تزوجت ملتحي🌻مكتملة🌻

🌻الجزء 26🌻

#تزوجت_ملتحي📿💍
الكاتبة : Aicha_El🥀
الجزء____(26)

🕊🌸أغَارُ أن تَرَي الشَـمسُ وَجهُهُا وًكٌلِ مُـحِـبٍ لِـــمَن يُحِبُ غَيُـــورُ فِي النِقابِ حَفِظَــــت نَفسِهَا
وَسِرُ عِشقِي أن جَمَالُهَا مَستُـور..🌸 🕊

"كملت آلاء شغال دار... وتوجهت للمكتبة تجمعها.. وهي كتقاد ليه كتب فبلاصتهم... لقات وريقة مكتوب عليها

"انتي ملكة بنقابك 👑 "

_ قالوا تخلف و رجعية
* قلت و هل من التقدم و الرقي ان امشي كاسية عارية  امام اعين الناظرين
_ قالو كيف تتنفسين !؟!
* قلت تعودت عليه و الله هو المعين
_ قالو يقيد الحرية
* قلت بل يصون المرأة و يحفظها كالصدف يحمي اللؤلؤ الثمين
_ قالوا يؤخر الزواج للعازبات
* قلت الزواج رزق من الله بيد الله وحده و ما عند الله لا ينال الا  بطاعته فهو خير الرازقين

"دمعت عينها مين قرات هادشي... شويا كتلقى فوق المكتبة كرتونة...حلاتها كتلقى فيها إدناء و نقاب...وعلبة فيها شكولاته...وكتييب..خدات الكتييب بقاات كتقراه لقات فيه كلام زويين بزاف على النقاب.. خدات كارتونة لبيتها حطاتها... وخرجت كملت شغال دار.. "

"كملت غداها..وجلست خدات تلفون ديالها صوناات على صحبتها أحلام "

آلاء : هاااالووو... هاالوووو

أحلام (بفرح) : اهليييين....حبقلبي.. تينا مزال حية، ههه تشوفتك غبرتي قلت يكون لحية قطعك طراف وسيبك فالبحر ههه

آلاء : ههه ياك الكلبة عليها قلتي نسول فصحبتي

أحلام : حتى نكون حمقة...بغتني نصوني لك ويصدق داعي فيا لحية شي دعوة مهياش...

آلاء : باااز لك اختي...لحية هو لي كيفكر لك...وشاف لك عريس هههه ونتي مكتقولي فيه حتى كلمة زوينة

احلام (سمعت عريس قفزت من بلاصتها) : انااا بالله وشرع معاه...تينا شكون قالك أنا بغا ندزوج...لا اختي منقصاشي شي لحية

آلاء (كضحك) : هههه غير بشوية عليك ازمرة...شكون قالك لحية.. هذا واحد صاحبو كيقري معاه كان شافك نهار عرس وعجبتيه

أحلام ( يله رجعات فيها نفس) : هااا... هيداك قول وتينا خلعتني.. ..اممم شفت معاه جوج دعيال واحد باللحية ممزيونشي بزااف.. اووو اححح اقلبي واحد مكنشي معدل لحية زييييون ...

آلاء : ههه لا اكييد لي بلا لحية.... حيت لاخر مزوج

أحلام (كتنقز بالفرح) : قووول والله....مكدكدبشي ياااك... اواااعدي يانا قلبي ايسكت

آلاء (كضحك ) : هههه والله حتى بصح...شنو دبا نقله راك موافقة غير يجي يخطب

أحلام : دين ديمااك هدشي عاد فيه تفكاار....قله  يجي من دبا أني وااجدة ههه

آلاء : اوا صافي تلاحي...يجي رياض ونقلها ليه

احلام : هاي هاي.. على يجي رياض ونقلها ليه...اش تما اصووحبة شفتك رااشقة لك

آلاء : مالك اختي بغيتيني نبكي

احلام : اممم لا لا... متبكيشي أختي يله قول اش تما

آلاء : هضرة طويييلة حتى نتلاقاو ونعاود لك

أحلام : كلاااوي على عينك.. بربي تا دقوول كلشي دبااااا

"آلاء عارفة كوولة سبيسيال ديال صحبتها مغدي تفاك حتى تعاود ليها كلشي...دكشي لي كان عاودات لها آلاء من نهار حطات رجلها عند رياض فالدار... إلى يومنا هذا "

آلاء : اوااا ياختي هذا مكاان...

أحلام (غير مصدومة من هدشي لي سمعت) : لا لا ميمكنشي...دبا قلي دقتي الحلوة الملعووقة هههه قلي قلي كيف جاك لكوا مع لحية...ياك ما كيرقيك عاد كيبدا ههههه

آلاء : ههه سيري الله يمسخك.. .تلاحي رياض دبا وهو دخل

احلام : وعقاال فيها..مبغتشي دقول كيف كواك ههه

آلاء : أحلام بااي ههه

أحلام : يله دكاااودي...باي

#يتب______ع