اسمع امي تكول روح ولا تدير وجهك علي ابد ..
امشي يمه محروس بالله ..
وماريدك ترجع الا ..ورافع راسي بيك
..متفشلني ..وي اخو زينب ..
امشي ..واسمعها تهلهل ..وتهلهل ..
اخ ..كلبي ..احسه يريد ..يطك ..
هل هلاهل مردتها ..بدرب ردتها لزفتي ..
مشيت ..وامسح دموع ..عيني ..
شلت جنطي ع ظهري ..ومشيت ..وطلعت للشارع ..
وسمعت كلام ..حسين ..ومشيت مثل ماكلي ..
واركب من سيارة لسيارة الا ان وصلت لمكتب ..
واني مو وجبتهم بس حسين موصي عليه ..
وكعدو يفهمونه وشلون نطلع ..ومين نصعد ..
مر وكت وجمعنا ..وطلعنه ..
بينه صغار ..وبينه شياب ..وبينه ..شباب ..
اشكال جنه ..
صعدنه ..بسيارة ..
وطريق يجر طريق ..
وحسبه جر حسبه ..
هسة حظنها ..هسة ..لزم الخصر..
هسة ..باسها ..وهسة وهسة ..
والغيرة تصعد براسي ..
وكل حسبة توج بروحي نار تلهب ..بحيث هيج لو بيدي افلش المقعد الي كداني من نار جسمي وعقلي ..
من الجدم للراس اشتغل ..
احسها لليله وحشة علي ..
مثل الي منزلي بلحد ..
ويدور عرف ..
اني ادور ولف ..جنت ..
هنا ..كعد يمي عبوسي ..
وبدة الطريق كله يحجي..ويسولف ويسال ..
اباوع عليه بعدة شاب ..يمكن اجهل مني ..
بعد ماتعبني كمت من يمه ..
وشفت شايب جبير كاعد بروحه ..
مرات سوالف الكبار تريح..
وبيها اثر بلنفس ..
كعدت بصفه ..
الله بلخير ..
جاوب ..
وقدم الي ..جكارة ..
لا حجي مادخن ..
عفية عليك ..
بقيت ساكت ..وسؤال بخاطري اريد اكوله ..
دقيقه اباوع ع الدرب ..ودقيقه ..اندار عليه ..
والكلام ..بلساني واكف .
كلي عيونك بيها ثأر مين جاي تاخذة
كتله لا ..لا ثار ولا شي
ضحك .
كلي ..كول ..شنو الي ابالك ..
كتله حجي ..سؤال ..ولو مو من حقي اسأل
كول وليدي ..اسمعك ..
انت مزوج ..
اي مزوج ..
وعندك اطفال ..
اي عندي 9بنات ...
بقيت صافن
...
تسعه ...
اي تسعه ..وباس ايدة وجهه وكفه ..نعمه عمي ..بنات ولد نعمه ..شخالقين ايد رجل منهم نعمه من الباري
كتله حجي انت جبير ..شعجب جيت ..
اندار عليه ..افا عليك ..انه اخلي زينب تنسبي من جديد..
العقيدة وطن والوطن عقيدة ..
الاثنين النه وطن ..ويجرن هجي بلدم ..
سكتت اني ..معرفت اجاوبة ..
زين وبناتك منو الهم ؟اذا لا سامح الله صارلك شي
كال الله ..
ونعم بالله ..
كال الي مالها والي منو واليها ..الي مالها كافل منو كافلها ..
معرفت اجاوبة ..سكتت..
كال انه اكلك ..ابو الفضل واليهن ..
وانه جيت احامي ..اخته ..عليها السلام ..
هنا تعلمت اول درس ..واصعب درس ..
بلجهاد ..
صحاني ع واقع ..جنت ماعرف بي ..
يمكن مثل ماكال ابو كرار ..مو لعبه ..
واني بخيالي لعبة ....
كلامه دك بروحي ..
عباس بهلحجي وراية وين ماروح ووين ماكعد
جان الطريق متعب وطولنه بي ايام علما وصلنه
لسوريا ..
صعدنه بطيارة الى حلب ..
وصلنه ..
لسوريا ..
قبل لا تنزل طيارتنه اكو قبلنا طيارة نازله ..
تعرضت لقصف ..
هنا بدة الواقع يشتغل ويطغى ..وبديت اعرف
مو لعبة هاي ..
بقى الطيار يفتر ..وينتظر احداثيات ..
وينزل ..
بقينه ..نحلق فوك المطار ..
الا ان نزلنه ..
وبدت رحله الجهاد ..
وبدو ياخذونه ..ونهجم ..ونطلع ..
اول ..انسان قتلته ..بحياتي ..
جنه بحلب ..بحي من احيائهم ..
الدمار بكل مكان ..وبعدني جديد ماعرف شي ..
احنه فوك بعمارة بمنطقة اسمها سيف الدوله ..واكو قناص
منا ..يتقنص .الجرذان .
واحنه ويا ..
صاح تعال قصي ..
دشوف ذاك ..
اجيت تقربت منه..واخذت الوضعيه ..ولزمت السلاح
ونمت ..وبقيت اباوع .
كتله شفته ..
كال طكه .
الي بصفي ضحك ..
كال قصي ..ابو شيبة ..اهدء ..بس ..
كلبك اني داسمع دكاته ..
لا تتوتر ..
عدلت ايدي كتله ماخاف ..
كال خسا ماكلت تخاف ..بس هدي روحك
شهيق زفير ..واكتم نفس ..وقنص ..وازفر ..واطلق ..
رصاصك ..
