#تزوجت_ملتحي📿💍
الكاتبة : Aicha_El🥀
الجزء____(32)
🕊🌸من قلب صادق و حنون وعيون تشتاق لعيون دعيت رب الكون يسعدك فين ما تكون 🌸🕊
"فاتت أيام..وجات أيام..آلاء نهار على نهار كتزيد تتشبت ب التزامها..و حبها لدينها...و رياض مكانش مقصر من جيهتها اي حاجة كتعلق بالدين كان كيحاول يوصلها لها.. بطريقة بسيطة وسهلة.. "
"فهاد الأيام..مشا يوسف خطب أحلام...وتم تحديد موعد العرس...طول الوقت و آلاء على تواصل مع صحبتها... وليوم كانت فرحانة آلاء بزاف حيت ..اتخرج تتلاقى مع صديقة العمر ديالها من بعد ما خدات الإذن من عند رياض... "
آلاء (جبدات واحد من النقابات جداد لي شرا ليها رياض وكتلبس) : رياض شوف...ما حسن نلبس هذا ولا هذا... (كتخيره بين الألوان)
رياض (هز راسه وشاف فيها ) : لي لبستيه كيجيك زويين... غير فكي راسك خليني نوصلك ونمشي لخدمتي
آلاء : مالك مزروب...غير بشويا عليا
"لبسات آلاء...وخرجت هي و رياض وصلها لبلاصة لي اتلاقا فيها هي و أحلام...وهو مشا لخدمته..."
"أحلام كانت واقفة جنب طريق كتسنى ف آلاء...وحانية راسها كتهضر مساجات مع يوسف...بين ما آلاء شافتها ومشات عندها... "
آلاء (طارت عنقاتها بلا متشوف فيها احلام) : توحشتااااااااك...
(تخلعت مع مكانتش عافة آلاء لبست النقاب كانت بغات دير ليها مفاجأة)
أحلام : وااااااع.... شكون تينا... أشهد أن لا إله إلا الله وأن محمداً عبدك ورسولك....الله يرحم واليدين لكنتي بغيا تجاهدي في سبيل الله فوتني غير أنا....
آلاء (كضحك) : لاا.. أنا بغيت نجاهد فيك نتي.. "هزات نقاب على وجها" وباااز ليك تخافي ما تحشمي
أحلام (بقات مصدومة) : اوااعدي يانا...واش تينا هدي.. واش آلاء ولا غير كنحلم
آلاء (قرصاتها فجنبها) : لا خااالتك ضااوية هاادي
احلاء (شدات فبلاصة القرصة) : اححح.. ايما لحبيييبة..صاافي زمتك لحية اصحبة
آلاء : ههه الله يهديك اش غدي يزمت فيا
أحلام : هاااا...تعقل شني قتلك نهار عرسك..قلت لك راه لحية ايعدلك هاد لعجب
آلاء : اشمن عجب.. هذا راه النقاب.. وأنا لي لبسته بالإرادة ديالي.. .رياض ما بزز عليا والو
أحلام (تصدمت) : لااا تقولهاااشي...صافي عدلك غسيل الدمااغ...ميمكنشي تينا آلاء لي كنعرف
آلاء : عرفتي اش ديري...
أحلام (بتعجب) : شني...!!؟
آلاء : حسبي رواايدك...وزيدي قدامي.. ياك خارجين نفوجو ونتي جالسة ديري ليا استنطاق هنا
أحلام : ولا ولا...بغتني نمشي معاك فالطريق...ولي دوزنا حداه يقول ها واحد داعيش
آلاء (دارت راسها تقلقت) : اوا هي نقلب دورة.. ونمشي لداري
أحلام (جراتها من يديها) : زيد زيد قدامي...وتينا عالمة بحال.. شي غراب ملثم
آلاء : احلاااام
احلام : صافي..صافي زيد هاني ساكتة
"مشاو صديقات ديالنا...شبعو دوران وخدات أحلام شي حوايج كانو ناقصينها.. للعرس قرب وقت لي دايرا فيه آلاء مع رياض يجي موراها...ودعات أحلام وكل وحدة شدات طريقها"
"تسريع...الاحداث "
"ليوم عرس أحلام ب يوسف.. حضرت آلاء لعرس صاحبتها.. ختارت تلبس كسوة فالاحمر مع نقاب ديالها...وخا كانو غير النساء لي حاضرين مبغاتش تحيد نيقابها... بقات لابساه طيلة العرس.... "
داز العرس ناضي و بتقاليد ناس الشمال...
و كما عارفين العيالات و الرجال مكيتخلطوش الحفل بدا من العصر ... و الفرقة النسائية طالقة حلووقها منشطين العرس ...
آلاء دوزات وقت زوين وفرحات لصاحبتها..
(بنات مبغيتش...نتعمق لكم فشي احداث لي ما لهم حتى علاقة بالقصة... سو أنا قصتي عندها هدف واحد... هو نوصل لبنات بعض معلومات دينية لي تفيدهم فحياتهم و كنحاول ركز اكثر على الأبطال الأساسيين "رياض و آلاء " أما الابطال الثانويين ما لهم علاقة)
BINABASA MO ANG
تزوجت ملتحي🌻مكتملة🌻
Romance💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
