وصلت للباب رن جوالي ..
بيدي ..علاليك ومسواك ..
قبل لا افتح الباب شفت ..
ريحانه ..
وصلت راس الشارع ورجعت ..
عفت الغراض بلكاع
ومنتبهت ع رنه فوني ..
جانت ..ظلمه ..
وكلمن راكد بيته ..
بقيت .واكف بلباب ..اكو ضوة..مال تيل بلوسط المكان الي بي اني ...ممبين ..بس هي واضحه ..
ضلت تروح وترجع ..
اكو ..مبردة ..جبيرة ذابيها بصف الرصيف ..
اشوفها ..تروح وترجع ..وتختل وراها ..
ورجع رنفوني ..
جريته ..
ام مينا تتصل ..
يالله خير ان شاء الله ..
شفت سيارة ..عاليه ..وكفت ..بعيد عن فرعهم ..
ومشت ريحانه ..الها ..
ماكدرت الزم رجلي ولا نفسي ..
مشيت ..وصلت ..يمهاصحتتتت
ريحااااانه ..
شخطت السيارة وطلعت ..
وجان بايد ريحانه علاكه بيضة ..
شافتني كامت تمشي سريع ..
يمكن ركضت ..طرت الها ..
جريتها ..
كتلها منو هذا ..
دفعتني من صدري ..
ههيييييييي وانت شعليك ..بيه
ضربتها ..راجدي ..
وكعت الغراض من اديها ..
شلت العلاكه ..فتحتها ..كارتونه فون ..
شمرتها بوجهها ..هذا مستواج ..
وحلمج.
انتي صدك ساقطه ..
اول مرة ..بحياتي
امد ايدي ع مرة اعرف ..الي يضرب مو رجال
بس احس ..نار بروحي تاكلني ..اكل .
عافتني وركضت ..وطبت بيتهم ..
اكو جاهل جان يباوع علينا ..
وبيدة جيس صمون ..ولازم صمونه يعلس بيها ..
انداريت عليه كتله ..
شكووووو ..واكف
الجاهل من عيطتي مرتين اباع عليه ينجبح ويمشي ..
دك فوني للمرة الثالثه ...
احس قبغ راسي ..بي الم فضيع مصاير قبل بيه
وبدت ..ايدي ورجلي تخدر ..
هسة اريد اوصل للبيت
ماكدر ..
احسة مو درب ..راح امشي
دهر ..
كوة لزمت روحي ..وصلت للباب
كعدت عالدجه ..
احس ..نفسي ضاق ..
شويه وارتاحيت ..
ودخلت جوة للبيت بس ..تعبان ..
كل انسان عندة ..فد ..طاقه ..وهاي الطاقه اذا تخلص
بعدحتى ..واهس للحياه ماكو ..الها يصير ..
بديت احس ..روحي دتنزف ..
كعدت ع كرويته ..
امي كالت شبيك يمه وجهك احمر دم ..
مجاوبتها
صاحت ..يمه روايه تعاي شوفي زلمتج ..
رووايه ..ولج روايه
وتقربت امي مني لزمت راسي ..وتحاجيني ..
جتي روايه .
باوعت عليه شبيك قصي ....
مابيه ..
اريد مي بارد ..شربت المي ..
وغسلت منه وجهي ..
اكثر العجايز عدهن جهاز الضغط والسكر ..
جابت .روايه جهاز الضغط ..وقاست ضغطي
صاحت يما ..معلك ..ضغطك ..
هسة ..اخابر امير يوديك ..للمضمد
امي جابت الي ..دواها ..
اشرب ..
كتلها ماريد شي ..
واكو مسواك بلباب جيبو ..
امي تعال ..اشرب لا تنجلط ..
انداريت عليها ..
كتلها ..راح نطب سنه 2من موت ..سالم
ولليوم تحمليني ..موته ..
خلي اموت اني هم..حتى ..الذنب الي بصدري يخف
عفتها ..وطبيت سبحت ..
وصح ..كمت احس ..راسي انضغط اكثر ..
وشلون جاكوج وواحد يضرب بي ..
مهتميت ..
طلعت ..صعدت فوك..
دقايق وطبت نونه ..
وراها روايه بديها دولكه وبيها ..نومي حامض ..مقطع
وكعدت بصفي اشرب هذا ..
كتلها ماريد ..
لخاطر نونه ..
باوعت عليها ..
اني ليش انتقم منها ....وهي الخاسرة الوحيدة
شنو ذنبها ليش دومي اطلع قهر ريحانه براوية
اخذت من ايديها وشربت احس مر زهر مثل حياتي
دوم امي تفرف بيني وبين سالم كلشي اسوي جنت غلط وبس سالم صح
