تزوجت ملتحي🌻مكتملة🌻

🌻الجزء 18🌻

#تزوجت_ملتحي📿💍
الكاتبة : Aicha_El🥀
الجزء____(18)

🕊🌸
لماذا تدمن التفكير والله ولي التدبير .
ولماذا القلق من المجهول وكل شيء عند الله معلوم .
لذلك إطمئن فأنت في عين الله الحفيظ وقل بقلبك قبل لسانك «فوضت أمري إلى الله»🌸🕊

سفيان :( أنا سمعت بلي تزوجتي واحد من دوك أصحاب الدين ولحية.. إلى كنتي ممرتاحاش معاه..ممكن نرجع أنا ونتي صراحة ندمت بزااف على فراقك.. أنا مزاال كنبغيك مستاعد نوقف معاك حتى طلقي منه.. ونتزوج بيك.. "

"هنا آلاء... حست براسها أنها رخيصة بزاف...قالت مع راسها ...كيفاش أنا قدرت نسلم راسي لواحد بحال هذا....كيفاش كنت معمية بحب واحد كان هدفه غير يضحك عليا...فعز بكاها دخلت مسحت مساجات دياله ودارت ليه بلوك..آه يا آلاء فيمن كنتي معمية..فواحد لا أخلاق لا دين لا والله...كنت بغيا نتزوج بواحد بحال هدا..بين ما سيد لي بعقل وملتزم يعرف بينو وبين لي خلقه كنت رافضه.."

"خدات تلفونها..ودخلت لصفحة رياض في..الفيس بوك و صفطات ليه مساج فالمسنجر...ودخلت كتسأله وهو معرفهاش حيت مدخلاش باسمها الحقيقي.. "

آلاء (صفطات ليه مساج فيه) : أنا غلطت.. و ندمانة بزاف.. واش ربي غدي يقدر يغفر ليا..

"رياض كان جالس.. فالبيت ثاني حتى سمع مساج جاه فالتلفون.. شاف مساج ودخل يرد عليها "

رياض : غافر الذنب... وقابل التوب واش كضني يردك..؟

آلاء (كتصيفط ومقدراش تحبس من بكاء) : زعمى يقدر يسمح لي!!

رياض  : عن أنس –رضي الله عنه- قال : سمعت رسول الله صلى الله عليه وسلم يقول : «قال الله تعالى : يا ابن آدم، إنك ما دعوتني ورجوتني غفرت لك على ما كان منك ولا أبالي، يا ابن آدم، لو بلغت ذنوبك عنان السماء، ثم استغفرتني، غفرت لك ولا أبالي، يا ابن آدم، إنك لو أتيتني بقراب الأرض خطايا، ثم لقيتني لا تشرك بي شيئا، لأتيتك بقرابها مغفرة» (رواه الترمذي) .

أبشري فمجرد التفكير بالتوبه توبه

آلاء (غير قرات الرد دياله مسحات دموعها وجوباته) : أنا عندي ماضي خايب...وتزوجت بواحد الشخص... من أحسن خلق الله واش نصارحه..؟؟

رياض (رد عليها وقال) :  قال رسول الله صلى الله عليه وسلم "التوبة تجب ما قبلها " وكذلك قال "التائب من الذنب كمن لا ذنب له" ....وقد سترك الله لما تفضحيين نفسك

آلاء (كتبت له) : يقدر الزوج ديالي يسامحني.. ؟؟

رياض( رد وقال ) : إلى كان الله سبحانه وتعالى...كيسامح فكضني أن الزوج ديالك ميسامحكش...
كل بني أدم خطاء يااختي لسنا معصومين لكن خير الخطائين التوابين والفرق بين العاصي والمُلتزم مشي هو ان هذا كيعصي وهذا مكيعصيش ....الفرق بين العاصي والمُلتزم هو انه كيعصي ومكيتوبش وهذا كيعصي... وجدد التوبة...الله يهدينا جميعا

آلاء : أنا كنفضل نطلب الطلاق... حيت هاد الشخص مزيان بزاف.. مبغيتش نظلمه معايا..

رياض : يااختي..راه قلت لك التائب من الذنب كمن لا ذنب له نتي بديتي...من جديد أهم حاجه انك تعزمي على  عدم العوده للذنب وكوني له خير زوجه تعينه على  الطاعه وتحفظ نفسها له...

"آلاء مين شافت... رد دياله كيفاش داير...بقات تبكي من جمال دين ديالنا وانه كيفاش مسهل لينا الله أي حاجة  ومبسيطها "

يتبع .....