အခန်း 13နေ ပြန်ရောက်လာတော့ ချမ်းက အိမ်ပေါက်ဝတွင် ပြုံးပြုံးလေးရပ်လျက် စောင့်ကြိုနေတာဖြစ်သည်။ရေချိူးပြီးကားစ ချမ်းက စိမ်းနုရောင် ရှပ်ပွပွလေးနှင့် ဘောင်းဘီရှည်ကို တွဲဖက်ဝတ်ဆင်ထားသည်။နေ ကားပေါ်မှ ဆင်းလိုက်သည်နဲ့ နုသစ်ချောမောနေသည့် ချမ်း မျက်နှာလေးကို တွေ့လိုက်ရသဖြင့် ပင်ပန်းခဲ့သမျှ အကုန်ပြေပျောက်ကုန်သည်။
နေ ကားပေါ်မှဆင်းလာသည်နဲ့ ချမ်း က နေ့လက်မောင်းကို ပြေးခိုတွဲသည်။"မောင့် ကိုပြောပြစရာရှိတယ်"
"အင်း..ထူးထူးဆန်းဆန်းပါ့လား ဘာပြောမှာလဲ"
နေတို့ နှစ်ယောက် အိမ်ထဲဝင်လာစဉ် ကိုတိုးက နေ့ အိတ်ကို ဆွဲပြီး နောက် က ခပ် သွက်သွက်လိုက်လာသည်။ချမ်း က စကားပလင်ခံကာ ပြောလာသည့် အတွက်ကြောင့် နေ ချမ်း မျက်နှာလေးကို ချစ်စနိုးငုံ့ကြည့်ပြီး မျက်ခုံးပင့်ကာ ဆိုသည်။ချမ်း က ခြေဖျားလေး ထောက်ကာ နေ့ နား နားနှုတ်ခမ်းလေးကပ်ပြီး တိုးတိုးလေးပြောလာသည်။
"မောင် ချမ်းဗိုက်ထဲမှာ နောက်ထပ်ကလေးလေး ရှိနေပြီ"
ဟူသည့် စကားသံတိုးတိုးလေးက နေ့ နားစည်ထဲ ရိုက်ခတ်ပြေးသွားသည်။နေ မျက်ဝန်းအစုံကသာမန်ထက် ပိုကျယ်လာကာနေ့မျက်နှာထက်ဝမ်းသာ ပျော်ရွှင်ရိပ်တို့ချက်ချင်း ထင်ဟပ်သည်။
"ဘေဘီ တကယ်ပြောနေတာလား"
နေ က ချမ်း ဗိုက်လေးကို ငုံ့ကြည့်ကာ သူ့လက်ဖဝါးပြင်ကြီးဖြင့် ဖွဖွ အုပ်ကိုင်လာရင်းမှ မေးသည်။
"အင်း"
ချမ်း က အပြုံးလေးဖြင့် ခေါင်းငြိမ့်သည်။နေ ပျော်ရွှင်မှုတို့ကို ထိန်းမရ။
"ပျော်လိုက်တာကွာ..မောင့် မိန်းမက အရမ်းတော်တာပဲ"
"အမေ့!..မောင်"
နေ က ရုတ်တရက်ချမ်း ကိုယ်လုံးလေးကို ပွေ့ချီယမ်းလိုက်သဖြင့် ချမ်း နေ့လည်ပင်းကို အမြန်သိုင်းဖက်မိသည်။နေ က သွားတန်းတွေ ပေါ်အောင်ရယ်ရင်းမှ ချမ်း ကိုယ်လုံးလေးကို ပွေ့ချီကာ နှစ်ပတ်သုံးပတ်ပွေ့ချီယမ်းပြီးမှ အောက်ကိုပြန်ချပေးသည်။သို့တိုင် ချမ်း ခါးသွယ်လေးကို ပွေ့ဖက်ထားဆဲဖြစ်သည်။
![](https://img.wattpad.com/cover/359218858-288-k937576.jpg)
YOU ARE READING
Falling in love with my husband (season 2)
RomanceSeason 2 crd cover pic from Pinterest.