#تزوجت_ملتحي📿💍
الكاتبة : Aicha_El🥀
الجزء____(5)
🕊🌸ليست الشجاعة في ان تقول كل ما تعتقده بل الشجاعة في ان تعتقد كل ماتقول🌸🕊
"من بعد ما كمل رياض الخدمة ركب فطمبيل ديالو ورجع لدارو ،كالعاده نفس الروتين...دخل دار ما ياكل، ومن بعد.. جمع الاطفال الي كيعطيهم دروس في القرآن ".
بين ما رياض جالس كيراجع الخدمة ديالو...سمع تلفون ديالو صونا، فرح مين لقا اتصال من خالد زوج أم آلاء..لي عيط يخبرو انهم موافقين عليه، رياض مقداه فرحا وقرر يرجع عندهم ...باش يشوف آلاء للمرة الثانية ويشوف رأي ديالها.
"فدار عند آلاء "
خالد ( كيهضر بنبرة تهديد) : شوفي نقلك... سيد علمني غدي يجي يشوفك للمرة ثانية راه قسما بالله وديري بحال المرة لي فاتت حتى... خبارك تجيبها لحومة كاملة
آلاء (خافت منو): صافي.. كون هاني
خالد : اوا هاني علمتك قد اعذر من أندر
"مشات آلاء لبيتها بكات حتى شبعت ..وناضت غسلات وجها ولبسات كسوة فالاحمر مع زيف مدارت لا مكياج لا والو بقات طبيعية هي اصلا زوينة بلا زواق، شويا دخل راجل مها لبيت عندها"
خالد (كيطلع ويهبط فيها) : يله طلقي راسك.. ونزلي قدامي سيد راه وصل وكيتسنا
"ناضت آلاء دخلت بلا خاطر...لصالون وجلست، ناض خالد خرج وخلاهم راس فراس،رياض مكانش باغيه يخرج ويخليهم بحدهم...ولكن حطو قدام الأمر الواقع."
"مين دخلت آلاء وهي...مهبطا راسها للارض مكتشوفش فيه "
رياض (تلفات ليه لهضرة) : احم كيف بقيتي..!
آلاء (مكانتش بغيا تجاوبه ولكن تفكرات راجل مها مين هددها قالت بصوت منخفظ) : الحمدلله بخير
رياض( بابتسامه): و أخيرا سمعت صوتك
آلاء(جاوبت بسرعه ): هو علاش نتوما ناس الملتازمة وصحاب لحية... كتفجرو راسكم وناس مشي حرام، عليكم أذية الناس
رياض( استغرب من طريقت هضرتها ): دبا شكون هدو لي كيفجرو راسهم...مفهمتش؟؟!
آلاء : صحاب لحية... و لي كيلبسو هاد قميص بحالك
رياض( جاوبها بكل برودة) : هاد اللحية راه سنه عن النبي صلى الله عليه وآله وصحبه وسلم
آلاء : علاه هو الرسول قالكم ربيو لحيتكم
رياض ( مصدوم من ردودها بس بغا يفهمها وقالها : عن النبي ﷺ ما أخرجه البخاري ومسلم في الصحيحين من حديث ابن عمر-رضي الله عنهما-قال: قال رسول الله ﷺ: أحفوا الشوارب ووفروا اللحى خالفوا المشركين وفي صحيح مسلم عن أبي هريرة قال قال رسول الله ﷺ: جزوا الشوارب وأرخوا اللحى
آلاء ( كتهضر مع راسها ): (اواه هدا حافظ احاديث وفقيه من لفوق... اش هاد المصيبة لي طاحت على راسي ورجعات كتسوله)...اممم اشمن مذهب متبع نتا ؟؟
رياض : أنا ما متبع منهج آهل السنه وبس.
آلاء : وشكون هاد أهل السنه
رياض (مكتزيد غير فين تصدمو بالأسئلة ديالها) : اهل السنه هما صحابة رسول الله...دبا ممكن نعرف علاش هاد الأسئله كااملة... واش انتي مموافقاش على هاد زواج؟؟؟
"يله غدي تجاوبه وهو يدخل راجل مها "
آلاء (جاوبت بسرعه) : ااااه...موافقه موافقه
رياض (استغرب من ردت فعلها و أكد عليها ) : متأكده انك موافقه...!!
خالد (تدخل وجاوب فبلاصتها) : اكيد موافقه هاء هدشي فيه لعب ههه... راه من لبارح وهي تشكر فيك
رياض: ( حس أنه كاينة.. شي حاجة فالموضوع ولكن بما انها قالت موافقه فصافي قالهم) : واخاا اعمي على بركة.. الله أنا على راسي واجد...من كل حاجه داري موجوده خدمتي موجود يعني وقت...لي بغيتو نتما تحددو المعاد أنا معاكم
خالد (فرحان ممصدقش انه غدي يتهنا منها...أخيرا ولكن قاله) : حنا غدي نتأخرو شويا...راك عارف يله تاخد جهاز ديالها.
رياض : مهم ...إلى هي بغات تسكن فدار كما هي أنا موافق، عندي دار مجهزة من كلشي، والى بغات تبدل فيها شي حاجة...معنديش مشكل نستناها حتى تعاودها كيف بغات...وبالنسبه للتلفازة فدار فأنا ضد هاد الفكره... وعامل عندي فالدار مكتبه ومنزل فيها كل كتب أهل العلم، ولكن إلى بغات ناخدها ليها انا معنديش
"خالد فرحان وكيقول مع راسه اش هاد الهمزة ديال عريس طحنا فيه"
خالد : اوا اسيدي مين هكا نحدد موعد العرس دبا نيت
رياض : شنو بهاد السرعة
خالد: ههه اوا خير البر عاجله اولدي
"آلاء الدموع نزلات لها من عينها وناضت بالزربة...خرجت ومشات لبيتها "
رياض( استغرب) : مالها واش لباس ...!!
خالد ( تلفات ليه الهضرة) : هاا اه اه لباس ، غير دموع الفرح ههه خلينا ف المهم، امتى نهار العرس
رياض (باله مشغول مع آلاء ): وقت لي بغيتي، ولكن أنا رأي ديالي نطول المده شويا حتى تاخد آلاء قرار لأن باين عليها ممرتاحاش
"خالد تعصب وبقى كيتحلف على آلاء "
رياض : شفتك سكتي كاين شي حاجة
خالد : لا لا مكاين واالو يله نقراو الفاتحه...
رياض(بتاسم ليه) : قراءة الفاتحه بدعه من الاحسن بلاش منها
" خالد كيهضر مع راسه بدعه ههه ولهيلا انتا هو لي غدي تخرج فيها القديم والجديد ولكن تستاهل بنت الكلب"
رياض( استغرب): شفتك كتسها بزااف... كاين شي مشكل
خالد : ها... لا لا مهم لي شفتيه مزيان احنا نديروه
"آلاء جالسه فلبيت كتبكي على حالتها... وأنها غدي تزوج واحد مكتبغيهش وزيد عليها من اصحاب اللحي..كتفكر أنها إلى تزوجات ب رياض غدي يطلع مزمت ويحرمها من كلشي "
يتابع.....
أنت تقرأ
تزوجت ملتحي🌻مكتملة🌻
Romance💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
