القربان

البارت الثاني

اباع صالح ..
ريحانه مندارت وضلت فاتحه عيونها عليه ..
كتلها روحي واليوم جايكم بليل ..بسرعه روحي

اجه يمي .لزمها بايد ..وغطت وجهها ..
ولج ..صخمانه ...بعلو حسه انه اعلمج
كتله اسمع ..الاول..لا تهد ع حرمه حجيك وياي 
ماحس الا ضربني ..
عدلت ..روحي ..
روحي ريحانه ..
كال من انعل  ابوك  لابو ريحانه ..
بيوتنه شعبيه ماريد افضحها .وتطلع العالم .
رحت قريب عليه ..عرضك لا تفضحة زمال ..خليها تروح
ونتفاهم احنه زلم ..
دفعها روحي ..وكعت ..بلكاع
كعت ..لو احس روحي طلعت  ..مني  وتبجي ماعرف عين عليها وعين عليه ماحس بروحي الا اني نايم فوكة ..وسحلته من هدومه واكو نكرة خيسه شمرته بيها ..
وعالم تكومت علينه من كل بيت وكل مكان ..
وفاككونه ..
وضل يهذري
ولك ابو شيبة اني اعلمك واليوم افصلك ..
حضر عماك ...جايك ..
ع دكتك هاي كلب ارعن ..
كتله روح شسوي سوي ..لا ضل تكمز وتنعثل  ..وياي ..
جروني منه رحت للبيت مثل المخبل ..
خابرت اخوي ..سلوم تعال ..تعاركت وي صويلح ..
يا صويلح ..
سالم تعال ..هسة ..
خرب احجي ..
شافني وي ريحانه ..
انت عاقل لو مسودن ..
اووو تعال ..
جاي خرب بشيبتك ...

