#تزوجت_ملتحي📿💍
الكاتبة: Aicha_El🥀
الجزء_____(13)
🕊🌸كل الطرق في الحياة ذهاب وعودة.. إلا طريق العمر ذهاب فقط.. بدون عودة.🌸🕊
"الوقت كان ليل و رياض جالس كيقرأ ف كتب أهل العلم ف المكتبه الي دايرها فدار "
"آلاء كانت جاسه فالبيت كتقلب ف تلفونها... شويا طفات تلفنها وجلسات كتفكر فرياض... كيفاش كيهضر وكفاش كيتعامل معاها بحب ولطافة...استغربات كيفاش واحد ملتزم ضريف هكا...وعلاش ناس كتوصل فكرة خايبة عليهم..قالت مع راسها إلى واجهته وقلتله على ماضي ديالي يا ترى غدي يبقى ضريف هكا..!! "
رياض كمل قراءه وسد الكتاب ...فكر ف آلاء وحس انها جالسه بحدها... غدي تكون قنطت
"بين ما هي جالسه..ساهية حتى كتسمع لباب تحل كيعيط لها رياض... تخلعت من شافته... فتح رياض لباب ودخل "
رياض : شنو كديري
آلاء (بخوف رمات تلفون ورا ضهرها) : واالو.. واالو
رياض استغرب...من ردت فعلها
رياض(بتساؤل ) : دبا مشي كنتي هازه تلفون فيديك... علاش رمتيه هكا...!!
آلاء (ارتابكات ): هااا.. لا مكين والو
"رياض حس أنه كاينة شي حاجه غريبه ...مشا خدا تلفونها وفتحه لقها داخله على لفيس.. "
رياض : ياك كنتي فاتحه لفيس...
آلاء (بخوف) : غدي نمسحه والله حتى نمسحه...
رياض( مستغرب) : وعلاش غدي تمسحييه.. ؟؟
آلاء (تلفات لها لهضرة) : دبا ياك.. ياك نتما مشي كلشي عندكم حراام....والبنت مخصهاش يكون عندها لا فيس لا واتساب.
رياض (بابتسامه) : اشكون حنا اشرييفا... وشكون مدخل لدماغك هاد الافكار... وفتحي لي بغتي لطالما مكدريش شي حاجة لي تغضب الله.
آلاء : شنو زعمى عاادي...
رياض : ايوا الالة عاادي... وحيدي عليا ديك لهضرة ديال نتوما...نتووما
آلاء (بفرح) : صاافي مغديش نرجع نقلها...
رياض : أجي نقلك... دبا نتي مقنطتيش من جلاس فدار
آلاء (نزلات راسها الأرض) : بففف... غدي نطرطق
رياض( بابتسامه) : اوا...يلاه نخرجو
آلاء : شنو زعمى...عادي تخرجني
رياض ( بقى كيضحك): لااا متقليهاش... هههه عنداك تكوني كتفكري انه حتى لخروج حرااام هههه....
آلاء ( ضحكت على غباءها) : أنا راه عارفة انه كااع الملتزمين معقدييين...
رياض ( مزال كيضحك عليها) : اوا يله الالة.... هاد المعقد باغي يخرجك شويا ونتي غير كثلة غباء ومنزلة حدايا ههه...
الاء ضحكت على راسها وعلى تفكيرها...
"رياض بقى سارح فضحكتها وزاد فرح انها بدات كتطلق معاه"
"ناضت آلاء تلبس باش يخرجو.. لبسات ، سروال بيج ثانياه من لتحت و شوميز بيضة بكمام جرس فولار بيج ساتان عاقذاه من جنب و سنيديلة خيط مارون بين ما رياض لبس عليه و وقف عند لباب كيستناها.. "
" خرجت آلاء وغير شافها رياض حدر راسو...مراضيش على لباسها، ونفس الوقت مبغاش يفرض عليها لباس شرعي من دبا.. "
آلاء ( حسات بيه معجبوش لحال مين شافها) :احم...صافي نمشيو
رياض : يلا
"خرجو شدو طريق لوسط مدينة...من بعد ما نزلو من طومبيل..بقاو كيتمشاو جنب البحر...كان دايز من حداهم واحد كيبيع 🎈نفاخات بقات..آلاء كتشوف فيه"
رد ليها لبال..رياض فين كتشوف، خلاها واقفة ومشى.. جاب ليها ربعة نفاخات
رياض ( مد ليها نفاخات وهي منزلة راسها) : شنو.. مبغيتهمش يكما نرجعهم ليه..؟؟!
