#تزوجت_ملتحي📿💍14
الكاتبة : Aicha_El🥀
الجزء____(14)
🕊🌸فوائد صحبة الاخيار ..فى الله احبوك وإذا غفلت نبهوك وإذا دعوا لأنفسهم اشركوك ..هم كالنجوم اذا ضلت سفينتك فى ظلمات بحر الحياه هدوك وهم تحت عرش الرحمن سينتظروك🌸🕊
"دخلت آلاء تصلي وهي ساجدة بقات كتبكي دموعها مبغاتش تحبس، بحال إلى ربي أراد بدموع البكاء أن يطهر قلبها ويزيح الغمامه السوداء من عنيها بكات بحرقه على كل نهار فات عليها بلا صلاة كل نهار فات عليها وهي بعيدة على ربي، (صدق من قال تارك الصلاة لا حياة له)بكات وطلبات الله يغفر لها ذنوبها وطلبات الله يقويها على لي جايها...كملت صلاتها حست براحة كبييرة ورتاحت مين بكات... "
"كملو العرسان ديالنا صلاه وخرجو من الجامع ،وشدو طريق لدار، آلاء كانت فرحانه، حيت ربي صفط لها رياض كطريق للنجاة، ولكن كتقول..هاد طريق النجاة مبقاش لها بزاف وتكمل..
حتى من رياض كان فرحان وحس انا ربي استجاب لدعائه مين قال يارب انا بغيتها اصلحهالي يارب..
"نهار جديد على الأبطال ديالنا.. رياض كمل العطلة دياله ورجع لخدمته.. من بعد ما كمل أول حصة ليه خرج يشوف صحابه لي منهار عرسو ما شافهم.. "
"عند ثلاثي ديالنا جالسين كيف العادة كيتعاودو"
محمد (موجه هضرة ليوسف) : اوا اسي يوسف..امتى غدي تجمع راسك مع ديك بنت نااس ونفرحو بيكم
يوسف(دوز بيدسه على وجهو) : اودي..خليني سااكت اصحبي
محمد : غير دوي متخليهاش فقلبك حابسة
رياض : صافي فركتو شغل ولا شنو
محمد ( دار شاف ف يوسف وضحك) :ههه لااا...متقلهااش
يوسف : صافي... مبقيناش مفاهمين أخويا كل واحد شد طريقو
رياض :اهااه..اوا فين ديك لهضرة ديالك نتاع الحب والغرام ودكشي
محمد : صافي دكشي تبخر ههه
يوسف : وا هااا شنو قلت لكم نتما.. كون تزرفت وتزوجت بحالكم كون راني واقف ف محكمة الأسرة دبا...
رياض : زوااج شكل ومصاحبة شكل ابا يووسف
يوسف (شاف فرياض وضحك) : دبا بينتنا ارياض.. متشفليش مع ديك تيتيزة صحبة مراتك كنت شفتها نهار عرسكم
رياض (طول فيه شوفة) : أستغفر الله العظيم...واش وجهك هداك ولا مسلفه.
محمد (كيضحك) : هههه والله أخويا مين كنا برا وهو حال فمه فيها
رياض : مكتعرفش اصحبي شي حاجة سميتها غض البصر
يوسف : اوا شتو هااا...نتوما ضلمتوني، أنا والله حتى باغيها لزواج مشي تفوااج ههه
محمد : اهااه صافي رجعتي دبا على هضرتنا... وليتي غدي تزوج زواج تقليدي
رياض : فين ديك طييرة ولقفوزة ديالك..(كيعيب هضرت يوسف) اووه أنا دبا نتزوج طالوناات..أنا غدي نتزوج على حب.. وزيد وزيد ههه
يوسف : وصافي دبا درتوني فالوسط كل واحد كين كيجبد
محمد : اغيير ضاحكين العشير..منبغيو لك غير الخير
يوسف (دار لعند رياض) : دبا اش قلتي نتا..!!
رياض (بتساؤل) : فااش.. ؟؟
يوسف : كيفااش فااش... فلي قتلك اصحبي بغيت نتزوج بديك صحبت مراتك
رياض : اش غدي نقلك...حتى نمشي لدار ونسول لمدام عليها ورد عليك
محمد : على سيرت المداام.. اكيف جااك زواج اسي رياض ههه
رياض : نسولك نتا لي فايت فيك زوااج..!!
محمد : اخليك مني نتا لي عريس جديد خاصك تقلنا
يوسف (كيضحك على رياض) : اغير قول لنا..باش نعرف واش نزطم ولا رجع لور
رياض : نصيحة مني لك لصديقي..
تريد الحياة الزوجية السعيدة..طيِّب أقوالك لزوجتك، وحَسّن أفعالك.. وهيئاتك بحسب قدرتك، كما تحب دالك منها ، فأفعل انت بها مثله
محمد( شاف فيوسف) : عنده صح
يوسف : اوا يكون خيير..
#يتبع
ESTÁS LEYENDO
تزوجت ملتحي🌻مكتملة🌻
Romance💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