جنت اشوف مجموعه ابيت ..ويمهم ..قاذفه ويتحركون ..
قربته كلش ..
جان واحد بيهم الي شايل القاذفه ..بشع كلش..
شعر ..مهوش ..ووجهه ..يخوف ..
اخذت نفس ..وكتمته ..وعيني عليه .
وغديت مي ..مم العرك .
وبقيت احرك بايدي ..اصبعي..اريد اطلق ومتردد..
بلحضة الي خليتها ع الزناد ..
شفته يباوع عليه ..رغم المسافه بينه كلش..
بعيدة حيل ..بس ضل يباوع وبنضرته تقرة اشكال ..
غمضت عيوني واطلقت ..طلقه ..ودفعت هوى ريتي ..
ثواني وفتحت عيني عرفت اني ..كتلته ..
وبدينه نصطادهم ..
واحد ورة الثاني ..وبدينه ندخل معارك ..
شغلتني عن هوايه امور ..
وكمنه نتقدم اكثر واكثر ونطهر مناطق ..
قصص هوايه اندفنت هناك ..
من شباب وشيوخ واطفال ..
وعوائل ..
بقيت ليالي طويله ..انام وافز من نومي ..
واشوف هذاك الشكل البشع ..
الي كتلته ..اول واحد ..وارجع انام بجول او بجبهه ..
او بمقر ...
وانام وافز واكوم غركان مي عركان ..
بس يوم ورة يوم ..كمت اتعلم ..بس بقى صورته بمخيلتي وابالي ..
جنت بين فترة وبين اتصل بامي ..اطمنها عليه
وسمعها تكول يمه قصي ..
زينب ذمه يمكم ..انت وخوانك ..
لا تفشلونه يمه ..
وتهم بيه وساعدني ..وتنطيني معنويات بصوت مخنوك واني اعرف شنو الي وراه ..
مرات ..اريد احجي وي سالم بس ميقبل ..
ويرف كلبي ..عليهم ..
وتحن روحي ..لدربنة ..
واكول ..بلكي وارجع واشوفها لريحانه بعدها وتتلكاني ..
بضحكه ..وتشيل عني كل هم وتعب ..والحرب
وارجع واصفى وي الذكريات ..
كل شي يرسمهم الي ..
السما ..
والكمر ..
والنجوم ..
تتخايلي شكلها ..
واتخايل امي هناك ..من هلهلت بروحتي ..
جنت ذاب روحي ذب ع الشغل اريد ارتاح ..
واريد راسي يفرغ من كل شي ..
هنا عشكت سلاحي ..
ومحد يصدك ..
اذا اكول اشوف عيونها لريحانه ..بي ..
جنت الليل كله احضنه وانام ..
وكانما احاميها ...
مر شهر ..
وماطفت روحي ..
جنت اتمنى الطلقه تطفى بصدري ..
بس .مامقسوم الي الشهادة .
الي وكعو كدامي ..هوايه وجنت احسدهم ع الشهادة ..
هوايه هوايه ودعنه شباب ...الي مات ..والي اختفى واتاسر
والي منعرف وين راح ..
جنه ندور ..عليهم ..بس مانلكه ..اثر ..
دائما داعش ..تستخدم ..التصوير بعمليات ..القتل والذبح
ترهب بيها العدو ..
ودائما نشوف ..ابطالنا ..رافعين راسهم ومخايفين من الموت ..
واحدنه مخاوي الموت ..
صدك زلم وابطال ..
حموا ..وصارو ساتر ..للعقيلة ..
ووحداهم لو ضرب الكاع يطرها طر ..
يوميه نزف ..مجموعه ..اقمار ..
يوميه ..ننطي قرابين ..
والمكان بدة يفرغ ..جنه عشرة صفينه خمسه ..
وتجي وجبه ..وتروح وجبه واني باقي انتظر الشهادة ..
مجنت اريد انزل ..
اريد انزل بتابوت ..
حتى امي ترفع راسها بسه ...
وبقى ويايه عباس ..وعلاقتي قوت بي كلش
كتله ...
اعبيس /شبيك رابط روحك ويايه عمي ...
روح لاهلك انت مزوج وعندك جهال ..
بلا اني خالي مختلي ..
كال ماروح لو ننزل اثنينه سوة لو نرجع اثنينه مشيولين ..
جانت دنيا لليل ..واحنه برة ..
وناصبين النه خيمه ..
كمت من يمة ..واشمر ..حجار ..للبعيد ..
كتله مارجع الا نعش ..
ليش ؟
بعدك شاب. افرح بشبابك حتى ..اجي اهوس بعرسك ..
ضحكت ..كتله فراشي فارغ ..مراح ينترس ..
عفا ..اجيبلك من ربعنه ..ابو شيبه انت زلمه معدل ..
فاين حظ الي ..ماينطيك ..مرة ..
كمت امشي ابتعد عنه ..
هناك ..واسمع صوت باذني يكول ..
انت ابوية ..يمه لو اموت ماخلي غيرك ..يفتح الكصيبه
نذرتها الك ..نذر ..
اخذت نفس ..جبير ترس ريتي ..
كلت وي روحي هاي انتي ريحانه ..
انتي هذا النفس ..الي يصعد ..
بس صرتي الي ..زفير ..الي يروح واحتمال يكتم الروح ..
اسمع عباس ..ابو شيبه ..ها صاحبي وين ..رحت ..
ضحكت يمك ..
كال جنك عاشك ..
كال عمي والله انه اجي واشلعها من عيونهم ..
شناقصك ..كلي ..
لو عندي اخت انطيها الك مكبعه وعلي ..
كتله كفو منك متقصر ..حبيبي
