تزوجت ملتحي🌻مكتملة🌻

🌻الجزء 12🌻

#تزوجت_ملتحي📿💍12
الكاتبة:Aicha_El🥀
الجزء_____(12)

🕊🌸أروع القلوب قلب يخشى الله وأجمل الكلام ذكر الله وأنقى الحب الحب في الله 🌸🕊

رياض(ضحك حيت عرفها فاش فكرت) : دكشي لي فراسك مزال عليه الحال... (غمزها) ههه دبا العصر أذن وداركم كانو هنا...وحشمت نخليهم ونمشي نصي فالجامع... اييوا وضاع عليا ثواب الجمااعة.

آلاء(رجعاات حمرة) :  اه... مهم سمح ليا

رياض (بغى يخوفها) : اشمن سمح ليا... حنا عندنا لي يأخر صلاته خاص يفجر رااسه ولي معاه

آلاء تزاد معاها زايد بدات ترجف خاافت...

رياض(بقى كيضحك على منضرها) : راه غير ضاحك معاك لتمشي تموتي ليا هنا....رد الجميل الي باغيه منك الالة... هو انك تتوضي باش نصلي  بيكي صلاة الجماعة وناخد الثواب....

آلاء ( يله رجعت فيها روح)  : صااافي... هدشي لي بغيتي ولكن راه بحال صلاة في دار بحال صلاة مع الجماعة.. !!

رياض : كاين فرق كبير.. عن أبي أمامة رضي الله عنه قال:
قال رسول الله صلى الله عليه وسلم " (( من مشى إلى صلاة مكتوبة في الجماعة فهي كحجة ومن مشى إلى صلاة تطوع فهي كعمرة نافلة ))
إذاً صلاةٌ واحدة مع الجماعة بأجر حجة أما إلى صليت الخمس في جماعة لأُجرت بأجر خمس حجج
شتى شحال ديال الفرق

آلاء (بقات غير كدور فعينيها كيزمتها بالأحاديث) أحم..اه هكاك صافي وخا

رياض( بتاسم ليها وقال) : اييه الالة... يلا نوضي، باش منتعطلوش على صلاة...

آلاء : وراه مزال الحال ....على صلاة المغرب

رياض : واش عافة ربي اش قال على لي كيأخر صلاته...

آلاء (كتهضر مع رأسها : ياربي تعطيني لقوة حتى أنا مكنسكتش ها هو شي حديث التي) : اش قاال... ؟

رياض : قال الله تعالي   (.فَوَيْلٌ لِّلْمُصَلِّينَ ۝ الَّذِينَ هُمْ عَن صَلَاتِهِمْ سَاهُونَ ۝ الَّذِينَ هُمْ يُرَاؤُونَ ۝ وَيَمْنَعُونَ الْمَاعُونَ ۝  [الماعون:4-7]

آلاء (باستغراب) : هااا... مفهمتش

رياض (بابتسامه)  : الويل هو وادٍ في قاع جهنم للذين يسهون عن صلاتهم ويأخرونها....

آلاء (بدهشه) : هاا... هدشي غير لي كيأخر صلاته... ولي مكيصليش فمرة اش غدي يدير..

رياض : كاين شي علماء  قالت  إن تارك الصلاه كافر ولكن ليس كفرا يخرجه من المله وفي فئه من العلماء قالت إنه فاسق...

"آلاء (بخوف وحزن قالت له) : دبا ولي كان معارفش.... اشنو غدي يدير ، دبا هو أنا مكبرتش فدار لي كتعرف الله وتخافه... كنت نصلي من رمضان ل رمضان...

رياض( بتاسم ليها) : ودبا لي عرف خاص يتوب لله...

آلاء : و توبة غدي تكفي...

رياض : لا لا...خاص يحاول يكثر من السنن و من قيام الليل....بحيث انك تعوضي الي فاتك من الصلوات

"يله غدي تهضر آلاء هو يقاطعها... "

رياض : اشرييفة.. راه إلى بقينا جالسين تنهضرو...غدي نرجعو من الذين هم عن صلاتهم ساهون ....

آلاء (ابتسمت وقالتله ): وخا أنا غدي نمشي نتوضأ..

"رياض فرح مين شافها ابتسمت ليه"

من بعد ما كملو الصلاة تمت نايضا آلاء من بلاصتها...

رياض : جلسي فبلاصتك..

آلاء ( استغربات): هااا.. كاينا شي حاجة... درت شي حاجة غلط ياك..

رياض : لاا.. مدرتي والو غير جلسي نختمو الصلاة...

آلاء : و كيفاش غدي نختموها....

"رياض قرب ليها وبغا يشد يديها... بالزربة خطفات يديها"

رياض : متخافيش مغديش نعضك.. غير اري يدك

آلاء : مدات ليه يديها

رياض (خدا يديها وفرق صبعانها وقالها) : غدي نقولو...
  سبحان الله (33 مرة ) والحمد لله (33مرة ) الله أكبر ( 33  مرة )  ونقول تمام المائة لا إله إلا الله وحده لا شريك له له الملك وله الحمد وهو على كل شىء قدير....

"آلاء خلات ليه يديها يسبح عليها وهي غير كتشوف فيه... مندهشا من كمية اللطف الي كيهضر بيها والأبتسامه لي مكتفارقش وجهو...

آلاء : ريااض واش نتا ديما ضاحك... مكينش شي حاجة كتقلقك زعمى

رياض (شاف فيها وابتسم) : كنت هدي شحال... دئما مخنزر وغير على سبة ههه...ولكن من بعد ما عرفت طريق الله.... خديت قاعده ف حياتي الدنيا فانيه ....فعلاش التعب والحزن الملتقى الجنه بإذن الله ...ومالك أختي مقلقاك ضحكتي ولا شنو ههه...راه رسولنا قال ابتسامتك في وجه أخيك صدقه وكان نبينا بشوش الوجه

آلاء  : صل الله عليه وسلم " لا أنا ما مقلقاني ما والو... بغيت غير نسولك وصافي...

رياض( ضحك) : أسئلتك بزااف... ولكن معليش غدي نعتابرك من دراري لي كنقريهم ههه

آلاء  (بحزن) :"بين نفسها كتهضر"معرفت واش.. غدي تبقى هاد الابتسامة فوجهك نهار تعرف اش مخبيا عليك ولا لاا."
يتبع...

"لبنات نوصيكم على صلاتكم عمركم تفرطو فيها على قول الرسول صلى الله عليه وسلم :
{ العهد الذي بيننا وبينهم الصلاة فمن تركها فقد كفر }
الصلاة ثم الصلاة ثم الصلاة ❤"