تزوجت ملتحي🌻مكتملة🌻

🌻الجزء 43🌻

#تزوجت_ملتحي📿💍
الكاتبة : Aicha_El🥀
الجزء____(43)

🕊🌸إذا جاء أجلهم لا يستاخرون ساعة ولا يستقدمون... اقترب للناس حسابهم وهم في غفلة معرضون... كل من عليها فان ويبقى وجه ربك ذو الجلال والإكرام... كل شيء هالك إلا وجهه... كل نفس ذائقة الموت... إنك ميت وإنهم ميتون🌸🕊

"رياض مفتخر بهاد العائلة لي عطاه الله...كان فرحان بزاف
و هو كيشوف ف آلاء...كفاش كتشرح لولدها وتفهمه...مشاو ينعسو.. وصل وقت الفجر...صونات الساعة، فاق رياض مشا توضأ...ورجع فيق آلاء..."

رياض ( كيفيق آلاء من نعاس.. وحاس بي الآم فالنص دصدره..كيهضر بصعوبة) : آلاء نوضي.. يله باش توضاي أنا خاص نخرج للمسجد

آلاء ( كتحل عينها غير بسيف...كتشوفه واقف وقابط على صدره) : اممم... أنا فقت مالك نتا شفتك واقف بسيف

رياض (كيتنفس بصعوبة...) :معرفتش..كنحس بشي حريق..فنص صدري

آلاء (ناضت بخوف) : هااا..اوا رجع رتاح ونعس.. بلا متخرج للجامع

رياض (شاف فيها وابتسم) : أفضل الصلوات... عند الله تعالى: لقوله صلى الله عليه وسلم: «أفضل الصلوات عند الله، صلاة الصبح يوم الجمعة في جماعة» إذن مغديش نمنع أفضل صلاة.. واليوم الجمعة.. و زيد على ذلك...من صلى الفجر في جماعةٍ، فهو في ذمة الله تعالى:
لقوله صلى الله عليه وسلم: «من صلَّى صلاة الصّبح فهُو في ذمَّة اللهِ، فلا يطلبنكمُ اللهُ من ذمّته بشيءٍ، فإنه من يطلبه من ذمَّته بشيءٍ يُدركهُ، ثمَّ يكبهُ في نار جهنَّم» يله نوضي..أنا خارج

آلاء (ملقات متقول ليه وخا خاطرها ...ما مهنيهاش مغديش تقدر تقله بقى.. ) : وخا..في آمان الله

"مشا رياض للمسجد...دخل قام بصلاة تحية المسجد وجلس...كيدكر الله بين ما آذن المؤذن...طول الوقت وهو كيحس بالحريق.. فالنص ديال الصدر دياله...مع ذاك كان صابر....آذن الفجر وناض إمام مسجد.. يقيم الصلاة.. "

الإمام  : استووا..تراصوا واعتدلوا..وأَقيموا الصفوف وحاذوا... بين المناكب وسدوا الخلل... ولينوا بأيدي إخوانكم ...ولا تذروا فرجات للشيْطان... ومن وصل صفا..وصله..اللَّه ومن قطع صفا قطعه اللَّه...الله أكبرررررر

"بدا الإمام الصلاة...وكل مخشع ف صلاته.. فهاد الوقت رياض..واقف والعرق كيهبط على جبه زباله...صلى ركعة الأولى و الركعة الثانية... سلم وناض صلى ركعة أولى من صلاة الصبح...مقدرش يكمل...حنا سجد بلا ما يشعر وخا هما يله فالإستقامة.. هو سجد...طالت السجدة وكملو المصلين صلاتهم...جا واحد من المصلين..كيقيص فيه باش يعلمه انه الصلاة كملت..."

شويا بقات كلمات كتردد فالمسامع ... الله اكبر.. إنا لله وإنا إليه راجعون.. كل نفس دائقة الموت..لا حول ولا قوة إلا بالله...أللهم رزقنا حسن الختامة....سعداتك افاعل الخير.. كل واحد وشنو كيقول...تعالت كلمة الله اكبررررر فالمسجد والمصلين بينهم كيهضرو.. "

مصلي 1: سعداااته...الله يرزقنا خاتمة بخاله

المصلي2 : مزال صغير مسكين..سعداتو مات ساجد

المصلي 3 : الموت علينا حق... مكتعرف لا صغير ولا كبير..

المصلي 1 : سيد مات...الله يرحمه لاش عاد كيتاصلو بالاسعاف..

المصلي 3 : ضروري خاص يديوه.. للمصحة باش يعرفو سبب الوفات..

"حضرت إسعاف نقل الاموات...هزات رياض...لأقرب صبيطار.. عملو ليه لازم.. وشافو سبب الوفاة...ف داك الحين اتصلو بالعائلة ديالو خوتو و خواتاتو...آلاء مسكينة مجايبة خبار..."