حجاية ياقوت💭مكتملة💭

💭الجزء 87💭

87-لي دارت  ياقوت:لا امولاي مابيناتناش والو داكشي باش كتليك لي شافنا يقدر يفسر الامور غلط خليت ليك راحة تصبح على خير عطاتو بضهر وكملات طريق حتى وقفها كلامو نعمان:اول مرة وأخر مرة تنزلي بهاد شكل دارت شافت فيه بشوفات ديال القتيلة شوية تبسمات. ياقوت:نسا مولاي سلطان اني هنا ضيفة لمدة محدودة وانمشي فحالي داكشي باش مكاين لاش يبقى يهدد حيت عمرو ايشوف وجهي وحاجة خرى مولاي عندو مراتو فاش يتحكم اما انا حياتي وندير بيها مابغيت عطاتو هاد جوج كلمات لي بردو ليها نار لي فقلبها اما سلطان هامزادت نار الغيرة شعلات فقلبو. صبح نهار جديدنهار الحنة كولشي فايق وكولشي كايوجد كان كولشي كايفطر بطبيعة الحال العيلات. يامنة:بنتي ياقوت وسهيلة انتوما اليوم اتحضرو مع العروس للحمام وللحنة ياقوت لي كانت كاتاكول وقفات ليها الماكلة فحلقها. سهيلة:مرحبا على راس والعين حتى واحد ماسول ياقةت لا مالك ولا شنو طاري سلاو فطورهم  يامنة:متحتاجو لا لحوايج لا لوالوانا تكلفت وحوايجكم اتلقاوها عند امينة منين تخرجو من الحمام ناضو من على طبلة وياقوت اتابعة ختها وساكتة كانو بزاف ديال البنات كايتسناوهم ويوشوشو بيناتهم  أمينة:هادو البنات ايوصلوكم للحمام اتلقاو لي تقابلكم انتوما والعروسة واهلها كودوهم دوك لبنات للحمام فتحوه ليهم كان بحال الحمام تركي فيه 5ديال العيلات ماهي غير شوية باشدخلو حتى بداو يسمعو صلاة على نبي وزغاريت شوية هاهوما داخلين عيالات ومدخلين واحد الينت ملبسينها نقاب بيض كانت بيضة وشعرها زعر عينيها خوضر كتفتن بزين ياقوت غير بزادت كتندب فحضها وقلبها كايتعصركل مرة تكلفات بوحدة لي تكلفات بياقوت ولي تكلفات بختها ولي بالعروسة ياقوت غايبة على الوعي بحال الى كاينة فكنازة سمعات انو العروسة سيمتها جنان سالا حمام العروس وخرجو