طبيت للبيت امي كاعدة بلكاع ..
رفعت راسها هايمه شجابك من وكت ..
كتلها كومي لبسي عباتج ..
شكو ..
كومي امشي لابيت ..ام ياسين ..خطبيلي ريحانه ..
شجره ..مسودن ..نخطب من الصبح
اخوها شافها وياي ..مو مال حجي
ضربت ع صدرها ..احووو ..
كومي يمه ..لا يذبحوها ..ترحين لو اروح بروحي ..
ولك يلمعزة شطب شكول شحجي .
ولك شكول ع دكتك هاي ..كامت وين اولي بلصباحيات
روحي يمه لا يطكها صالح  قسم بالله اكتله ..
عزة بعينك ..خابر اخيك ..
ع حجينه ..كامت مرت اخوي رواية  ..
وتسال شكو شبيكم ..
اني واحد وذبني بنص نار هذا حالي ..
خابرته روحي يمه .
يمه رواية  عباتي بسرعه ..
اي عمه...
لبست عباتها ..بسرعه ..ولك شحاطتي ..
نزعت الي برجلي هاج لبسي هاي ..
ولك قصي هاي اكطعك بيها ..
اجي وياج ..
لا لا اكعد بمكانك ام ياسين وردة بس هذا صويلح ..اخ منه
لبست شحاطتها ..
راحت للباب ورجعت ..
اني واكف اباع عليها ..
شو رجعتي ..
كالت شافك شدسوي وياها ..
ماسوي شي بس احاجيها ..
ولك حرام اسب ابوك ميت ..بس حتركو عشيرتك ..
وشسويت ..
مسويت شي ..
ولك قصي ..ماطكيته ...
لا يمه ..
جا خوش..
راحت ..
اني وكفت بلباب ..هناك واشوف سالم اخوي اجه ..
وكف يمي شكو ..
حجيت اله ..
كال ..قصي عاقل لو مخبل ..
مخبل من الاخير ..اخطبها الي ..
ولك شخطب فضحتها .
هسة شلون راح اضلون تحجون علي
البنيه ماتتحمل ضرب
كال وانت اذا تحبها ليش تحاجيها بدرب ..
صدك ارعن ماتخاف عليها ..
صارت بعد ..
شتريد هسة اروح الهم ..
اي والله ياريت ..
العصر اني وياك نروح ..ولك قصي صالح مو راحه شورطك وياه ..
استغفر الله وتالي وياكم ..هذا هوة احبها وزوجوها الي وخلص..
دفعني خلي اطب جوة ..
وصل للحوش ..تعال طب ..
لا انتظر امي ..
ولك طب لا يهدون عليك ..
ماخاف ..
كال الله يثبتك ع عقلك ..هاي دكة خزيتنه ..
سالم اكبر مني بثلاث سنين ..
وزجته بنت خالي ..بعمري ..
بقيت واكف اعاين ع الدرب ..
خابرني صاحبي ..ها ولك وين ماتطلع للشغل ..
لا ..واله ماكدر باجر اجي ..
خوش..
سديته ...منه ..
..كلبي عطب وطك غير تجي امي ..
متحملت ..رحت مشيت ..
اشوفها  تمشي من بعيد  ..وتاشر الي ارجع ارجع ..
بقيت واكف ..
ومشيت الها ..
جرتني من ايدي امشي يلمصخم ..
امطمص اخوها بلخيسه ويكول ممسوي شي ..
امشي ..ودك ع اخيك ..
بلبيت ..موجود ..
هسة غير تحجي تفهميني ..شصار
وصلنه لبيتنه ..
طبت ..ذبت عباتها ..كعدت ..احجي يمه ..
كالت سودة مصخمه ..
شنو يعني..
يعني لا طبيت بيتهم ولا شي من الباب ..
حاجيت ام ياسين ..وكالت ملخها كتل ..اخوها لريحانه
وحالف الا يصكطك ..
كالت لا تجون ولا توصلون بلجي منا ليومين يبرد ..
كمت ..كتلها جاي تحركيني هيج ..
هسة اروح واريد اشوف يازلمه يوكف الي ..
جرتني اكعد ..
انه اتفقت وي امها ..
كتلها يمه حقير هذا ياذيها ..وهي جاهله ماتتحمل ضرب ..
لا تموت بايدة ..
دامك هيج تحبها ..وزلمه حوك ..ماتستحي تحاجيها بدرب.
كعدت بلكاع ..
حاير ..صارت بعد ..لا ضلون تاكلون كلبي
طلع اخويه ..
كال ..معليك منه ..اني ادز ع ابن عمك واروح اله ..
هسة ارد للشغل لو شنو ..
امي كالت لا ..ابقى هذا شراني لا ياذي اخوك ..
كمت يمه لا ضوجوني هسة ..اروح اله والي يصير يصير ..
اكعد يلنجر ..اكعد ..
سالم كلها يمه عوفي ولا تخلي يطلع ..
رايح لشغلي ..
سالم يشتغل يم كصاب يمنه بلمنطقه ..
واخوي صغير ..بعدة طالب ..
بقيت ..نار تاكل بروحي اكل اروح واجي ..
وكلما اريد اطلع امي تكف بوجهي ..
شفت رواية دتكنس بلهول ..يمي
..كتلها خوية تعالي ..
ها قصي شكو ..
اسمعي راح ادك ع ريحانه حاجيها .واذا جاوب صويلح.كولي انتي صاحبتها عود ..وليش غابت ..من المدرسة
هااا خاف يعرف صوتي ..
لا عمي شنو السالفه ..
خوش مثل ماعلمتح ..
سهله ..
دكيت ..دك ..مرة مرتين ..
جاوب هوة ..انطيتها الها ..
الو ..
الو ..
ريحانه ..
كلها ..اخوها ليش صوتي مال ريحانه .
ها اسفه وينها ..
مهنا ..
شكرا ..
وسدته ..
ضلت تباع عليه ..
كتلها وثول ماسمعتي صوته جنه مولدة كايم محركها.
وتكوله ريحانه .
شمعرفني ...
اسالي وينها مو بس ضحكين ..
قصي ماعرف شبيك ..
روحي.
كعدت ..كلبي موجر نار وبانزين ..
ريحانه ..بيد هذا ..جنه الشمر ...
اوف ياربي شسوي ..
مابيه شسوي اروح اله واحجي ويا واعتذر منة ..
اي ..خلي يلتمون الولد ..
ونروح ..
ولا ابقيها يمه ..هاي بنيتي اني ربيتها ..
روحي الها قربان ..
هيج ..وصير قسمتي ..احس كلبي كام يضحك ..
واجيبها عر وس لهنا ..دخيلك ربي
مو بعيدة عليك ..
اخ ..نار ...
احس الساعات ثكيله وكوة تمشي ..
اريد يجي العصر حتى نلتم ..ونروح الهم ..
حتة الزاد بحلكي ..الة غير طعم ..
وطعمه مر بحلكي ..بيومها
هسة انه شجاني وحاجيتها ..خرب ..
اخ ..كلبي ..راح يطك واكل بروحي ..اكل ..

