اباع ع روايه انخبصت متعرف اطفي النار..
تروح منا ومنا ..
ضليت اباع عليهم..
الفرحه بعيونها ..كافيه ..ماريد شي بعدها يم الله جبيرة
حتى حسوني ..فرحان ..
طبيت ..للغرفه ..اجتي ورايه
روايه ..
قصي اسوي لفات بسرعه واطب اسبح واسبح الجهال ..
والم غراضنه ونروح ..
اني بقيت ..صافن ..
يمعودة ..هذا كله بسرعه يراد دهر ..
لا والله بسرعه ..
كلتها..عوفي الفات ..هناك نتعشى ..
بس حضرو روحكم ..
بين ماكمل صلاتي ..
لا تاخرينه ..
لا بسرعه ..
وكفت ع السجادة وصليت واشوفها تركض منا ومنا ..
ساعه .اقل ..
كملت ..وحضرت ..غراضنه ...
قبل لا اطلع .
كتلها روايه الهويات ..
لا تنسيها ..
كالت مو يمي يم عمه ..
ابقي هنا هسة اجي ..
طبيت ..ع امي يمه الهويات اريدها ..
كالت يمه ..بلكومدي ..بجنطه سودة ..
رحت دورت ملكيت ..
طب حسوني ..يلا ..عمو ..خلي انروح ..
لكيت الجنطه ..اخذتها وطلعت ..لان فات الوكت ..
شلت نونه ..وكدت حسوني وروايه ويايه وطلعنه ..
من الشارع ..
اخذت ..تكسي ..للعلاوي ..
بطريق نونه نامت بحضني ..وصلت ..وبقت نايمه بحضني
اخذت سيارة لوحدنه ..اني بصدر والجهال
وروايه ليورة ..
وطلع بينا ..لكربلاء
جان
الطريق كله صور شهداء ..
صار بكل منطقه وبكل شارع صور شباب ..
شهداء ..امشي واقرة الفاتحه ..
اكو الي اعرفهم من ايام سوريا ..
بس الكل خواني ..
ماكو احد غريب عليه ..
بقيت اسولف وي ابو التكسي ..
لحد ماوصلنه للكراج ..
ونزلنه ..
اكو فرحه بلعيون. مشايفها ابد ..
شفتها بعيون روايه ..
اخذتهم ومشينا ..
طولنه بلطريق ..لان ازدحامات وسيطرات ..
تقريبا ..بلعشرة هناك ..
اخذتهم مشي ..شايل نونه وشويه تمشي ..
واذا تمشي ..ضل ..تلعب ..بشارع ..
اشيلها احسن ..
وحسوني بيد امه ..
كتلهم تتعشون ..
كالت بكيفك ..
جوعانه ..احجي ..
كالت انت بكيفك ..
وكفت .روايه مابيها تستحين ..
اندارت ع حسين ..جوعان ..
كلها اي ..
اخذتهم ..لشارع السدرة ..واشوف بلفنادق ..
كتلهم خلي نتعشى الاول وراها ..نشوف فندق .
طلعنه برة ..العالم تروش ..
هوسه ..
وطبينه بمطعم ..
يلا شتريدون ..
تاكلون ..
واحد يباوع ع الثاني ..
كالت انت شتاكل ..
كتلها انتو ..
كالت بكيفك ..
ضحكت ..روايه شبيج ..
ابتسمت الي ماعرف بكيفك والله ..
كباب دجاج تكه ..
بكيفك ..
اهوو يمعودة ..
يلا دجاج ..
خوش ..نزلت دجاج وتكه الي ..
وكعدنه ناكل ..
بس احسها تستحي ..تاكل ..
وبس توكل جهالها ..
مضغطت عليها ..ماكلت شي ..روايه
الباقي سويته ..سفري واخذته ويانه ..
طلعنه ..من المطعم ..
مشيت صار ابو الفضل بوجهي ..
هنا الراحه ..
هنا ..تحس نفسك ..بجنه عايش ..
بقيت امشي واسلم ..
واكوله كون ..بيضت وجهي كدامك يابا الفضل
كون ماقصرت وياك ..
تعلمنه منك الغيرة والمرجله
السلام عليك ياسيدي ومولاي ..
روحي تهف اريد ادخل ..بس ..خلي احجز الاول
اخذتهم ..اريد فندق ..
طبيت فندق جبير ..
حلو ومرتب ..يصير بفرع ..
كعدتهم ..
السلام عليكم..اريد غرفه ..
كم نفر ..
انداريت ..3
كم يوم ..
كتله ممعلوم ..
كال هوياتكم ..
طلعت ..الجنطه ..
وانطيته الهويات ..
ضل يباوع عليها ..
كال هاي زوجه اخوك مو زوجتك .
اني هنا شلون الي جان بغيبوبه و.وفز منها ..هيج ..
كتله صح ارمله اخويه ..وحاليا زوجتي ..
كال ممكتوب هيج ..
كتله عمي ..مرتي هاي شدتحجي ..
مقبل ..يحجز النه فندق ..
بقيت احجي ويا ..ابد ..
بديت اعصب ..منه وكانما جاي اسوي حرام هنا .
كتله عمي مرتي والعقد بلبيت
لو اريد حرام اجي هنا اني ..
كتله مالك دخل مرت اخويه عمي خالي
اريد غرفه ..
كال اعزلهم ..انت غرفه وهمه غرفه ..
صدك ..نرفزني كلامه ..
ضليت احجي وياه ..
وصوتي عله ..عليه وصار جدال لو ما عيب اجرة من الريسبشن ..واطلع قهري بي
تاليها اخذتهم وطلعت..
كتلها امشي ..
كالت وين ..
كتلها لبغداد ..نرجع ..
كالت بس انزور ..وراها نرجع ..
كتلها اسكتي لا زيارة ولا شي ..
اني شمحصل من وراكم بس الحجي التعبان ..
بتليت ..بيكم ..
ومشيت ..ومشت ورايه ..
صدك كلامه نرفزني حيلل ..
ومقبل ابد ..
ماعرف اكو تشديد ..لو قفل ويايه
