65-سلطان لي خلاه حاير فأفكارو فرحان حيت احساسو مخانوش وياقوت صدقات ماسراقاش وفنفس الوقت خوفو قد دنية حاس بنصو تاني ضايع منوويقدر يفقدو فأي لحظة واخا عارف انو ياقوت اتضيع منو الى رجعات اترجع لبلادها ولحياتها طبيعية ولكن يوقع لي بغا يوقع لي مهم دابا يلحق على ياقوت لي سيمانة مابانتش. أمين:شنو ادير دابا اسيدي سلطان:خاصني نلحق على ياقوت ونعرف دار ديك شارفة فين كاينة ونعتق ياقوت منها. حلات ياقوت عينها وهوما تقال كايبان ليها غير ظلام فمها ناشف بشوية بشوية بدات صورة كتوضاح ليها غار كبير قدو قد الخلى هزات ايدها كايبانوليها مربوطين فواحد الحجرة ياقوت:فين انا طلقوني فين انا وافكوني اعباد الله فكوني شوية تشعل شمع دقة وحدة ضوا الغار راس الحلالف معلقين طلاسم كثيرة معلق فالحيط جلودة ريحتهم كي جيفة معلقين نياب محطوطين كترت دخاخن مطلوقة ريحت العفن الرتيلة فالقنات حاسة براسها كاينة فيلم ديال الرعب دورات عنقها بشوية مع واحد طلعة كاتشوف شي عينينكايبريو كايشوفوفيها هنا صافي تحدو ليها تشعلو ضواو دشمع على دوك العينين كانو 4 ديال مخلوقات نصهم من الانس ونصهم بحال ديب ودنيهوم طوال وعينيهم كايبريو ياقوت:(غوتات غوتة تهز جبال) "ماتغوتيش ماتغوتيش هادوك اوليداتي ماتغوتيش"دورات راسها لجيهت صوت كاتبان ليها مرة شعرها بيض واشمن نص فسنانها طايح ونص تاني كحل كلها خواتم ودبالج هازة عكاز وتعكز بيه شوفتها كتخلع جاية جيهتها وتعكز ودور براسها بحال الى ماشي منها. ياقوت:شششش شكون انتي وففف فين أنا. "هيهيهيهي ابشوية عليك ياهاد البنية مالكي زربانة خفتك اتخرج عليك كيما خرجات على ختك لخفيفة ونسات لي كطوف مكتغزل صوف ولحجلة لخفيفة من سهم صياد خليني نرحب بيك عندي انا صاحبت دعوتك شحال ونتي تقلبي علي حتى جابوك رجليك لي هيهيهي .. يتبع في الحلقة الاخيرة .
أنت تقرأ
حجاية ياقوت💭مكتملة💭
Romance💎مكتملة💎 #يحلل_النشر_مع_الإحتفاظ_بنفس_الغلاف_و_المقدمة قالو ناس زمان مرحبا بلي جا وجاب ، ولي مجاب ماليه وجاب ، الأسبوع الثاني من رمضان طاح الإختيار على حجاية ياقوت📜 ، الأغلبية قراها وعاش معاها عقلتو على ياقوت وعلى مولاي السلطان لقمان ، عقلتو على...
