#تزوجت_ملتحي📿💍
الكاتبة : Aicha_El🥀
الجزء____(11)
🕊🌸أحياناً يغلق الله سبحانه، وتعالى أمامنا باباً لكي يفتح لنا بابا آخر أفضل منه، ولكن معظم الناس يضيع تركيزه، ووقته، وطاقته في النظر إلى الباب الذي أغلق، بدلاً من باب الأمل الذي انفتح أمامه على مصراعيه.🌸🕊
"رياض عرف أن آلاء تزوجات بيه بالسيف عليها...وقرر أنه يحاول على قدر المستطاع.. انه يخلي الحياه تستمر.. لأنه عارف إلى طلقها راجل أمها غدي يجري عليها،هدشي من غير الضرب لي كان كيضربها.... "
"رياض حط الماكلة...ل آلاء فالبيت وخرج
"آلاء مصدومة من تصرفات ديال رياض معاها...وجالسه كتهضر مع راسها "
آلاء : دبا هو علاش كيتعامل معايا هكا...يعني معروف على هاد الفقهاء وملتزمين كيخوفو مال هدا، زعما يكون كيوجدلي شي مصيبة، وأنا معرفاش...
"كرشها كتغوت بالجوع...ضربت على راسها بغباء،وغير كولي دبا من بعد يحن الله.... "
"رياض كان جالس كيراجع لخدمتو.. في حين آلاء كملت ماكلتها وخرجت كتسلت..دات صينية لكوزينة، شافها رياض كيفاش خارجة كتسلت جابت ليه ضحك.. شويا سمع شي حد كيدق فالباب...مشا فتح كيلقى أم آلاء و راجلها،وخا كان معصب من راجل أمها ...حاول ميبين ليهم والو "
آلاء أول ما سمعت صوت راجل امها..قلبها بغى يخرج من بلاصته بالخلعة.... كانت خايفه يمشي رياض يعاود له كلشي،ولا يقله علاش زوجتيها ليا.... بدون موافقتها غير هاد الموضوع كان جايب ليها خلعة أما إلى عرف رياض اش باقي مخبعا عليه أكيد أتكون هديك هي الآخرة ليها"
"رياض رحب.. بيهم ودخلو"
حياة (من فوق خاطرها كتهضر) : صباح لخير...مولاي السلطان كيف صبحتو
رياض(بتاسم ليها ) : الحمد لله اخالتي...
خالد (جالس يدور فعينيه بحال إلى تالفة ليه شي حاجة كيقلب عليها) : فين هي واحد آلاء مبانتش ليا...
"آلاء غير سمعت سميتها... زادت خافت كتر"
رياض( بإبتسامه ): موجوده...أنا نوض نعيط ليها
رياض :( دخل عند آلاء لبيت لقاها خايفة وكترجف) مالك خايفه!!؟... ياك قلت لك أنا نسيت اي حاجة قلتها ليا
"آلاء مزال خايفة ...مزال معندها الثقة ف رياض... "
" فالصالون بقات جالسه... ام آلاء وراجلها كيهضرو بالهمس"
حياة (حنات عند خالد لودنيه) : أنا راه خايفة على لبنت ا خالد..ليكون دار فيها شي حاجة...أنا راه هاد الاخوانيين مكنرتاحش ليهم..سبحان الله قلبي كيهرب منهم
خالد : خلييه..تستاهل نييت على الأقل تأذب شويا
حياة : يهديك الله ارااجل... مالك قلبك كحل
"رياض و آلاء دخلو عليهم"
آلاء (كتهضر وحانية راسها) : ماما لباس...
وقفات حياة تعنقها و تبارك لها...يله قربت منها حتى رجعات آلاء لور وخلاتها واقفة... حياة حشمت مرضاتش حدا نسيبها... حتى من رياض معجبوش لجيست لي دارت آلاء لأمها ،جلس رياض حدا آلاء وشد فيديها بحال أي زوج مع زوجته مبينين بلي مفاهمين
خالد : جالس ومستغرب من شكل ديالهم... كيقول واش هدي هي لي زوجتها بسيف عليها... صافي دغيا رجعو سمن على عسل،ميمكنش
رياض( بابتسامه) : الجلسة ناقصها غير شي كأس ديال اتاي.. نوض نوجده
خالد : هااء... نتا لي غدي تنوض ديرو، وشنو كدير آلاء هنا بالسلامة..
رياض( بابتسامه ) : آلاء عياانة شويا ،والنبي قال خيركم خيركم لأهله وأنا خيركم لأهلي"صل الله عليه وسلم"
حياة و خالد بقاو غير حانيين راسهم من هضرتو... حتى من آلاء بقات مستغربه ....
حياة وخالد مطولوش فالجلسة وناضو مشاو لدارهم...
"غير خرجو رتاحت آلاء... بحال شي كابووس وتزاح من قلبها"
آلاء( بفرحه): شكراااا بزااف.... حيت مقلتي ليهم والو، والله خيرك عمري ننساه ايبقى فوق كتافي.
رياض( بابتسامه) : كاين واحد الحاجة...اسمها رد الجميل..
آلاء (شافت فيه بخوف بقات غير كدور فعينيها) : هاااا..كيفاش زعما شنو بغيتي تقصد..!!
"آراء ديالكم فتاتيييش 🚶♀🚶♀ اشنو هو هاد الجميل لي اترد ليه... 😌 اجيو اجيو خليو عقلكم غير هنا..متكووونوشاي سافلات راه عرفتكم فاش فكرتو 😂"
ESTÁ A LER
تزوجت ملتحي🌻مكتملة🌻
Romance💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
