حجاية ياقوت💭مكتملة💭

💭التتمة💭

هادشي ماشي معقول اسيدي وخاصها تعاقب ياقوت:وانا وانا أش دنبي مالقيت ماناكول وقهرني جوع مافيها باس الى تقاسمتي خيرك مع غيرك ولكن انت راجل مشحاح جيلالي:لا تصدقهاش اسيدي لقيتها مجلية فوصت لبلاد دخلتها لداري وفالخر تسرقني الا اليوم مايفكني معاك غير الحاكم ابية ولا بيك (وهو شادها من قفطانها وكايدي فيها ويجيب) العوين1:انتوما شدو هاد جوج جيبو عودان سيدي سلطان وتبعوني لقصر هاد جوج مغاديش يترباو الما حكم الحاكم عليهم بجوج تبعوني جرو ياقوت وجيلالي من ايديهم وياقوت كتركل بلعاني شافت جيهت جيلالي وغمزاتو خطتها نجحات دازو من واحد طريق كلها شجر ونوار بستان زاهي الورد ديالو منوع من جميع الانواع وبكل الالوان ريحتو كتأسر الالباب هي غادية حانية راسها دايرة فيها مضيليمة منين علات عينها مابقاتش قادة تنزلها من ضخامت وطولت هاد القصر لي كانت كاتشوف بحالو غير فالاحلام وأخيرا هي قدام باب قصر عود الريحان قصر مولاي سلطان نعمان.