تزوجت ملتحي🌻مكتملة🌻

🌻الجزء 2🌻

#تزوجت_ملتحي📿💍
الكاتبة:Aicha_El🥀
_____الجزء ( 2)

🕊🌸لا بَأسَ أنْ نَبكِي قَليلًا .. أو رُبَّمَا كَثِيرًا
فبَعضُ الدُّروس لا نستَوعِبهَا إلاَّ وَجَعًا ~🌸🕊

في مدينة الدار البيضاء بالضبط في حي شعبي بي امتياز كاينة دار بطلتنا "

.....: و أخيرا..كملت هاد شقى دار دبا غدي نجلس نرتاح شويا..

" دخلات لبيت لي كتنعس فيه.. خدات تلفون ديالها و تصلات بالرقم لي غير كتشوفه قلبها كيرقص بالفرحة "

***(كتهضر والفرحة على وجها) : آلو ..حياتي كيف صبحتي

***(هز تلفون شاف نمرتها وبتاسم  ): أهلا ....حبيبتي آلاء صافا حمد الله ونتي

آلاء(غير سمعت صوته زادت بالتسامتها وساعت) : مين سمعت صوتك عاد رجعت بخير..

"بين ما آلاء جالسة تمعشق مع حبيب القلب ديالها، حتى كدخل عليها مها لبيت دغيا قطعات تلفون وخبعاتو تحتها ..."

حياة (كتهضر بصرامة) : نوضي تكعدي ...توجدي راسك غدا جايين شي ناس يهضرو فيك

آلاء :( بتساؤل مستوعباتش اش كتقول مها) :كيفاش اماما مفهمتش..؟؟!
حياة (دارت يدها على خصرها وكتهضر) : اهاااه.. وشنو بالسلامة لي مفهمتيش نفهمو لك..

آلاء (عينيها غرغرو بالدموع) : كيفاش جايين يهضرو فيا شي ناس غدا.. معامن تشاورتو أنا راه مبغاش نتزوج ..وزيد عليها شكون هادا لي جاي يخطب...

حياة (قربات لوجها وكتهضر) : لا واش كتهضري بعقلك.... علاش بسلامة مبغاش تزوجي.. عجباتك لعيشة معايا ،نهار ومطال ونتي ناشرة فرجليك حدايا نوضي، جمعي راسك براكة من تكلبين قلاك مبغاش نتزوج هيهاي عندي خيرية هنيا...

"خرجات مها من لبيت وزدحات لباب"

آلاء  مزال ممتيقاش اش كتقول مها.. بقات جالسة كتبكي..وهزات تلفونها كتصوني على سفيان صحبها "

آلاء : آلو سفيان..

سفيان :حبيبة ياك لباس علاش قطعتي

آلاء : (بقات كتبكي مقدتش تهضر)

سفيان : (كيهضر وهو مخلوع)  آلاء حبيبة مالك... شنو عندك

آلاء  :(كتهضر وتبكي)  هئ هئ.... سفيان شي حد جاي يخطبني غدا بغيين يزوجوني ليه بسييف وأنا منقدرش نعيش بلا بيك هئ هئ هئ (عاودات ليه دكشي كامل لي قالت ليها مها)

سفيان (كيهضر معاها بكل برودة) : احم، آلاء سمحي ليا...ولكن داركم عارفين مصلحتك..خاصك تزوجي وتشوفي مستقبل ديالك... أنا راه ،مصالحش ليك لزواج..

آلاء (بقات مصدومة كتهضر وكلها كترعد.. ) :كييفااش!! سفيان ياك قلتي كتبغيني ..وغدي نتزوج أنا وياك اش كتقول دبا، نتا عارف منقدر نكون مع تاحد من غيرك، 

سفيان : اه... قلتها ولكن أنا حاليا بدلت رأي ديالي، دكشي لي درتيه معايا راك قادرة ديريه مع أي واحد ..سيري الله يعاون..بلا متكتري عليا الهضرة بزاف

آلاء (كتشهق بالبكاء مقدراش تستوعب هضرتو) : هئ هئ اش كتقول اسفيان.. نتا عارف انك أول دري نهضر معاه هئ هئ وأول دري نسلم ليه راسي بلا مشعر.. حيت هئ هئ حيت بغيتك من قلبي علاش دير فيا هكا علاش..

سفيان (ماثر فيه بكاها والو) : اصافي هاد كاسيطا ديالكم البنات قدااامت..تلااحي دبا..

(قطع عليها تلفون خلاها مصدومه من الرد الفعل ديالو ،وخا هكاك رجعات تصوني عليه وتصوني ....وتلفون ديالو  طافي، هنا عاقت براسها وعرفت انها اتخدعت وتخورت احسن تخويرة بقات جالسة تبكي وتفكر فهاد لحريرة ديالها كيف ادير ليها...)

" آلاء واحد البنت لي تعدبات بزااف فحياتها ،بسبب موت باباها وهي فسن صغير،بقات عايشة مع أمها لي رجعات تزوجت...مرة أخرى عاشت مع راجل أمها جميع أنواع العذاب..من ضرب و إهانة مخلهاش تكمل تعليم ديالها من بعد ما خدات الباك بسبب أنه مقادش على مصاريف ديالها وزيد وزيد...

بسبب قسوة الحياه والبعد عن الدين بحال لي كيوقع لبزاف ديال لبنات وقع ل آلاء  للأسف، وقعت ف فخ الحب والمشاعر المذيفه...
تعرفت على سفيان في الفيس بوك.. وبقات كتهضر معاه، مدة طويلة وكانت ديما.. كتسلت وتخرج تتلاقا معا بلا خبار حد حتى اتعلقت بيه ووعدها.. أنه غدي يجي يخطبها غير بينما وجد راسو ولكن للأسف كانت غير هضرة خاوية خدا منها لي بغا وساسها.. بحال إلى عمرها كانت"

#نهار_الخطبة
"جا رياض يخطب، وعائلة آلاء رحبو بيه بزاف ناض راجل الأم ديالها باش يجيبها من بيتها ..."

خالد ( دخل لبيت عندها معصب حيت قالت ليه مها مبغاتش تخرج حيت مموافقاش على هاد زواج.. ) :نوضي وقفي تشوفي لعريس بلا منعاود الهضرة.. اه وقبل متخرجي لبسي عليك شي حاجة طويلة، حيت لعريس ملتزم ..وخاصك تكوني محتارمة فاللباس ديالك..باش على الله يقبل بيك ونتهنا منك واياكي تبيني لييييه انك مموفقاش....راه نهارك مغدي يطلع فيه ضو معايا 😤
"خرج مخليها تلبس"

ناضت ألاء كتمسح فدموعما،  لبست حوايجها خارجة تشوف هاد عريس الغفلة مع هزت راسها فيه حتى كتصدم من شكلو ... سيد بصح ملتازم و ملتحي وجلابة دكشي ديال الفقهاء قلبها زاد كره هاد الزواج...

" شاف فيها رياض عجباتو بزاف،  الجمال ديالها البريئ و ملامحها الهادئة خلاتها تبان بمنضر فاتن عكس غليان الكره لي فقلبها"

رياض (كيهضر ومرتابك شويا) : احم مهم نعرفك على راسي...

آلاء :  غير ساكته ومنزله راسها الأرض، وحابسه دموعها غير بزز