حجاية ياقوت💭مكتملة💭

💭الجزء 45💭

45-خلاهم ومشا. امينة وهانتي راه قلت ليك مولاي سلطان امير وسيد ناس. ياقوت:سيدي وسيدك رسول الله ادادا مينة خلاتها ومشات خارجة حتى وقفها صوت مولاي سلطان. نعمان:فين غادية اديك لخادم. ياقوت:مولاي سلطان لخادم عندها سمية سميتها الياقوت لالة الياقوت. نعمان:هاي هاي لالة كاع ياقوت:هادي لي قدامك راه بنت القاع والباع وفمدينتي كان لكل داير لي حساب ولكن كالوها السوايع بدالة والفلك كايدور ودابا سي سلطان بغا مني شي حاجة ولا نمشي. نعمان: كتباني ضريفة فاش كتعرفي تهضري وتحني راس. ياقوت:الواحد مايحني راس غير لي خالقو وانت بحالك بحالنا من البشر ياك اسي سلطان نعمان:متنسايش مقامك وعرفي كيفاش تكلمي ولا بكلمة مني لواد يتسنا فيك. ياقوت:علاش اسيدي ماقلتش شيحاجة عيب حاشة حاشة واش نهز راسي ولاكلمتي على سي سلطان نعمان حاكم البلاد بالعكس نخدمو بعيني ولكن دابا حنا ماشي فوقت الخدمة وانت بنسبة لي دابا بحالك بحال اي واحد من البشار ومدام كتشوف مقامك كبير علي مكاين لاش موقفك مع وحدة من الخدم ديالك. نعمان:سيري دابا وغدا من صباح نلقاك فالقصر ضرب فيها ومشا دخل لقصر ياقوت مبسمة وضحكتها واصلة لمعرفت فين خرجات وغادية وتغني ومولاي سلطان مقابلها من سرجم بيتو ويتسنط لصوتها لي بحال طير صداح فوسط نافورة هازة جلايلها وتشطح بحال شي حورية وبجرية غير حلو الحراس الباب ضرباتها بجرية لدار عمي جيلالي دق وتقول مادقات غير فتح ليه وشاف الفرحة فعينيها. جيلالي:صدقات ياك اياقوت صدقات. ياقوت:اه اعمي صدقات وبشطارتي وبدراعي درت بلاصتي فقصر سلطان وشوية بشوية ندير بلاصتي باش نجيب لغبار ونعاون ختي سهيلة ونرجع فحالي جيلالي:ايه ابنتي ياقوت الله يسعدك واخا مغانسخاوش بهاد ضحكة والفرحة. ياقوت:عمي كون هاني دابا ولا عندي فين نرتاح نهار لي نبغي
نرتاح وندوز العطلة نجي عندك نطل عليك انت وراضية. جيلالي:ان شاء الله ابنتي نسيتي واحد الحاجة ابنتي هي شارفة العقيسة لي قاطعاها ايدها من ايد رحمان "رقوش". ياقوت وقفات وشافت بعيد:لا اعمي مانسياش هاديك حريرتها بوحدها دابا بلاماتفكرني خليني نعاود ليك شنو طرا. عاودات ياقوت كولشي لجيلالي . جيلالي:هي اتمشي من هنا. ياقوت:واغير حداك اعمي ولوقت لي بغيت انجي نطل عليكم جيلالي:بابي ديما مفتوح ليك ياقوت:واخليني نمشي نجمع حوايجي ونجي نوجد ليكم واحد سيدي طاجين عمرك دقتي بحالو.