آلاء (بتاسمت ليه) : لا لا زونين بزاف
يرياض ( ضحك وقالها) : يله اري يديك.. (مد لها أول نفاخة وقالها) هدي فاطمة الزهراء وهدي عائشه وهدي علي وهدي حمزة..
آلاء (خدتهم وضحكت ): شكون هدو..! ؟
رياض : هدو ولادي..زعمى ولادنا ههه
آلاء (هنا حست بغصة فقلبها... تزيرت مين قال ليها هاد الهضرة حسات بتأنيب الضمير وأنها متستاهلش.. واحد بحال رياض)
رياض (شافها ساهية بحال إلى تقلقات بغا يلطف الجو) : آلاء اش بان لك..نمشيو لداك المطعم ناكلو.. مجاكش جووع.. ؟؟
آلاء (كتشوف فيه ببلادة وقالت له) : ها.. دبا عادي عندكم حتى نتما تاكلو...فالزنقة ؟؟
رياض (باستغراب) : عرفتي شنو.. هي مشكلتك نتي، مشكلة ديالك.. هي الي وصلك الالتزام وصله، بطريقة غلط.. الالتزام راه مشي كيحرمك من انك تعيشي حياتك..لا بالعكس كيخليك، تعيشي حياتك بفرح وسعاده وف نفس الوقت ف رضا الله... الالتزام هو الابتعاد عن الحرام وليس الابتعاد عن الحياة
"آلاء فكرتها بدات.. تتغير على الألتزام و الطريق كاملة وهي كتشوفف رياض و كتبتاسم وشافت فيه انسان زوين ومرح وروحه طيبة.. مشي معقد ولا كيضرب ولا كيخوف بحال لي كانت كتفكر..
وهما كيتمشاو حتى كيسمع العشاء أذنت
رياض : ( مشا لأقرب مسجد وقالها) : يلاه ربي كيعيط علينا..
آلاء (باستغراب ) : كيفاش كيعيط لنا..!! ؟
رياض (كيشرح لها وهو مبتاسم) : الأذان هو نداء الله تعالى لك كيعيط لك...باش توقفي بين يديه...اوا يله باش نصليو و نوقفو بين يدين الله عز وجل ..
آلاء : فخبارك ، اول مره نشوف الصلاة بهاد طريقة، دايما كنشوفها حاجة روتنيه كنديرها يوميا وصافي.
رياض : إذا بغيتي تحبي صلاتك خاصك تحطي فدماغك، أنه راك غديا توقفي بين يدين خالقك، عرفتي ا آلاء والله أنا كنشفق،على الملحد تخيلي مين الدنيا تضيق بيه عند من يمشي يشكي ويدعي ويطمن قلبو الحمدلله على نعة الإسلام..
آلاء ( ابتسمت وقالت له) : عندك الحق بس انت غدي تصلي ف المسجد وأنا فين غدي نصلي..
رياض : غدي تصلي فالجامع نيت..علاش نتي معرفاش أنه كاين حتى بلاصت صلاة النساء..!! ؟
آلاء : لا عارفة..ولكن عمري مادخلت ليه
رياض( بابتسامه) : يله راه بلاصة لي كيدخلو منها لعيالات يصليو..
#يتبع_......
CZYTASZ
تزوجت ملتحي🌻مكتملة🌻
Romans💎مكتملة💎 ❌ ألـــــمــــاســــات_الــــكــــون_يــــقــــدم. ❌ 🛑 #تـــــزوجـــــت_مــــلــــتـــحـــي 🛑 السلام عليكم 🚶♀🚶♀ اليوم جيت ليكم بقصة جدييدة قصييرة ..قصة ديينية 100 %. من كتابتي 😌 نتمنى تنالى اعجاابكم و تعطيوني ارائكم الجمييلة...
