تزوجت ملتحي🌻مكتملة🌻

🌻الجزء 10🌻

●
#تزوجت_ملتحي📿💍 
الكاتبة : Aicha_El🥀
الجزء____(10)

🕊🌸
للمساء حكايةْ تخبرنا أنَّ الأماني مهما تأجلتْ سيأتي فجرها لتشرقْ فاستبشروا وتفاءلوا 🌸🕊

"كمل صلى ورجع لدار.... كان النهار طلع لقا آلاء، مزال جالسة فالأرض وكتبكي ... وخاه هكاك بقات فيه بزاف "

رياض : صليتي الفجر..؟؟!

آلاء (ردت بخوف ) : لا

رياض : واش معارفاش... حكم تأخير صلاة الفجر حتى تطلع الشمس دائماً ؟
آلاء (حنات راسها بخجل) : لا معارفاش..

رياض : ذلك محرم ، حتى إن بعض أهل العلم يقول :
" من ترك صلاةً مفروضة عمداً حتى خرج وقتها فهو كافر والعياذ بالله، وإذا أخرها عمداً حتى خرج وقتها لم تقبل منه ولو صلى ألف مرة "
لقول النبي ﷺ :
《من عملَ عملا ليسَ عليهِ أمرُنا فهو ردٌّ 》
(صحيح مسلم/ 1718)
أي مردودٌ عليه ؛ فعلى المرء أن يتقي الله عز وجل في نفسه، وأن لا يضيع الصلاة فيدخل في قوله تعالى :
﴿ فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ ۖ فَسَوْفَ يَلْقَوْنَ غَيًّا (٥٩) إِلَّا مَن تَابَ وَآمَنَ وَعَمِلَ صَالِحًا فَأُولَٰئِكَ يَدْخُلُونَ الْجَنَّةَ وَلَا يُظْلَمُونَ شَيْئًا (٦٠) ﴾. ( سورة مريم)

آلاء : اه.. وخا شكراً

رياض (بتاسم ليها وقال) : العفو

"خلاها ومشا دخل لبيت تاني نعس"

آلاء (كتهضر مع راسها) : ياربي تسمحلي... معرفاش حتى القبلة فين جات ..مين كانت عندي 16 لعام محطيت جبهتي الأرض وهو كيعطيني فالاحاديث

"ناضت نعلات شيطان مشات توضات وصلاة....غير كملت بكثر العياء طاحت نعست.. ما ضرباتها لفيقة حتى لضهر، فاقت كتشوف ساعة لقات ضهر فات، شويا كتشم ريحة ديال ماكلة، زوينة حطات يديها على كرشها لي كانت ميتة من جووع.... خرجات كتسلت بشويا، وبقات تابعة ريحة حتى دخلت لكوزينة، لقات ماكلة على البوطة... شويا كتحس بشي يد تحطت على كتفها...تخلعت ضارت بالزربة لقات رياض... "

رياض : كنعرف نطيب ياك..!!؟

آلاء( بإحراج): ها اه اه

"سمحات فيه وتمات راجعة لبيتها حتى سمعات رياض عيط لها.. "
رياض : آلاء

الاء(ضارت شافت فيه) : نعم

رياض :صلي الضهر ...الأول راه أذن قبيلة،هدشي غير قتلك لبارح حكم تأخير الصلاة

قالتله(حشمت من راسها حيت كلامه على صح) : اه... غير كنت ناعسة مسمعتوش مين أذن

"مشات توضات وصلات...غير كملت كيبان لها رياض كينزل لماكلة فالصالون.... ناضت داخلة لبيتها حتى هضر معاها... "
رياض(كيهضر ومكيشوفش فيها) : اجي تااكلي

آلاء : لا مخصنيش شبعانه شكرا...

رياض ( جاوبها بلا ميشوف فيها حاني على طبسيلو كياكل ): على راحتك

"وهي رجعا لبيتها...حتى ترجع عنده هضرات معاه بخوف"

آلاء(كتهضر ومشربكة ايدها بالخوف) : ياك نتا مغدي تقو لراجل مي والو... مغديش تقله علاش زوجتها ليا وهي مبغاش...؟!!

رياض (كياكل ومديهاش فيها) : أنا أصلا نسييت ...اش قلتي ليا لبارح

آلاء ( فرحت) : شكرا بزااف
"هي كتهضر معاه وعينيها فالماكلة... كانت جيعانة بزاف ولكن عزة نفسي متسمحليش..."

"رياض عارف انها جعانه وحس بيها...مبغاش تاكل معاه ، ناض جاب صينية... دار ليها فيها شويا من ماكلة لي طيب... ودها لعندها لبيت دق عليها لباب ودخل"

"آلاء غير شافته دخل، ناضت وقفت بالزربة"

رياض (ردت فيعلها مين دخل جابت ليه ضحكة حط صينية حداها وقال)  : ليكون في علمك، أنا راه أستاذ فالمدرسة مشي هنا فدار ههه
"حط الماكلة وخرج مخليها تاكل براحتها"

#يتبع