Uni
နွေး စာမေးပွဲဖြေပြီးတာနဲ့ ကျောင်းဂိတ်အပေါက်၀ဆီတန်းနေအောင် ပြေးတော့သည်။
စာအုပ်တစ်အုပ်ပဲထည့်ထားတာကြောင့် ပေါ့ရွှတ်နေသည့်လွယ်အိတ်ကလေးကို လက်နှစ်ဖက်ပိုက် ပိုက်ထားရင်း ကိုကြီးကို လိုက်ရှာနေမိသည်မှာ ကလေးလေးတစ်ယောက်လိုပင်။
ကိုကြီးနဲ့မတွေ့ရသည်မှာ တစ်ပတ်ကျော်နေပြီဖြစ်တာကြောင့် နွေးမှာ မရူးရုံတမယ်....။
ကိုကြီးကို တွေ့တာနဲ့ ရင်ခွင်ထဲပြေး၀င်ပြီး တင်းတင်းကြပ်ကြပ် ဖက်ထားပစ်လိုက်မယ်လို့ အားခဲရင်းသာ ကိုကြီးရဲ့ကားကို လိုက်ရှာမိတော့သည်။
*ဟော.. တွေ့ပါပြီ.. နွေးရဲ့ကိုကြီးကို*
ကိုကြီးကကားကအခုမှ ကျောင်းရှိကိုဦးတည်ပြီးမောင်းလာတာဖြစ်ပြီး... ကားလမ်းဘေး ပလက်ဖောင်းပေါ်ကနေ နွေးက လက်လှမ်းပြလိုက်တော့ နွေးရဲ့ဘေးနားမှာ ကားထိုးရပ်လိုက်သည်။
နွေးမှာ ကိုကြီးကိုတွေ့ရတော့မယ်ဆိုတာကြောင့် ပျော်ရွှင်မြူးထူးပြီး ကားထဲကို အမြန်၀င်ထိုင်လိုက်တော့သည်။
"ကိုကြီး... "
ကားထဲရောက်ရောက်ချင်းပြီး ကိုကြီးရဲ့ လက်မောင်းကို ဆွဲဖက်ကာ နွေးရဲ့ပါးဖြင့်ကပ်ထားလိုက်သည်။
*အားးမွှေးလိုက်တဲ့ စီးကရက်နံ့လေး*
ကိုကြီးရဲ့ကိုယ်သင်းရနံ့လို့တောင်ပြောလို့ရသည့် စီးကရက်နံ့က နွေးရဲ့ နှာဖျားထဲတိုး၀င်လာပြီး ခဏတာမိန်းမောသွားစေသည်။
တစ်ချိန်က နွေးကိုယ်တိုင်ပဲ ကိုကြီးကို စီးကရက်မသောက်ဖို့တားမြစ်ခဲ့တာကြောင့် ကိုကြီးက စီးကရက်ကိုရအောင်ဖြတ်ခဲ့ပေမဲ့ ယခုနောက်ပိုင်းတော့ကိုကြီးက အပျင်းပြေဆိုပြီး တစ်လိပ်စ နှစ်လိပ်စပြန်သောက်လာသည်။ တစ်နေ့ကို တစ်လိပ်လောက်သောက်တာတော့ နွေးလည်း အပြစ်ပြောမနေတော့ပဲ ခွင့်ပြုပေးလိုက်သည်။ နွေးကိုယ်တိုင်ကလည်း ကိုကြီးဆီကရတဲ့ စီးကရက်အနံ့ဆို စွဲလမ်းနေမိတာပဲ မဟုတ်လား။
အထူးသဖြင့် ကိုကြီး စီးကရက်သောက်ပြီးကာစအချိန် ကိုကြီးရဲ့ဆီကရတဲ့အနမ်းလေးတွေကိုပေါ့။
YOU ARE READING
Strawberries & Cigarettes🍓🚬 { OC } [Completed]
RomanceIntro : 15.8.2022 Start : 28.1.2023 Finish : 20.7.2023 "And even if I run away Give my heart a holiday Still strawberries and cigarettes always taste like you" "စတော်ဘယ်ရီတွေကိုမြင်တိုင်း မင်းကိုသတိရတယ် ကလေးမ" ~~~ ဗညားဟိန်း "ကိုကြီးကိုသတိရတိုင်း နွ...