ريحانه ..ناعمه ..ونازكه وشكلها ..حلو ..حنطية  عيونها سود ناعسات  ..طولها شبر ونص ..مو اكثر ..ههههه قصيرة
بس الاحلى ..روحها وبرائتها بعدها طفله ..
وتدلل علي ..
انه ابوها ..
انه اخوها ..
انه اخ ..اشتعلو ا..هلي واحد واحد
كمت ...
رحت لامي ..دتخيط ع المكينه ولابسه النظارة
وجهال اخوي يمها ..يلعبون
ضليت اروح وارجع
كلت
يمه ماعاد عندي صبر ..
سويلي جارة ..
ولك شسوي ..الغروب يجون الولد وروحو راضوهم ..
كتلها هنوب غروب .مو كلنه العصر
خلص لا ضل سوي هيج جنك جاهل ..
وتعال اكلك ..مين تخطبها .من شيبك .
مو عندي مليون .
اي وهاي شتكفي ..
يمه سهله هسة بس البسها حلقه لو اعرف اشتغل حمال
واكملهن ..لا سديها بوجهي حبيبه ..
كتلها راح ..اطلع ..
وين ..
يم الولد بلركن..
اكعد اخوك كال ماتطلع ..
شنو جاهل وحاصرتني ..
لا يمه مو هيج بس اخاف عليك ..
اصبر ..لخاطري لا تطلع
مشى الوكت دهر ..
اجه ابن عمي ..واخذت اخوي ورحنه الهم ..
وصلت بابهم ..
دكينه الباب ..
طلع النه ..ياسين ..
انه واكف ع جهه..
السلام عليكم ..
جاوب ياسين ..بس ضايج هلا ..
كله ..جيناكم ..وعدنه حاجه يمكم ..
راح تبقينه بلباب ..ضل يباع ..
اندار ..ورجع باوع علينه ..
قبل لا يحجي
طلع راسه صالح ..وشايل بيدة ..قامه ..
كال جروووو منا لا ادميكم ..والله ..
يلا ..روحو ..
اندارو عليه ...
احنه نعرفه بوخه ..
سالم ..كال عيب تحجي هيج وانه دايس بيتك ..
مو شيمه عرب ولا شيمه جار ..
خلي نطب نتفاهم ..
كال روحو ..ماعدنه عزلنه ..يلا ..
وانه حسابي وياك بعدين ابو شيبه
وكفت بوجهه..
كتله ولك صويلح ..
والله ..ان مسيتها لو اذيتها ادفنك هنا ..
وللحكايه بقيه ..

احبائي ...
الحشد الشعبي المقدس ... مقدس بما تحمل الكلمه من معنى شباب بعمر الورد ضحوا بكل شي لخاطر الدين والعقيده دون انتماء حزبي او سياسي دون اي مصلحه ماديه لهم مني ومن الجميع كل الاحترام والفخر والتقدير واي كلام يمس هذه الفئه خط احمر طرد وحظر دون اي جدال( بالعراقي )
الي يعجبه اهلا وسهلا المايعجبه خلي يضرب راسه بالحايط مااقبل ولا حرف يمس الحشد والجيش  هذوله بدمائهم طهروا البلاد من النجاسه......