرأ
حجاية ياقوت💭مكتملة💭
العاطفية💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
