စိန်ပန်းတို့အားသက်သေတည်ရျ်
အပိုင်း (၈)
"နာမည်လေးတဟ်ချက်ပြောနော်"
လက်ထဲမှစာရင်းစာရွက်အားဖြည့်ရေးနေရင်း မော့မကြည့်ပါဘဲ သွဲ့ပြောလိုက်မိသည်။
"ဟဲ့ ဆရာမမေးနေတယ်၊ဖြေလိုက်လေ "
ဒေါသသံပါနေတာကြောင့် သွဲ့ မော့ကြည့်လိုက်မိတော့ အမျိုးသမီးတစ်ဦးနှင့်ကလေးမလေး။
"ခင်..ပိုး..ငယ်"
တစ်လုံးချင်းတိုးညှင်းစွာထွက်လာသည့်အသံကလေးအဆုံး သွဲ့မျက်ဝန်းတို့ဝိုင်းစက်သွားရသည်။
"ခင်ပိုးငယ်..၊ ပိုးငယ်"
စိတ်ထဲမှရေရွတ်လိုက်ရင်း ကလေးဆီအကြည့်တစ်ချက်ပို့မိသည်။ခေါင်းအားငုံ့ကာရပ်နေတာမလို့သေချာမမြင်ရ။လူကောင်ကတော့ အနည်းငယ်ထွားသည်။အစ်မပြောစကားအရ နှစ်အောက်ခဲ့ဖူးသည်တဲ့။ဒါကြောင့် အနည်းငယ် Grade5 ကလေးအရွယ်ထက်ကြီးနေသည်ဟုထင်ရခြင်းသာ။
"သမီးလေး..ဖောင်ဖြည့်မယ်နော်"
ပြောပြီးကာမှ သွဲ့ ထိတ်လန့်သွားရသည်။အတွေးထဲဝင်လာသည်မှာ စာရေးတတ်ရဲ့လား ဆိုတာပင်။ဖောင်စာရွက်အားယူကာ တစ်ဖက်ခုံသို့ကူးသွားပြီးရေးနေလေသည်။ရေးတတ်ရဲ့လားလို့မေးလိုက်ဖို့ကလည်းမလွယ်ပင်။မှားနေရင်ပြင်ပေးလိုက်မည်ဟုသာ စိတ်ထဲတွေးလိုက်မိသည်။
"ခင်ပိုးငယ် စာမလုပ်ဘူးနော်"
ဘေးမှဆရာမပြောလိုက်သည့်စကား။
"ပြောတာပဲ ပြောမရဘူးဆရာမရယ်၊သူ့မိဘတွေကလည်းမပြောဘူး။ကျွန်မကလည်းသူတို့အိမ်ဘက်သိပ်မရောက်ဖြစ်တော့ သူတို့အဘနဲ့သူတို့ဇာတ်ကနေတော့တာပဲ"
"ဒီနှစ်ကခရိုင်စစ်ဆိုတော့ သူလုပ်မှရမှာ။အတန်းထဲလည်းစကားလည်းမပြော၊စာလည်းမလုပ်တော့ တော်တော်ကိုမပြေတာ"
"သူ့အမေနောက်ရက်ထဲပြန်လာမယ်ပြောတယ်ဆရာမရယ်၊ပြောထားလိုက်မယ်"
အဘနှင့်နေတာတဲ့။ဟုတ်သားပဲအစ်မပြောခဲ့ဖူးသည်။သူမအဘရယ်၊ညီမလေးရယ်၊အဒေါ်ရယ် နဲ့အတူနေကြသည်တဲ့။အိမ်မှုကိစ္စတွေလည်းလုပ်ရသတဲ့လေ။
YOU ARE READING
စိန်ပန်းတို့အားသက်သေတည်ရျ်
Fantasy"ဟောဒီ့စိန်ပန်းတွေကိုသက်သေတည်ပြီးပြောမယ်။ပန်းသွဲ့မိုးကို ဒေါ်မြသွေးခက်က အရမ်းကို ချစ်မြတ်နိုးရပါတယ်"။
