حجاية ياقوت💭مكتملة💭

💭الجزء 37💭

37-منين دخلت لبيت نبدل تبعاتني سهيلة سهيلة:فين غادية ومخلياني بوحدي ياقوت:علامن جايا انا لهنا ولاش جايا فنظرك راه كولشي فخبارك سهيلة:واتخليني بوحدي ياقوت:معاك راضية وعمي جيلالي راه فخبارو كولشي ماتعطلينيش وخلينا نساليو هاد الحريرة دغية ولا راك ولفاي ديك صوفة لي فوق ظهرك وتبن الفصة لي كاضلي تاكلي. سهيلة:لا اختي مسارني طابو بربيع.خرجت وتبعني عمي جيلالي وصيت راضية على سهيلة وخرجنا انا وعمي رجلي برجلو لواحد الكدية طلقت شعري ودليتو وبالحموم طليت وجهي . ياقوت:واش متأكد هنا كايكونو عوين سلطان جيلالي:هادا هو موضعهم ديما كيجيبو العود ديال سلطان يشرب من الواد ياقوت:عمي ياك حفظتي اش كتليك. جيلالي:ابنتي لا توصي ميت على غسالو ششش كنسمع شي حس تخباي ورا شجرة دغية كنت ورا شجرة وعمي معايا كايبانو ليا 3ديال الرجال بواحد الباس فشكل دايرين سيوفة فجنابهم واحد طرابش طوال وصبابط طالعين حتى لركابيهم وجارين جوج عاودان واحد فيهم سهيت فيه كايشبه الخالق ناطق لعود لي كايجيني فالمنام دغية حيدت الفكرة من بالي وركزت معا عوين سلطان ربطو العودان وخلاوهم يشربو من الواد جرني عمي جيلالي بعيد شوية باش صوتنا يكون قريب ليهم. جيلالي:(بصوت قليل) واجدة عندك تزلكي هكا ولا هكا ياقوت:لا متخافش واجدة عطاني عمي جيلالي اشارة براسو. ياقوت:وااااعع وطلق مني واطلق واكواك اعيبدالله عتقوني عتقو الروح اعيبادالله عاونو هاد البنت اليتيمة من هاد الراجل لي مايخاف لا من الله ولا من عبدو وكواك الحق طلق.الرجال سمعو لغوات جبدو سيوف وبداو يقلبو منين جاي صوت حتى بانت ليهم ياقوت مطلية بلحموم. العوين1:اش كاين اش هاد صداع امالك اداك شارف اش دارت ليك. جيلالي:اسيدي حصلتها وصت جناني كتسرق لي لخضرة لي كنزرع ولقيتها سارقة لبيض ديال دجاج لي كنكساب.