စိန်ပန်းတို့အားသက်သေတည်ရျ်
အပိုင်း (၁၇)သီတင်းကျွတ်ကျောင်းပိတ်ရက်တွေဟာ ပျင်းရိငြီးငွေ့ဖွယ် တရွေ့ရွေ့ကုန်ဆုံးလာခဲ့သည်။မေမေ့ကိုကူရင်း၊အိမ်အလုပ်လေးတွေလုပ်စရာရှိတာလုပ်ပေးရင်း ပြန်ရောက်တည်းက အပြင်လည်းမထွက်ဖြစ်ပေ။ဒီနေ့တော့ အပြင်သွားရမည်။ပြန်ရောက်တာကို လာမတွေ့လို့ တဂျီဂျီလုပ်နေသည့် သူငယ်ချင်းမများနှင့်ချိန်းထားတာကြောင့်ပင်။
"မေမေ သွဲ့ သွားပြီနော်"
"အေးအေး သမီး။ဂရုစိုက်သွားနော်"
"ဟုတ်ကဲ့မေမေ"
လမ်းထိပ်သို့လမ်းလျှောက်ထွက်ခဲ့ပြီး တက္ကစီအလာအားရပ်စောင့်နေမိသည်။ငါးမိနစ်လောက်ကြာတော့ တက္ကစီတစ်စီးရောက်လာသည်မလို့ အဆင်ပြေသွားတော့သည်။
"U Chief Gyi"
ဆိုင်းဘုတ်အားကြည့်ပြီးပြုံးမိသည်။ဒီနေရာကိုမရောက်ဖြစ်တာအတော်ကြာခဲ့ပြီ။ကျောင်းတုန်းက တစ်ပတ်တစ်ခါ ဒီမှာလာပြီး မာလာရှမ်းကောစားဖြစ်ကြသည်။အဲတုန်းက ဆိုင်ကဖွင့်ကာစလေးမလို့ menu သိပ်မစုံ။အခုတော့ မာလာရှမ်းကောအပြင် ပင်လယ်စာအစုံမူကထကို အဝစား packageလည်းရှိနေပြီတဲ့။
"သွဲ့ ငါတို့ဒီမှာ"
လက်လှမ်းပြသည့်ဝိုင်းဆီအားလျှောက်သွားပြီး နေရာလွတ်တွင်ထိုင်မိသည်။
"ကြာလိုက်တာ ဆရာမကြီးကလဲ"
"နင်တို့ကစောရောက်နေတာပါဟယ်၊ဘာတွေမှာထားပြီးပြီလဲ"
"မှာပြီးပြီ ပူမနေနဲ့၊ဟိုနေ့က ကိစ္စကိုသာဆက်စမ်းပါ"
"ဟဲ့၊ငါအခုမှရောက်ရုံရှိသေး၊နင်တို့ဟာကဘာတွေဆက်ခိုင်းနေတာလဲ"
"နင်နဲ့နင့်မမအကြောင်းပေါ့၊ပြောမဲ့အရေးကို ဝေ့လိုက်တာ"
သွဲ့ရယ်လိုက်မိသည်။သွဲ့တို့အကြောင်းအားအရမ်းစိတ်ဝင်စားနေသည့်သူငယ်ချင်းများအား တမင်ရစ်နေခြင်းရယ်သာ။
"ငါနဲ့အစ်မနဲ့ကဒီတိုင်းပဲလေ နင်တို့ကဘာတွေသိချင်"
"နင်အငြင်းခံလိုက်ရတာလား"
YOU ARE READING
စိန်ပန်းတို့အားသက်သေတည်ရျ်
Fantasy"ဟောဒီ့စိန်ပန်းတွေကိုသက်သေတည်ပြီးပြောမယ်။ပန်းသွဲ့မိုးကို ဒေါ်မြသွေးခက်က အရမ်းကို ချစ်မြတ်နိုးရပါတယ်"။