#تزوجت_ملتحي📿💍
الكاتبة : Aicha_El🥀
الجزء____(37)
🕊🌸وإذا رأيت الفرع مُثمر فاعلم أن الجذور أصيلة 🌸🕊
"بعد مرور سبع سنوات"
"ماما ماما... هضري مع علي...كيضربني "
علي : لا اماما... فاطمة كتكذب هي لي كتجبدني
آلاء (واقفة فالكوزينة ) : بديتو تااني... هي نفهم من هادشي كملتو حفظ القرآن
فاطمة الزهراء : أنا حفظت
علي : حتى أنا كملت لحفاظه
"دخل رياض عندهم وقال"
رياض : واحد آلاء...حفظت ولا لا
آلاء (شافت فيه وضحكت) : ضروري حفظت ....علاه شكون غدي ياخد بنبون من غيري
رياض (باسها من راسها و ضحك ) : يله أتاج راسي.. وقت صلاة العشاء... خلي لي فيديك وزيدي
"خلات آلاء لي فيديها ومشات توضت.. وجات تصلي معاهم.. "
"وقف رياض و علي فالقدام...و آلاء و فاطمة الزهراء وراهم... "
"من بعد ما كملو الصلاة...علي و فاطمة ناضو بالزربة باش يلعبو...حتى كتعيط لهم آلاء "
الاء : تعلمو من بعد.. كل صلاة جلسو فبلاصتكم... وذكرو الله.. لأن الملائكة كتكون غير حدانا كدور...
فاطمة (بفرح) : بصح اماما
علي (بتساؤل): كيفاش اماما
آلاء : قال رسول الله صل الله عليه وسلم
"بدأت تسرد الحديث عليهم وكتفهمهم...."
"شاف فيها رياض...وبتاسم كان فخور أنها اتعلمت تهضر بقال الله وقال الرسول..."
"قرب رياض...من الاء وشد ف أيدها وهي كتهضر وقالها.."
رياض : كان الحلم ديالي....في بيت إذا رأه النبي تبسم وها قد حدث "حنا وباس لها راسها "
"من بعد ما كملو صلاة... ناضت آلاء حطات لهم تعشاو...من بعد توجهو للنوم... حتى ناض علي عند رياض وقاله.. "
علي : بابا...ياك ليوم خاصك تكمل لنا سيرة الرسول صلى الله عليه وسلم
رياض : وخا ولدي... سبقني للبيت نتي وختك هنا جاي
"دخل علي، وفاطمة لبيت واليديهم...حتى جا عندهم رياض ومعاه كتاب للسيرة النبوية...يله غدي يبدأ يقرا ليهم وهي تجي آلاء بالجري.. "
آلاء : ياك ياك... كنتي باغي تبدأ تقرا ليهم بلا بيا
رياض : ونتي تعطلتي يله اجي تجلسي
"جلسات آلاء على ناموسية..وكتسنى رياض يكمل لهم سيرة"
رياض (بتساؤل) : اممم فين خليناها آخر مرة
فاطمة : في وفات الرسول
علي (شاف ف فاطمة وقال) : راه خاص مين نقولو اسم للرسول نقولو معاه صلى الله عليه وسلم
رياض : برافو ولدي (شاف ف فاطمة وقال) سمعتي اش قال خووك
فاطمة : خلينها في وفاة الرسول صلى الله عليه وسلم
رياض (بتاسم لها) : حس جدا ..يله نبداو على بركة الله
#يتبع..
STAI LEGGENDO
تزوجت ملتحي🌻مكتملة🌻
Storie d'amore💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
