تزوجت ملتحي🌻مكتملة🌻

🌻الجزء 25🌻

#تزوجت_ملتحي📿💍
الكاتبة : Aicha_El🥀
الجزء____(25)

🕊🌸التفآؤُلَ خيرَ بَدآيةِ لـ [يوُمَ] قَد يكِوُنَ مِنَ آجمَلَ أيآمَ حياتِنا، كل يوم تعيشه; هو هدية من [ ﭑللہ] فلا تضيعه بالقلق من من المستقبل أو الحسرھ علىْ الماضي. 🌸🕊

"أصبحنا وأصبح الملك لله والحمد لله لا إله إلا الله... فاقت آلاء هي الأولى مشات خدات دوش و توضات مشات صلات صلاة الصبح...من بعد مشات كتوجد فطور ل رياض باش يمشي لخدمة... وهي جالسة كتوجد وكتفكر ليلة ديالهم كيف دازت كتبسم غير بحدها..."

"فاق رياض ملقاش آلاء حداه فالفراش...تبسم وناض دوش وصلاة صلاته... من بعد توجه للكوزينة عندها.. "

رياض (جا موراها وعنقها)  : صباااح الخيير.. حبيبتي كيف صبحتي

آلاء (حشمت وحدرات راسها) : صباح النور... شويا الحمد لله

رياض (طبع قبلة على خدها) : ممم...صابحة حاادكة ليووم...شنو السر ههه

آلاء : ههه والو... غير قلت نفيق نوجد لك فطور.. قبل ما تمشي الخدمة

رياض : ربي يخليك ليا... ليوم الجمعة غدي نتعطل شويا

آلاء : اه.. اوا جمعة مباركة مسبقا

رياض (جرها من نيفها) : تتتت.. مقنقولوش هاد جمعة مباركة لأنها بدعة

آلاء ( بدهشة) : هااا... كيفاش بدعة

رياض ( جرها من يديها وجلسها على الكرسي) : اوا الآلة...التزام قول المسلم لأخيه المسلم جمعة مباركة...لا نعلم فيه سنة عن رسول الله صلى الله عليه وسلم.... ولا عن صحابته الكرام، ولم نطلع على أحد من أهل العلم قال بمشروعيته... فعلى هذا يكون بهذا الاعتبار بدعة... محدثة لا سيما إذا كان ذلك على وجه التعبد... واعتقاد السنية ، وقد ثبت عن آلنبي صلى الله عليه وسلم ، انه قال :" من عمل عملا ليس عليه أمرنا فهو رد " رواه مسلم و البخاري معلقا ، وفي لفظ لهما : " من أحدث في أمرنا هذا ما ليس منه فهو رد "

آلاء : اهاااه... مكنتش عرفاها.. حياتي كاملة وأنا كنشوف فالمواقع التواصل الاجتماعي...ف كل جمعة كيقولوها

رياض : اوا هنا قلت لك.. اه نسيت كنت باغي نهضر معاك فواحد الموضوع....متعلق بديك صحبتك لي كانت معاك نهار العري

"آلاء سمعت حس صحبتها... وأن الموضوع متعلق بيها قفزات بالخوف"
آلاء (بقات دخل وتخرج فالهضرة بخوف) : هاااه... صحبتي ماالها.. .شنو داارت.. .راه والله والله من عرس ما وجعت هضرت معاها...وهي ولهيلا ضريفة... مسكينة ولهييلا

رياض ( جابت ليه ضحك) : هههه كاالمة...كالمة.. مالي أنا اش قلت لك عليها ههه غير بشوية عليك وتعملي تسمعي...تتمة الهضرة ونتي اتسخفي

آلاء (يله رجعت فيها روح) : هااء... وشنو فكرك فيها.. واشمن موضوع هدا لي متعلق بيها

رياض : حبة حبة.. .مالك على هاد الأسئلة كاملة

آلاء : اوا صافي هانا...هضر

رياض : اواا... واحد صاحبي كان شافها نهار العرس...وعجباته وبغا يتقدم ليها على سنة الله ورسوله...وقالي نقلهالك تهضري معاها

آلاء (غير قال لها هاد الهضرة بقات كضحك) : ههههه... لاا ميمكنش... هههه واااش احلام احلااام.. .صحبتي.. ههههه ناااري...ميمكنش ههه

رياض (هز حاجب وهبط حاجب) : دبا واش أنا قلت شي حاجة كضحك
آلاء (مزال مسكتات من ضحك) : ههههه لا لا مكنضحكش على هضرتك....ههه غير جاتني عجب وصافي اجي واش هاد صاحبك حتى هو ملتزم

رياض : لاا.. ولكن معرفنا من هنا القدام اش يكون..

آلاء : ههه ولا حيت هي...كتقلب على شي ولد حرام مبغاتوش يكون ولد ناس ههههه ويكون فوطو كوبي لكراش ديالها عزووز

رياض (بعدم فهم) : كيفاش..!! اش كتخربقي عليا...شكون هاد عزوز واش شي حد كتخضر معاه.. ؟؟

آلاء : ههه اويلي...لااا هذا غير واحد شخصية فواحد القصة...مهم معليناش منضوخش لك راسك... حتى نهضر معاها فهاد الموضوع

رياض : اوا الله يستر...

"فطر رياض وناض يمشي لخدمته.. هو خارج رجع عند آلاء لكوزينة. "

رياض (حنا باسها من راسها وقال لها) : زين ديالي.. ممكن ترتبي ليا ديك مكتبة معاك

آلاء : اه واخا نكمل من كوزينة.. ونمشي نجمعها

رياض : شكراا...يله نهارك مبروك...مع السلامة

آلاء (شيرات ليه بيديها) : بسلاامة..الله يعاونك

#يتب_____ع