تزوجت ملتحي🌻مكتملة🌻

🌻الجزء 33🌻

#تزوجت_ملتحي📿💍
الكاتبة : Aicha_El🥀
الجزء_____(33)

🕊🌸قد يكون انكسارك هو بداية نهوضك..قد يكون حزنك سببا لفرحة عارمة قد لا توفي شكرها..قد يكون ألمك هو الترياق الذي ينقذ حياتك...
أحسنوا الضن بالله يكن عند حسن ضنكم به...🌸🕊

فاتت الأيام وهما مع بعض وثابتين على طاعة الله وبدأت دوز الشهور وبعد الشهور فات أول عام على زواجهم...بدون أولاد ، آلاء كان هاد الموضوع مقلقها بزاف...  ورياض كان حاسس بيها انها مكرهاتش تكون أم بحال اي بنت "

"جالسه آلاء وحاطة يديها على حنكها وباينة فيها مقلقة بزاف "

رياض (ب تساؤل) :  مال حبيبتي....هاد الأيام وليت نشوفك غير مقلقة

آلاء (بحزن ) : قنطت بزااف من جلاس بوحدي...مكرهتش يكون عندي شي وليد نبقى لعب معاه نهار كامل... وبالليل نديرو فحضني ونعس

رياض (بحزن ) : ياك شحال من مرة... هضرت معاك وقلت لك نمشيو للطبيب ونتي مبغياش

آلاء  : وانت رافض تمشي معايا

رياض (بدهشه ): اهاااه... ولي نفترض أنه أنا لي طلعت مكنولدش...واش تمشي نتي تبقاي دوري على الأطباء...صافي ا آلاء حنا راه فمجتمع مريض...مينفعش نبقاو ماشيين وراه...إلى كان الراجل الخلفة ديالو... كلها بنات يقولك تزوج مراة.. غيرها تولد لك الولد مع انه خلفة البنات منو هو امرأة معندها حتى شي ذنب... وإلى بقاو فتره طويلة بلا ولاد... يقلوا عيب وحشومة راجل يمشي يتفحص فالطبيب... مراته هي الي خاص تفحص.. والي بقات فتره تاني ومولدتش يقولك طلقها أو تزوج  عليها باش دير ولادك..

آلاء (بحزن ) : هدي هيا الدنيا كلشي غادي على هاد المنطق...مغديش نجيو حنا نخرجو منهم

رياض : مشي معنى انه كاين فئه كبيرة من الناس...كدير حوايج  غلط خاص نعتبرها صح ...
إنجرافك حول القطيع الضال تحت مبدأ "الكل يفعل ذلك" يسلب منك خصالك كإنسان لديه عقل..

آلاء : اوا صافي...نمشي أنا ندير فحص...والى مكاينة حتى حاجة...عاد سير نتا 

رياض : راه كل مره كتقولي نفس الهضرة....ومكتمشيش...مبقيت فاهم والو فيك

الاء (بحزن ) : بغييت نمشي...ولكن خايفه خايفه
..نسمع شي خبر يصدمني ...معرفتش علاش عندي إحساس اني مغديش نقدر نكون أم

رياض : خلي عندك حسن ظن بالله...علاش تسيئ الظن...فخبارك راه الله سبحانه وتعالى كيعاملنا على حسن ضننا بيه.... يعني الي توقعتي قدوم الشر غدي يوقع

آلاء : كيفاش..!!

رياض :  عن النبي صلى الله عليه وسلم...: «إن الله عز وجل قال : أنا عند ظن عبدي بي، إنْ ظن بي خيراً فله، وإن ظن شراً فله»
وقال عبد الله بن مسعود  رضي الله عنه : "والذي لا إله غيرُه ما أُعطي عبدٌ مؤمن شيئاً خيراً من حسن الظن بالله عز وجل، والذي لا إله غيره لا يحسن عبد بالله عز وجل الظن إلا أعطاه الله

#يتب___ع