#تزوجت_ملتحي📿💍
الكاتبة : Aicha_El🥀
الجزء____(27)🕊🌸التفاؤل هو الإصرار على أن كل شيء على ما يرام فى اصعب اللحظات🌸🕊
"من بعد ما كملت هضرتها مع أحلام ناضت لكوزينة كتقاد گوتي ... رجع رياض من المدرسه "
رياض : السلام عليكم
آلاء : وعليكم السلام ...فراسك راك تعطلتي
رياض : كنت جالس شويه مع صحابي...اممم اشهاد ريحة زوينة... وا طلعتي كتعرفي طيبي ههه
آلاء (بافتخار) : اوااا بعدا....راك مزال مشفتي واالو
رياض : وياترى الطباخة الشاطرة ديالنا... صلت العصر ولا مزال
آلاء (دارت يديها على فمها) : ياربي.... سهييت وانا كنقاد لماكلة... أنا دبا غدي نوض نتوضى ونصلي
رياض( دار فيها مقلق منها) : اوا شتي... دبا واش هدشي مزيان... مرة أخرى نسمع منك نسيت ندير الماكلة..نسيت حاجة أخرة... ولكن منسمعش منك انكي نسيتي الصلاة
آلاء (بحزن ) : صافي واخة... إن شاء الله أتكون آخر مرة
"دخلت آلاء تتوضى وتصلي بين ما رياض بدل حوايجه وجلس كيستنى الأطفال الي كيحفظهم القرآن "
"تسمع دقان فالباب...ناض رياض فتح لقى لوليدات لي مولف يحفظهم القرآن...دخلو وجلسو كاملن حدا رياض بدا يحفظهم...بين ما آلاء كملت صلاتها وجات جلست وسطهم وهما كيحفظو حتى كتهضر بنوتة صغيرة "
شيماء ( بزعل طفولي مهبطة شنايفها لتحت) :عمو ريااض... أنا مقلقة
رياض : علااش اشوشو...شكون قلقك
شيماء : ماما مبغاتش تلبسني نقاب بحالها...
رياض( كيضحك ) : ههه اوا نتي مزالة...صغيورة اشوشو نهار تكبري لبسيه
شيماء : لاااء...أنا كيعجبني النقاب بزااف..وبغيت نبقى بحال امهات المؤمنين
"آلاء بقات غير مصدومة من هضرت هاد لبنت صغيرة "
رياض : براافو حبيبتي... كلامك على صح ولكن وعد مني إن شاء الله ...مين تكبري اول نقاب اتلبسيه ايكون كادو من عندي
شيماء( بفرح ) : بصح اعمو رياض
رياض : اه بصح..."شاف ف الاء وغمزلها "
"آلاء فهمت علاش غمزها... وتفتكرت النقاب والادناء الي لقاتهم ف مكتبته "
#يتب_____ع
أنت تقرأ
تزوجت ملتحي🌻مكتملة🌻
العاطفية💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...