လျို့ဟန်သည် ကိုယ်တိုင်အတွက် သားကောင်ရှာနေမည့်အစား ဘေးမဲ့တော့အနှံ့သွားလာကာ..
သားရဲများပင် မှီခိုစပြုလာသော ဘေးမဲ့တောအိုကြီးမှ ပြိုင်ပွဲဝင်များကို လိုက်လံ ကူညီပေးခဲ့၏..။
ဤမျှပင် အထင်ကြီးလောက်ပေသော ရှင်ဘုရင်တစ်ပါး၏ လုပ်ရပ်သည်..
'လက်နက်ဟူသည် ကာကွယ်ဖို့သာ သုံးရာ၏။ ' ဟူသော..
'ငါ သိသော မြား ' ၏ အနက်ထက်ပင် သာ၍ များစွာ မြင့်မြတ်လှပေ၏..။
"သူတို့က ဘယ်မှာလဲ?.."
သံအမတ်ယွမ်ထန်းသည် ပြိုင်ပွဲဝင်များကို လိုက်စစ်ရာမှ လျို့ဟန်နှင့် မေလင်းတို့အား မမြင်မိသဖြင့် မေးနေခြင်းဖြစ်၏။
ပြိုင်ပွဲဝင်များအားလုံး စုံနေကြပြီ ဖြစ်သော်ငြား ယမန်ညက အစောဆုံးပြန်လာသူ နှစ်ဦးမှာမူ ယခု ရှိမနေကြသေးပေ..။
မည်မျှပင် ရယ်စရာ ကောင်းလိမ့်သနည်း။
_______
"ခြေထောက်တွေ နာနေသေးတယ် မို့လား?.."
တဲဆီသို့ အပြန်လမ်းတွင် အနည်းငယ် ထော့နဲ့နေသော ခြေထောက်များကို မေလင်းတစ်ယောက် အားတင်းကာ မသိသာစေရန် ကြိုးစားလျောက်နေခဲ့၏။
သို့သည်တိုင် ဆံချည်တစ်မျှင်မျှ ကျွတ်ကျလျင်ပင် သိနေလောက်သော လျို့ဟန်သည် ထုံးစံအတိုင်းပင် ယင်းအား သိနေခဲ့ပါ၏။
"နဲနဲပါဘဲ.."
လိမ်လို့လည်း မထူးတော့ပြီမို့ မေလင်းသည် အနည်းငယ် ဖို့ကာပြောလိုက်၏။ အမှန်အတိုင်းပြောရန်မူ မေလင်းရှက်သည်လေ..။
မိမိ အားနည်းချက်အား ကိုယ်တိုင် တင်ပြရန်ထိ မေလင်း မရူးမိုက်ရဲပါချေ။
"လာ..."
လျို့ဟန်သည် ထိုသို့ပြောပြီး မေလင်းရှေ့တွင် ကျောပေးကာ ထိုင်ချလိုက်၏။ မေလင်းပင် ကြောင်တောင်တောင်လေး ဖြစ်သွားရသည်။
လျို့ဟန် မည်သည်များ လုပ်နေသနည်း?
မေလင်း နားမလည်တော့ပါချေ..။
"ကိုယ့်ကို လာဖက်..."
လျို့ဟန် ထိုသို့ပြောလိုက်သောအခါ 'ဝမ်းနည်းသွားသဖြင့် နှစ်သိမ့်ပေးရန် ထိုသို့ပြောလာသည်ဟု' ထင်မိသော မေလင်းမှာ ပြုံး၍ လျို့ဟန်၏ ကျောကုန်းအား လှမ်း၍ဖက်တွယ်ပေးလိုက်သည်။
သို့သော် မထင်မှတ်စွာ မိမိ၏ အရပ်သည် မြေပြင်နှင့် အတော်လေး ကွာဝေးသွားရသည်။
အကြောင်းမှာ လျို့ဟန် ထရပ်လိုက်သောကြောင့်ပင်...။
ထို့နောက် လျို့ဟန်သည် မေလင်းခွထားသော ခြေထောက်များကို ဒကောက်ကွေးနဲ့ ချိတ်ထားလိုက်ပြီး ဆက်သွား၏။
*အယ်..? ငါကျောပိုးခံလိုက်ရတာလား?..*
YOU ARE READING
Lost Empress of ''WANG'' Empire (ဝမ်ဧကရဇ်၏ပျောက်ဆုံးနေသောဧကရီ)
Non-FictionTransgender မျိုးကို ရှေးခေတ်အနေနဲ့ ရေးထားတာပါ။ စိတ်ဝင်စားရင် ဖတ်လို့ ရပါတယ်။ ခေါင်းစဉ်မှာ အင်္ဂလိပ်လိုနဲ့ မြန်မာလိုက တမင် မတူအောင် ရေးထားတာပါဗျ။ ဒါက story လေးရဲ့ main ဖြစ်လို့ပါ။ ကဲ Let's Go!!!!!! to read.
