"أنسولين"

الفصل السادس عشر

انس :نزل السلاح وتعالي نتكلم
الاخر :مفيش بينا كلام يا تسيبني اقتله يا تسبيني اقتلها وليك حرية الاختيار
بدأ انس يقترب والآخر يبتعد ويقرب السلاح من لين اكثر وبركلة مفاجأه من انس وقع على اثرها السلاح من يد المجرم ثم ركضت لين ووقفت خلف انس بخوف
انس ل "لين" :انتي كويسه؟
اومأت لين برأسها بخوف فلقد انثني الرجل وحمل السلاح مجددا ويصوبه نحوهم الان
انس :خليكي ورايا هاا
لين :احنا هنموت؟
انس :مش عارف بس تقريبا اه
المجرم :اهي خفة دمكم دي هي اللي هتخليني اقتلكم
اخذ انس يقترب اكثر ولين خلفه والمجرم يهدده
المجرم :متقربش احسنلك
انس :لا رد
المجرم :خليك بعيد بقولك
انس :لا رد فقط يقترب منه في وسط ذهول لين من جرأته
وصل انس أمام المجرم مباشرة وبدأوا في اشتباك انتهى بخروج طلقة ناريه تخترق جسد أحدهم ولكن أيهما؟!
صرخت لين بفزع ف لقد اصابت الطلقه ذراع انس وهرب بعدها المجرم سريعا..
لين بفزع وهي جاثيه على ركبتبها أمام انس :بشمهندس يا بشمهندس انت كويس
انس بإرهاق :ااااه كويس كويس
دلف أسر الي الغرفه بفزع وبصحبته حازم..
أسر :لين انتي كويسه
ركضت لين وارتمت في احضانه لتستمد بعضا من القوة والطمأنينه منه وكان انس يحدجهم بغيظ في حين ركض حازم متجها الي انس المصاب
حازم :يا نهار اسود جرحك عميق قوم بسرعه نطلع للدكتور في الاستقبال
انس :مفيش حاجه متأفورش يا حازم
لين بقلق واضح :بشمهندس حازم بيتكلم صح لازم تطلع الاستقبال حالا
انس بتجاهل غير مبرر:انا مش صغير يا حازم وعارف بعمل ايه وبقولك انا كويس
حازم:طب تعالي معايا بس ثم نظر ل "أسر":شكرا جدا لحضرتك يا سيادة النقيب والحمد لله انه دكتوره لين بخير
أسر :دا واجبي يا بشمهندس حازم وسلامتك يا بشمهندس انس
انس :الله يسلمك
حازم :عن اذنكم...
بعد خروج حازم وانس نظر أسر الي لين بحنان مردفاً:انتي كويسه يا حبيبتي
لين :الحمد لله يا حبيبي عدت على خير
...............................................
عند انس وحازم :
كان انس يمسك ذراعه بيده الأخرى بألم وينظر أمامه بشرود وكان حازم يسير بجانبه
حازم :الحمد لله انها جت على كدا
انس :لا رد
حازم :مالك
انس بضيق :تعبان يا حازم تعبان هيكون مالي يعني
حازم :الف سلامه يا غالي انا وانت لا بس حاسس فيك حاجه تانيه غير التعب مضايق من حاجه
انس :لا وكفايه كلام عشان مصدع
قام الطبيب بتعقيم جرح انس ولفه برباط معلق برقبته وقام حازم بإيصال انس الي المنزل لانه لن يستطيع القياده بسبب إصابة ذراعه .. وقف حازم أمام منزل انس ودلفوا الي المنزل بعد ان قامت مياده بفتح الباب لهم
مياده بخوف :انس مال ايدك
انس :حبيبتي متقلقيش انا كويس
مياده :حصلك ايه طيب قولي
انس :مفيش دي حاجه بسيطه
مياده :ايه اللي بسيطه يا انس ايدك اتكسرت ولا ايه
حازم :فال الله ولا فالك يا شيخه هو واخد فيها رصاصه بس مش اكتر
شهقت مياده بفزع :رصاصه! ليه انت اتخانقت مع حد
انس :يوووه يا مياده هو تحقيق يا حبيبتي عدت على خير خلاص بقا روقي فكك من حازم دا عبيط
حازم :لا يا راجل طب همشي انا تصبحوا على خير
انس :وانت من اهله معلش قلقنا نومك بقا اهلك ولازم تستحملنا
حازم :طبعا اومال وبعدين هي حاجه جديده ما كالعاده يا بشمهندس عد الجمايل بس
ضحك انس :هعدهم حاضر
حازم :تصبحوا على خير
انس ومياده :وانت من اهله
..............................................
في منزل لين
بعد أن عادت لين الي المنزل مع أسر كان والدهم يجلس في انتظارهم
أسر :بابا حضرتك لسه صاحي لحد دلوقتي ليه
عز :ما انت اتصلت سألت على اختك وقفلت من غير ما تقولي في ايه ومرضيتش اصحى سميه ف طلعت استناكم هنا
_أخبر أسر والده بما حدث
عز :انتي كويسه يا لين مفيش شغل تاني خلاص
لين :بابا انا مقدره خوفك عليا بس متقلقش ان شاء الله هتتستر كل واحد بياخد نصيبه وبعدين دي حاجه مش دايما هتحصل
عز :ونعم بالله
لين :انا هقوم انام بقا عشان مرهقه على الآخر
عز:تصبحي على خير يا حبيبتي ربنا يحميكي ويحفظك من كل سوء
لين :وانت من اهل الخير يا حبيبي
صعدت لين الي غرفتها وأخذت حمام دافئ وارتدت منامه حرير مريحه بلون السماء وتركت لشعرها العنان وجلست تتذكر أحداث اليوم مرت علي وجهها ابتسامه بمجرد تذكرها وجه انس ونظراته إليها ثم ما لبست ان اختفت هذه الابتسامه سريعا فور تذكرها لاصابته ورددت داخلها :يا ترى هو عامل ايه دلوقتي اكيد ايده بتوجعه اوي بس اكيد الدكتور اداه مسكن.. ياربي
ثم استعادت نفسها لتضرب بكف يدها على جبهتها وهي تقول محدثه نفسها :الله وانتي مالك يوليه نامي من سكات
ثم استلقت واغمضت عينيها مستسلمه للنوم...