تزوجت ملتحي🌻مكتملة🌻

🌻الجزء 6🌻

#تزوجت_ملتحي📿💍 
الكاتبة : Aicha_El🥀
الجزء____(6)

🕊🌸الصداقة..
ليست نزهة ممتعة لساعتين أو ثلاثة..
أو مزحة تستمتع بها مع من حولك..
بل هي قوّة ستدركها في أصعاب الأوقات..
وتفرح بها في أحلى الأوقات🌸🕊

"آلاء ملي سمعت أنه عرسها  قريب... مبقاش ليه بزاف وهي سادة عليها بيتها وعطياها غير لبكاء"

خدات تلفونها وصونات.. على الصديقة الوحيدة لي عندها

آلاء (كتهضر وتبكي) : آلو احلام هئ هئ ...عتقيني أختي راه غدي نتزوج

أحلام (سمعات زواج فرحات) : ربي ربي.... اوا مبرووك اخييرا داك حمار دسفيان صدق بكلمته

آلاء :اشمن سفيان الله يهديك...واحد آخر بغي راجل مي يزوجني ليه بسيف

أحلام (كتهضر بالغوات) : أويلي، شني كتقول... وفين داك سفيان شني عملت معاه ياك قالك غدي يجي يخطبك فاين مشا لكيدار لاخر...

آلاء (نهارت بالبكاء) : طلع كداب... وكان غير كيضحك عليا هئ هئ  غير خدا لي بغا وسمح فيا هئ هئ.... قالي سيري الله يسهل عليك، هئ هئ طفا تلفون مبقاش بغا يجاوبني

احلام (تعصبة مين سمعات هاد الهضرة) : ولد *حبة... بغيت ندين ديماه لحكة وقلت ضفار شماتة لاخر ، تشو تهدن دبا اصحبة، راه كل حاجة اتجبرلها حل..

آلاء : اشمن حل هئ هئ راهم حدو نهار العرس 😭😭

أحلام (بقات مصدومة مين سمعت لعرس تحدد بهاد السرعة) : اوعدي ،اسي *بي...واش بهاد سرعة مال دين ديماه مزروب على لكوا هدا

آلاء : راه كلب ديال راجل مي... لي باغي  يتهنا مني، هئ هئ هئ لو تعرفي لمن باغي يزوجني...تبكي معايا، لواحد من دوك الناس لي ملتازمين وصحاب اللحي وجلابة هئ هئ حياتي كاملة وأنا نكرهم.. وبالتالي غدي نتزوج واحد منهم هئ هئ...

أحلام (تصدمت) : اوعدي يانا لتقلهاشي...، لالا لا واش دوك صحاب لحية و قميص.. لي كنا فقما ندوزو من حداهم يلعنو فينا ههه اوعدي وق*دتيها اصحبة ممعهمشي لعب

آلاء (كتبكي) : اه ياختي شفتي فين طيحوني ياربي انموت هئ هئ

أحلام : لتقوليشي غير شي شاارف...ولابس صبادرية و قميص...ايماا لحبية وعلى صاحيبتي وفين طاحت

آلاء (نسات راسها وبدات توصف فيه بلا متعيق) :لا ياختي..مزال صغير 26 عام...زوين شي شويا ، و شهب ، وعينيه عسليين .

أحلام (حابسة ضحكة) : ايه زيدي كملي...

آلاء : ولكن أنا راه خوفي من ديك لحية وهضرتو ياصحبتي غير قال الله ،قال الرسول ، اويلي راه إلى عرف كنت من قبل مصاحبة...ولي وقعلي مع سفيان اكييد غدي يجاهد فيا في سبيل الله...راه هدو ما معاهم تفاهم

أحلام : وهو  مين ايعرف الغبية ، تينا حاولي تتصرف بالعقل خلي من بعد ونشوفو شني تقلييه على داك موضوع....شوفتي هاد الناس ملتازمين راه كتعدل لنسا ديالهم نيقاب فخبارك هدي،اه ونزيدك...مكيخلهمشي يخرجو على باب دار ومعقدين بزاف، رود بالك اصحبة حتى من عائلة متجيشي عندك إلى قتلك فدار بقيت تما تخناز 

آلاء (ركبها الخوف) :  اويلي... دبا كيفاش غدي نتصرف، راه كنقلك الي موفقتش راجل مي حالف حتى يجري عليا...من دار هئ هئ وأنا فين غدي نمشي ديك ساعة.. نتي عارفة معندي حد فهاد الدنيا هئ هئ حتى من لمرا لي ولداتني كتسنا غير نهار لي نخوي عليها دار هئ هئ هئ

أحلام  : اوااعدي ينا واش هادا بنادم ولا حيوان... شفتي والله كون كنت ساكنة حداك حتى نجي الكلب لاخر تفوو...

آلاء (كتبكي)  : هئ هئ انا عيييت من هاد الحياة، هئ هئ صافي كرهت كلشي، من نهار مات بابا حبيبي... وأنا غير فالعذاب هئ هئ مكينش لي يحن فيا ياربي غير خودني عندك وهنيني من هاد لعذاب..

أحلام (بقات فيها صحبتها بزاف ولكن ملقات لها جهد) : شو الحبيبة دقلبي... متبكيشي ربي يعدلك لي فيها لخير

آلاء :أميين ياربي... يله بسلامة عليك احبيبتي

"كملت مع صحبتها لهضرت ناضت سمعات مها كتعيط لها خرجات لعندها "
آلاء : نعام أمي
حياة : واش عرسك ما بقى ليه والو...ونتي نهار وما طال جالسة فديك لبيت تنوحي بحال لمرا لهجالة.

آلاء (بنضرة منكسرة) : هه اه قول جنازتي، مشي عرسي

حياة (من نهار لي تزوجت فيه رجع قلبها قصح من لحجر معندهاش لمحنا ف بنتها.) : اهاه جنازتك لي غدي تهنيني منك... واش بغيا حياتك كاملة تبقاي حدايا ،الراجل يله مكافي مع مصاريف دار فين غدي نزيدو بمصروفك حتى نتي.

آلاء (كتبكي وترجا فيها)  : الله يخليك اماما هئ هئ والله حتى نخرج نخدم غير بلاش من هاد زواج هئ هئ ندير لي بغيتو بصح منديش هاد الإخواني

حياة : شتي هدا هو لي غدي تدي... وكلمة عطيناها ليه دبا جمعي خناينك ونوضي تخرجي داك صالون نسيقوه و غير تكملي دوزي لهاد لماعن حكيهم

"آلاء سلمات  أمرها لله ....مشات بدات كتجمع فصالون خملاتو كامل من بعد دازت لكوزينا حكات لماعن... هكا داز نهار ديال البطلة ديالنا غير فشقا دار ولبكاء على سعدها"

#يتبع