စိန်ပန်းတို့အားသက်သေတည်ရျ်
အပိုင်း (၁၁)"မြသွေးရော..."
"လာပြန်ပြီနောက်တစ်ယောက်၊ငါတို့လည်းအသက်ရှိပါသေးတယ်။ဝင်လာလိုက်တာနဲ့မြသွေးပဲတန်းမေးနေတော့တာပဲ"
"မှုံကခုမှမေးတာလေ၊ဘယ်သူကမေးသေးလို့လဲ"
"ဘယ်သူရှိရမလဲ သွဲ့ပေါ့၊ဝင်လာတာနဲ့ အစ်မရော ဆိုတာကစတာပဲ"
"သြော်၊ အခုဘယ်ရောက်သွားကြလဲ"
"ခရေပန်းသွားကောက်မယ်ပြောတယ်"
"ဟုတ်"
"ဆရာမ..."
"ဘာလဲ၊မြသွေးပဲလား မရှိဘူး ပန်းသွားကောက်တယ်"
"မဟုတ်ပါဘူး၊ဆရာမကို ဆရာမကြီးကခေါ်ခိုင်းလိုက်လို့ လာပြောတာ"
"ငါ့အလှည့်ကျ ဆရာမကြီးတဲ့လား။လာခဲ့မယ်"
ရယ်သံသဲ့သဲ့ထွက်တော့ ဆရာမ ဒေါ်သီနွယ်က မျက်စောင်းခဲသည်။သူမျက်စောင်းခဲမှတစ်ခန်စလုံးက ပွဲကျတော့သည်။
"ခရေပန်းတွေအများကြီးပဲနော် အစ်မ၊မွှေးနေတာပဲ။သွဲ့ဒီနေရာကိုခုမှသိတယ်"
"ဒါကလေးတွေကောက်သွားလို့ ဒီလောက်ပဲကျန်တာ၊မဟုတ်ရင် မြေပြင်တစ်ခုလုံးခရေပွင့်ကြွေတွေပဲ"
တစ်ရှူးစပေါ်တွင်စုတင်ထားသည့်ခရေပွင့်ကလေးများအားတစ်ချက်နမ်းရှိုက်လိုက်မိသည်။မွှေးရနံ့မှာရင်အေးစေသည်။အစ်မရဲ့ဆော်သြမှုကြောင့် ကျောင်းခြံထောင့်ရှိခရေပင်ကြီးဆီ သွဲ့တို့ရောက်နေခြင်းသာ။အစ်မက ခရေတစ်ပွင့်ကောက်လိုက်၊သီလိုက်ဖြင့်အလုပ်များနေသည်။သွဲ့ကတော့ တစ်ရှူးပေါ်ကိုသာကောက်ထည့်သည်။
"အစ်မ ခရေပန်းကြိုက်တာပဲလား"
"တို့က ပန်းမှန်သမျှအကုန်သဘောကျတယ်၊ဆယ့်နှစ်လရာသီတိုင်းမှာ ပွင့်တဲ့ဆယ့်နှစ်လရာသီပန်းတွေကို တို့နှစ်သက်တယ်"
"ဆယ့်နှစ်လပွင့်တဲ့အချစ်ပန်းဆိုရင်ရော"
"တစ်လတစ်မျိုးနဲ့ဆယ့်နှစ်မျိုးအချစ်လား"
"မဟုတ်တာ၊ဆယ့်နှစ်လရာသီလုံးမှာတစ်မျိုးပဲပွင့်တဲ့အချစ်ပန်းကိုပြောတာ"
YOU ARE READING
စိန်ပန်းတို့အားသက်သေတည်ရျ်
Fantasy"ဟောဒီ့စိန်ပန်းတွေကိုသက်သေတည်ပြီးပြောမယ်။ပန်းသွဲ့မိုးကို ဒေါ်မြသွေးခက်က အရမ်းကို ချစ်မြတ်နိုးရပါတယ်"။