''ရုပ်ရှင်ရုံမှာကားသစ်လဲတယ်ကြားတယ်ဆည်းဆာ''
''ဘာကားလဲ''
ဆေးကျောင်းသူပီပီ..စာအုပ်ပုံထဲခေါင်းနှစ်နေသောဆည်းဆာကပြန်မေးသည်
''ဒဏ္ဍာရီတဲ့......မေသန်းနုပါတယ်ဟ''
''အာ့ဆိုကြည့်မယ်လေ.......မမကိုလည်းခေါ်လိုက်လေဟာ..ငါတို့နှစ်ယောက်ထဲဆိုပျင်းစရာကြီး''
မြသက်လယ်ကဆည်းဆာရဲ့မွေ့ယာပေါ်လှဲအိပ်ရင်း
''ဒီရက်ပိုင်းမမအိမ်သိပ်မကပ်ဘူး....သူ့သူငယ်ချင်းအိမ်မှာဘဲအိပ်နေလို့ဖေဖေတောင်ဆူနေသေးတယ်...ကိုလတ်ကော..ဘယ်နေ့ရောက်မှာလဲ ''
''ဒီအပတ်ထဲလို့ပြောတာဘဲ.......''
''မမတို့မင်္ဂလာဆောင်ကျငါတို့ပန်းကြဲရအောင်...''
''တကယ်နော်...''
''တကယ်..မမကိုငါပြောလိုက်မယ်''
သာယာနေသောမိသားစုနှစ်ခုထဲကိုမမျှော်လင့်ထားတဲ့လေမုန်တိုင်းတစ်ခုဟာမဖိတ်ခေါ်ဘဲဝင်ရောက်လာခဲ့လေသည်
''မမ..........''
မြသက်လယ်မှာမနက်စာစားရန်အမဖြစ်သူကိုခေါ်ဖို့အခန်းတံခါးဖွင့်လိုက်ချိန်........
အမဖြစ်သူဟာ.....ကြမ်းပြင်ပေါ်မှာလဲကျလျက်..ခန္ဓာကိုယ်အနှံ့မှာလည်းဒဏ်ရာဒဏ်ချက်များပြည့်နေသောဝမ်းဗိုက်တွင်လည်းဓားတစ်ချောင်းစိုက်ဝင်လျက်အသက်ကင်းမဲ့နေ၏''မမ....မမ....မေမေ...ဖေဖေ....ဒီမှာမမကိုခေါ်လို့မရတော့ဘူး''
သူမရဲ့အသံကြောင့်မိဘတွေလည်းအပေါ်ထပ်ကိုတက်လာကြ၏
''ဟင်....သမီးကြီး.....''
''အံမလေး....သမီး......''
အခန်းဝမှာတင်အရုပ်ကြိုးပျက်မေ့လဲသွားသူဟာမြသက်လယ်တို့ရဲ့မိခင်.....
''မေမေ......''
တစ်နေ့ထဲမှာတင်အမေနဲ့အမကိုတပြိုင်နက်ထဲဆုံးရှုံးခဲ့ရသောခံစားချက်ကရင်ကိုအက်ဆစ်နဲ့လောင်းချခံရတာထက်အဆတစ်ရာလောက်နာကျင်ရသည်
''ဆည်းဆာကိုအမှန်တိုင်းပြောကိုလတ်..အဲ့ညကကိုလတ်နဲ့မမ...မမအခန်းထဲမှာစကားများကြတာအကုန်လုံးသိတယ်.....မမကို....ကိုလတ်သတ်လိုက်တာလား....''
YOU ARE READING
မုန်းလိုကမုန်း၍ချစ်လိုကချစ်နိုင်သည်
Random''ကမ္ဘာနှစ်ခြမ်းကွဲရင်တောင်ဆက်ရှိနေမှာဘာလဲသိလား'' ''ဘာလဲ' ''ခင်ဗျားကိုချစ်တဲ့မောင့်အချစ်တွေပေါ့'' sweet🍬