تزوجت ملتحي🌻مكتملة🌻

🌻الجزء 1🌻

#تزوجت_ملتحي📿💍

#كاتبة_Aicha_El🥀

               💦الجزء____ (1)

🕊🌸ما خُلقنا لنيأس خُلقنا لنقف على شرفة الحياة ونخوضها مطمئنين، واثقين بالله، وعلى أمل وإن طال وقوفنا ف الأمل أطول🕊🌸

"في ثانوية إبن زيد جالس رياض و يوسف"

يوسف :  مزال مهداك الله اصحبي..تحب وتتحب وتعيش لنا شي قصة حب ودكشي نفرحو غير بيك ههه..

رياض  :  اشمن حب اولدي...مشي نتاعي هدشي أنا إن شاء الله،ناوي نمشي على  هدي النبي (ص)...غدي نسول على شي بنت،ناس ونمشي نخطبها ونتزوج نيشان اش داني لشي علاقات محرمة

يوسف (ضحك بالجهد)  : ههههه اشوا هدشي اتزوج صالونات اصحبي هههه ضحكتيني والله

رياض (شاف فيه بنص عين) : مسميتهاش صالونات.. سميتها زواج ماصونات ،هدشي للغالين وبس متعرفش ليه نتا..

يوسف(تقاد فالجلسة وشاف فيه) :  والله، انت من نهار ربيت ديك شويا ديال لحية العتروس...وانت تفكيرك تغير بزاف، فين رياض نتاع زمان ياودي على أيام زمان هههه

رياض (كيجاوبه بكل فخر) : أولا مسمتهاش لحية عتروس، العتروس ديال بصح، اسمها لحيه فهمتي.. ثانيا أنا فرحان بهذا التغيير، و كنتمنى نبقى هكا طول حياتي ،دبا خليك مني انا والله حتى عييت من الوحدانية...شنو نتا متشوفليش شي عروسة

يوسف (كيضحك) : لا لا ،اسي الفقيه أنا خطيني من هدشي اصلا الواحد خاصه يتزوج عن حب...

"دخل عليهم محمد"

محمد : ها واحد السلام عليكم ..(جلس فكرسي حدا رياض)

رياض: وعليكم السلام ورحمه الله وبركاته

يوسف( كيضحك) : تعالى تعالى، تشوف سي رياض كيفاش باغي يزوج هههه

محمد (مين سمع حس زواج فرح )  : لا ميمكنش، واخيرا غدي يتروج فينا شي واحد ،مبروك اسي رياض مسبقا ههه

رياض( كيضحك) : الله يبارك فيك..ولكن راه مزال ملقيت لعروسة،  غير سي يوسف مكيشدش الهضرة عنده خاص دغيا يطلقها

يوسف : ياعم سيد باغي يتزوج صالونات ولا ما صونات معرفت اش سميتهم..😂😂

محمد( باستغراب) : اوا هدشي طبيعي، مالك نتا كيفاش باغي تزوج 🤨

رياض(كيضحك) : باغي يتزوج عن حب مسكين هههه

يوسف  : نتما بجوج معارفين والو ،الواحد مين يبغي يتزوج..خاص يكون زواج عن حب،يتعرف قبل على شريكة حياته ويشوف واش يتفاهمو بعدا عاااد ندوزو لخطوة ثانية لي هي نضربو لكحل فالابيض..

محمد  : ياسلام  عليك، وعلى تفكيرك يا فخر العرب...يعني الي بغيت نتزوج خاصني ندير علاقة محرمة، يرضي عليك هههه

رياض : سي يوسف خاصك تبدل هاد التفكير اصاحبي، راه من بني على  باطل، فهو باطل...ربي مغديش يبارك  لك فزواجك راه  بدايتها تغضب الله اكيد.

يوسف : عرفتي شنو نتا وهو.. ديرو لي بغيتو اشدخلني فيكم، يله تحركو كل واحد فيكم لقيسم ديالو راه صونات الساعة  😏

"ناضو الشباب كل واحد فيهم دخل للقسم ديالو"

" نعرفكم على ثلاثي ديالنا ،لي هما أساتذة وكيقريو في نفس الثناوية رياض 26سنة ،طويل ومفورمي ،عينيه عسليين وجه فيه واحد نور ياا سلام و زادته لحية جمال على جمالا..
يوسف صديق رياض قراو مع بعضهم من صغر هو صغر من رياض بسنة أما محمد هو زميلهم فالعمل، "

" من بعد، ما كملو الحصص ديالهم خرجو من ثانوية، توجه رياض للدار ديالو ...بدل عليه حوايجو ومشا كيوجد ليه ما ياكل، وهو  جالس كيوجد وكيفكر فهاد العيشة ديالو..و انه من بعد موت والديه.. وهو عايش بوحدو حتى من خوتو كل واحد فيهم عايش مع راسو، قرر إنه يقلب على شي بنت ناس يتزوج بيها و تغير ليه حياتو ،ويكمل معاها حياته ف طاعت الله ورضاه..."

شويا كيسمع الباب كيتخبط وهو جالس كياكل...
ابتسم ،حيت عرف شكون ناض فتح الباب لقى وليدات صغار  الي كيعطيهم  دروس  في حفظ قرآن، واقفين وهازين المصاحف ديالهم...

ابتسم وقالهم دخلو يلاه، وخا راكم جايين بكري بس معليش مهم تونسوني راني جالس بحدي....

جلسو كاملين كيضحكو مع بعضهم و يتحدثو

رياض  : ها كملنا ضحك... دبا ندوزو للمعقول نبدأ تسميع

سيف. : عمو رياض.... ماما كتقول ليك شحال فلوس الدرس باش تجيبها لك...

رياض ( بدا كضحك) :  قول لماما عمو رياض مكياخدش  فلوس، أنا كحفظكم لوجه الله....وباغيكم تكونو مزيانين ف الحفظ تافقنا يله، وكل واحد يقول لواليديه الخايب هو لي مكيحفظش و عمو الرياض غدي ياخد منو لفلوس، وزيد عليها مغديش نعطيه ليبونبون...

بقاو دراري كيضحكو وكل واحد فيهم كيهز إيده باش يعرض عليه ...

"دازت الأيام ورياض كيقلب على لبنت الي غدي يتزوج بيها وأخيراً لقاها من بعد ما قالو عليها واحد جاره
قرر إنه يمشي يخطبها ويشوفها..."

------------------

(مفهوم زواج الماصونات هو تكون البنت، متصانة فى بيت فيه رجل علمها الأخلاق والقيم ومن ثم أتاها عريس يطرق بابها بعزّة ويطلب ممن رباها أن يناسب بيت الاخلاق والحشمة هذا ،بالداريجة زواج تقليدي إسلامي)