#تزوجت_ملتحي📿💍
الكاتبة : Aicha_El🥀
الجزء____(8)
🕊🌸ما خُلقنا لنيأس خُلقنا لنقف على شرفة الحياة ونخوضها مطمئنين، واثقين بالله، وعلى أمل وإن طال وقوفنا ف الأمل أطول 🌸🕊
"رجع رياض كيمشي يشوف آلاء ...مره مره وهي بسبب الضغط... كانت كتهضر معاه مزيان مكتبين ليه والو، حتى رياض رتاح ليها، خصوصا ملي عرفها.. يتيمة الأب و كبرت مع راجل أمها وعانت ف حياتها...، زاد تعلقه بيها وانه يتزوج بيها ويعوضها على كل حاجة ضاعت فحياتها. "
رياض : احم.. مهم حنا مغديش نديرو عرس بالموسيقى و ديك روينة، من الأفضل يكون عرس اسلامي.
آلاء (جاتها على قلبها) : اه...بناقص حتى أنا مبغا لا عرس لا والو.
رياض ( استغرب من جوابها) : بصح....مهم لي يريحك ديريه
"دازت الأيام...عند آلاء غير فشقى دار وكتخرج مرة مرة هي وامها تشري جهازها...واليوم غدي تمشي عند لعدول باش يديرو العقد "
آلاء (صونات على صحبتها كتهضر معاها) : آلو ،أحلام صافا حبيبتي
أحلام : لالة لعروسة.. كيف بقيتي شويا
آلاء : حمد الله كنعديو... قولي مزال موصلتي راه بغيتك تمشي معيا عند لعدول راك عارفة... معندي حد من غيرك.
أحلام : أنا فالغالب...انوصل معطلة احبي مشي تينا وبالليل نكون عندك
آلاء (كتهضر بيأس ): اوووف....ياك قتلي خاص تكوني معايا فهاد نهار تفو عليك مهم نتشوفو بليل.. باي باي
"دخلت أم آلاء عندها لبيت، تعلمها توجد راسها... باش غدي تمشي دير لاكط، ناضت آلاء وقلبها مزير عليها...دخلت الحمام، بكات حتى شبعت وناضت.. خدات دوش خفيف وخرجت، لبسات جلابة فالباج مع زيف فالازرق وسباط زرق، كتفات غير ب اكخون دشمس وكلووز، وخرجت عندهم"
آلاء (كتهضر مع مها) :هنا واجدة... باش نمشي نسني على ورقة مماتي 🙂
حياة : اوا من فمك لعد الله، نيت نتهناو منك..
"آلاء حابسة بكية...خرجت كتلقا رياض راكب فطومبيل ديالو وفجنب ديالو خالد... راجل مها جالس وكيخنزر فيها ، مشات ركبت لور، بقات حانية راسها وكتشد دموعها بزز، ورياض حاضيها من مرايا طريق كاملة...منزلش عنيه عليها حتى وصلو ، دخلت سنات على العقد ورجعات دبا زوجة رياض على سنة الله ورسوله "
رياض ( مقاداه فرحة مد ليها يديه يسلم عليها ويبارك ليهم) :آلاء...مبروك علينا
آلاء (مدات يديها وهي مهبطة راسها الارض) : الله يبارك فيك
رياض (بالتاسم ليها وقالها) : مهم نوصلكم لدار... باش فالليل نجي نديك لدارك
"من بعد ما وصلهم دخلت آلاء لبيتها كتبكي... على زهر ديالها وعلى أحلامها لي بناتها مع واحد سمح فيها فأول مشكل... وهي جالسة فبلاصتها ناعسة دخلات عليها أحلام ناضت كتجري عنقتها ..حيت مدة طويلة ما شافتها. "
آلاء (كتهضر ومخلطة عندها دموع و فرحة) : واخيير جيتي، هئ هئ... توحشتك الكلبة
أحلام(معنقاها وكضحك) : وصافي اطحبة براكة من دراما، راك عرفاني معنديشي مع هدشي هههه...وتينا ليوم عروسة وجالسة دمعي
آلاء (طلقات منها و كتمسح فدموعها) : أنا راه منحوسة ...مشي عروسة
أحلام : معندك مدير اصحبة صبر وصافي... اوا العايلة دار عامرة بالناس عندكم، وتينا مزال موجدتي راسك ما والو
آلاء ( بلا مبالاة) :ههه اش غدي نوجد مثلا... باينة فيا حالة عروسة فرحانة .
