ولك اميررر شلون خاف اطلع حامل منك ..
حتى اليوم مرحت مدرسه ..
راح اموت روحي والله ..
امير ..وينك ..
بقيت لازم الفون ..احس ايدي كامت ترجف ..
رجعت اكلب بلمحادثات ..
احبك لا تعوفني ..
امير/ لا تخافين ..اني وياج
كلام ..حب ..وخوف بيناتهم ..
كالت امي يلا انزل اتريك ..
ذبيت الفون ..وكتلهم امير وين ..
حسوني جاوب ..ديغسل ..
كمت ..رحت للممر ..وكفت يم باب الحمام ..
ورجعت ..اريد اركز ع شي احس ..
كل شي بيه مشوش ..
ضليت افرك براسي ..
ورحت كعدت ..
بلكاع ..وروايه كبالي ..
وامي والجهال ..
رجعت كلت ..امير وين ؟اتاخر ..
امي كالت شبيك .قصي ..
لا مابيه شي ..
حسوني ..ميريد يترك بيض ..يريد غير شي
وضل يبجي ..ويون ..
اني دايخ ..والبجي احسة يزرف راسي
منو الحامل
ومنو الي غلط وي منو ..
معقوله امير ..
توة 18سنه ..وديدرس سادس ..
شديصير ..
عطت ع حسين اسسسسكت ..
امي كالت ..عوذة شبيك عصبي ..
مكدرت اخلي لكمه بلحكي غير ..الجاي ..
حتى اجرع الجكارة ..
كتلها ..مابيه شي ..بس سكتوا ..
كااالت ..اعرف هاي سوالف نسوان اكيد حشتك ..
تقصد روايه ..رجعت
اييي كالت الك ع سالفه اختك ام .يوسف مو؟
فنون نسوان ..هاي؟
كتلها يااا فنون ..
روايه كالت ..عمة ..والله ..ماكلت شي :
حجايه من امي ومني ومن روايه
اني مثل الاطرس بزفه مدافتهم شي ..اختي شبيها وي روايه
وامي شتقصد ..
كبالي كتلي الجاي دفر ته ..
نضرب بلكاونتر ..
كتلهم اسكتو ..
كافي كال وكلت ..بس ..
عوفيها لا حجت ولا كالت شي ..
امي ..سكتت ..
طلع امير ..وينشف بشعره بلخاولي ..
واكف بصف الثلاجه ..
بدون وعي ..
رحت عليه ..جريته ..ودفعته ..عالحايط ..
ضل هوة يحجي شبيك ابو شيبه ..
هدني عوفني ..
امي بقت تعيط ..يماااا انهجم بيتنه ..
يمااا عوفه هذا اخوك عوفه ..
جريته وطبيت لغرفه روايه
وزلجت الباب ..
بدفعتي ..وكع ..
ذكرت من سالم ..ضربني ودفعني ع ريحانه
شبيك ..
كتله الكبد حامل ..مين ..
ضل يباوع عليه ..
كال شدتحجي انت ..
كتله قريت المحادثه ..بعيوني ..
كال جذب .صاحبي ويشاقه وياي ..
وكام ..
رديت ..كعدته اكعد ..
امي دك الباب ..
كتله اكعد ..متتحرك ..
فتحتها ..امي والجهال بلباب ..
كتله يمه ماكو شي داتفاهم وياه ..
كالت لو سالم موجود هذا حالنا ..
وعافتني وراحت ..
خطيته بركبتك ..
انت موته ..
اخ استغفر الله ..
رجعت ..كتلة فهمني ..
كال مثل ماكتلك شقة ..مال كروبات وبيجات ..
شبيك ..قصي ..
كتله خوش ..
فتحت الباب حسوني ..
نعم ..يابه ..
جيب الفون مال عمو امير ..
دقيقه واجه ..كال حبوبه ..دتبجي ..
اخذته منه ..
وسديت الباب ..
كتله يلا اتصل بيها ..
واسمع ..
ضل يححي شبيك اني اخوك مصدك بيه ..
نلعب وشقه هذا ..هسة اي واحد ينطي بيه كدامك صدك هي هاي خوة ..
كتله اسمع باذاني ..اذا شقه ..
كال اهلها موجودين ماكدر اتصل ..
جريته من ايدة ..
دزيت ..مسج الها..
اتصلي ..
ثواني ..
واتصلت هي ..
فتحت اسبيكر وقربته ع امير ..
وكفخته ع راسه احجي ..
كال الو ..هوة هذا شقه تشاقين بي ..
كالت امير ..
كلها اي ..صخام ..
كالت ياشقه شبيك ..
كلها هاي مال حامل مدري شنو عمي اعرفج تعرفيني ..
شهكت ..كاالت ..امير ..
كلهااااا ايييييي .. ..
كالت ..شبيك ..مو كتلك اخاف تنكر ..
كامت تبجي .امير وبقيت تكول امير
اني عيوني صارت بلحق ..
كالت ولك امير ..مو غلطنه ...
جريته منه ..
سديته ..
جريته من هدومه ..ماحس ..شكد ضربته ..
بس شفت خشمه طاك .دم..
وايدي ..نترست دم ..
تعبت ..كعدت بلكاع ..
كتله ..انت رجال ..كوة احجي ..احس كلبي وصدري بي الم .
هوة
لازم خشمه ورافعه فوك ..
ويدكون الباب ..
مداسمع شي ..
كتله جااااوب انت رجاااااااااااااااااااال ..
كال اي ..
..بصقت عليه ..
كتله لا الرجال ..من يسوي شي يكون كدة ..
انت مو رجال..
ولا مرة ..
ولا خنثي
ولا حيوان ..
انت ..شنوووووووو
سكت ..وكعد ورفع راسه ..
وجر هدوم ..ومسح الدم ..
