Strawberries & Cigarettes🍓🚬 { OC } [Completed]

Ep~20

Uni

စီးကရက်နံ့သင်းနေသည့် ကိုကြီး၏နှုတ်ခမ်းညိုတစ်စုံက နွေးရဲ့ နှုတ်ခမ်းကို လာရောက်ထိကပ်လိုက်သည့်အခါ အံ့အားသင့်မှုကြောင့် နွေးရဲ့ မျက်လုံးတွေ၀ိုင်းစက်သွားသည်။

ရိတ်သင်ထားသဖြင့် ကြမ်းရှရှဖြစ်နေသည့် ကိုကြီးရဲ့ နှုတ်ခမ်းမွှေးရေးရေးလေးတွေက နွေးရဲ့ နှာဖျားထိပ်ကို ထိတွေ့ပွတ်တိုက်နေပြီး  စီးကရက်နံ့ စွဲငြိနေသည့် ပူပူနွေးနွေး နှုတ်ခမ်းတစ်စုံကတော့ နွေးရဲ့ နှုတ်ခမ်းသားတွေပေါ်တွင် ကြားခံလေဟာနယ်ပင်မရှိအောင် ဖိကပ်နေရာယူထားသည်။

ဒါဟာနွေးအတွက် ပထမဆုံးအနမ်း ဖြစ်သလို....

ထိုအနမ်းက နွေး သိပ်ချစ်ရတဲ့ ကိုကြီးဆီက ရရှိခဲ့တာဖြစ်လို့.... နွေးရဲ့ ရင်ခုန်မှုတွေက တားမရဆီးမရဖြစ်နေတော့သည်။

ကိုကြီးက သူ့ရဲ့နှုတ်ခမ်းကိုအနည်းငယ်ဖွင့်ဟလိုက်ပြီး နွေးရဲ့ အောက်နှုတ်ခမ်းလေးကို တဖြည်းဖြည်းချင်း စုပ်ယူလိုက်တဲ့အချိန်မှာတော့ နွေး ရဲ့မျက်လုံးလေးတွေ မှေးစင်းကျသွားကာ ​ကိုကြီးရဲ့ အင်္ကျီစကို သာကျစ်ကျစ်ပါအောင် ဆုပ်ထားမိတော့သည်။

တဖြည်းဖြည်းချင်း ကိုကြီးရဲ့အနမ်းတွေနဲ့  နွေး...နေသားကျလာပြီး နွေးကိုယ်တိုင်ပင်..အနမ်းတွေကိုပြန်တုံ့ပြန်နေမိသည်။

ဖြစ်နိုင်မယ်ဆိုရင်.... ဒီအခိုက်အတန့်လေးကို ခဏလောက်ရပ်တန့်ထားလိုက်ချင်မိသည်အထိ နွေး ဒီအနမ်းမှာ ပျော်၀င်နေခဲ့လေပြီ။

_
_

ပန်းကန်ထဲက ထမင်းစေ့တွေကို ဇွန်းဖြင့်ထိုးဆွရင်း ပြုံးစိစိဖြစ်နေသည့် နေခြည်နွေးကို ကြယ်စင်အေးတစ်ယောက် မသင်္ကာသည့် မျက်လုံးများဖြင့် တိတ်တဆိတ်စောင့်ကြည့်နေတော့သည်။

"မြေးလေး... ထမင်းစားမကောင်းဘူးလား....ထမင်းကိုသေချာလည်း မစားဘူး"

"ဟုတ်သားပဲ.... ပန်းကန်ထဲက ထမင်းကနည်းနည်းပဲလျော့သေးတယ်... ဘာလဲ...ထမင်းစားမကောင်းဘူးလား သမီး"

အဖွားဖြစ်သူနဲ့ ဒေါ်လေးသူဇာက စိုးရိမ်စိတ်ဖြင့် သတိတရမေးနေသော်လည်း နေခြည်နွေးတစ်ယောက်ကတော့ သူ့ကိုမပြောသည့်"အလား ထမင်းပန်းကန်ကြီးကိုသာ ထိုးဆွရင်း မျက်နှာပိုးမသတ်နိုင်ဖြစ်နေသည်။