أحلام (كتجر فيها تنوضها) : نوض نوض الله يهديك...راه زيانة شويا ما توصل... تعدل ليك شويا هاد لوجه لصفر ههه
آلاء : بلاش منها اصحبتي...والله معندي لخاطر لشي حاجة نقاد غير لراسي دكشي خفيف وصافي
أحلام : عاودها ليماك نووضي تكعدي قدامي..
"تقادات آلاء ...ولبسات قفطان فالاخضر ملكي وأحلام لبست قفطان خفيف...دخلت آلاء لصالة و بدات نساء تصلى على نبي...دارو ليها حنة خفيفة فيديها وكتشوف فالناس كلشي فرحان وهي المعنية بالامرة قلبها كيبكي دم...جاء وقت الرحيل وكيف تنعرفو أم اي عروسة مكتصخاش بالابنة ديالها تخوي عليها دار... ولكن هنا العكس لالة حياة وسي خالد، مقاداهم فرحت حيت اتخوي عليهم دار ، من غير أحلام لي حاسة بصديقتها، عنقتها وبقاو يبكيو على بعضهم،...وأحلام كتصبر فيها. مشات آلاء مع سي رياض لدار لي كان فرحان بزااف.ولكن آلاء دموعها مقدراتش تحبسهم ..ودع رياض خوته لي غير حضرو العرس ومشاو بحالهم"
"في بيت الزوجين "
"رياض كل ما كيقرب ليها يبوس راسها... هي كتزيد تبعد عليه، قال مع راسه اكيد مزال حشمانة مني "
رياض : آلاء معندك مناش تحشمي... نتي دبا رجعتي مراتي على سنة الله ورسوله.
"وخا هكاك كل مكيقرب ليها... كترجع لور حس بشي حاجة مشي طبيعية، فجأة آلاء طاحت الأرض وبقات تبكي بطريقة هستيرية."
رياض ( كيهضر وهو مخلوع عليها) : آلاء... واش نتي لباس شنو مالك
"مجاوبتوش ....وغير ما كتزيد فالبكاء، مشا بالزربة جاب لها كأس ديال لماء، مدات يديها وهي كترعد ونظرات الخوف باينة فعينيها...حس بالخوف ديالها حط كأس على الارض وناض بعد عليها شويا"
رياض ( كيهضر ومصدوم من هاد المنضر لي قدامه) : لا ميمكنش، واش خايفة مني...!!
"آلاء منزلا راسها لأرض، رياض حس أنه خاص يخرج ويخليها بحدها شويا...خرج كيهضر مع راسو أكيد اكيد راها مزالة بنت... وغدي غير تكون متخوفة أنها تعيش مع واحد غريب عليها فبيت واحد ... اه خليها راسها ترتاح شويا من بعد نرجع عندها."
"آلاء خافت مين شافته خرج من لبيت ، وقالت مع راسها ،اكيد مشا يجيب شي حاجة يضربني بيها ...وهي جالسة كتفكر فهاد التفكير الغبي بحالها ههه سمعت شي صوت زوييين ،كيقرا القرآن،
فتحت الباب وكطلل من شقة... بان ليها رياض كيصلي، بقات واقفه وهي مرعوبه شويا كمل صلاه ودخل لبيت اخر ونعس. "
يتبع.....
ياربي غير شي راجل بحال رياض وخا يكون كيفركع ناس نقله هيا نقاتل في سبيل الله وهاد ختنا كتعفر عليه🤦♀🚶♀🚶♀
💛
أنت تقرأ
تزوجت ملتحي🌻مكتملة🌻
Romance💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
