قرابين ..العيد الاسود
قرابين ..سبايكر ...
اضاحي اليوم المشؤوم ...
مصيبه اعظم من مصيبه ....
زهور قطفت ..قبل .. ان تفتح ..
وسالت انهار الدماء الزكيه ..
كل ارض في العراق هي واقعه الطف
كل جرح ..
هو ضربه السيف و جرح الكوفة
كل سم هو ...
جسر ..الكاظم ..
متى سوف نسمع ...
يا ثارات ..سبايكر ..
ياثارات ..العرااق...
متى سيعلوا صوت ...
الحق ..
يالثارات الحسين ....
علا صوت النصر ...
بيد ..جند الله ...وجند ..الرحمة ..
رجال ..عاهدو الوطن ..بلنصر ..القريب
رجال لم يعرف الخوف طريقا لهم ..
وهتفت الحشود..المقدسه ..
بلبيك ..ياحسييين
بلبيييك ياعراق ..
لبييك ياشهيد
......نصرا من الله وفتح قريب ......
انسدت الباب ..وزلجتها..
شفت ..شباب سبايكر بعيوني واحد واحد ..
خذوهم ..كبالي وانه عاجز ومجتف ...
وجنت اصرخ ارجعوا ارجعوا ..
محد يسمع الي ..
شفت بسمه وضحكه ع الوجهه ..الكل ..
ورافعين ..ايدهم ...بعلامه النصر
مر كدامي موكبهم ...
وتعداني ..
ركضت وراهم ..اركض اركض ..
وكعت ...
صحت ..خوااااااني ...
فزيت .ع سدة الباب وزلجتها ..
جنت غركان ..عرك ودم ..وبدت اطرافي تخدر
ولشتي ..ترجف ...
كالت منو انتم
كتلها ..
احنه ولد علي ....حجية ...
دارت وجهها ..عليه ..وكالت انا بنت الخطاب ..
يشرفني ..طبتكم ..للبيت يايمه ..
عباس كلها انتي امنا ..
اني واكف ..ومنتجي ع عباس ..
ميهمني الموت بعد ..
عمر الموت ميوجع الموات ..
بس اكو بعدة الاحياء يتوجعون ..
عباس ساكت ...محجة حرف ..
جان بيدنا ننهزم ..
..لو.
نركض..
بس مشينا وراها ..
هنا صراع بين الحياه والموت ..
واحد يكول لا لا ماموت هسة ..مو وكتي هذا ..
واحد يكول ..اجاك الموت يابن ادم ..
ثواني ...
الي بعقلي بعقل .عباس نفسة ..
اعاين .ع البيت اظلم
اكو .ميز بلنص ..
وبصفي بوفيا جبيرة وقديمه حييل ..
وع الميز فانوس ..مال اول ..
وغراص مطبخ قديمه ..
كالت امشو ويايه ..
احنا واكفين ..
كالت ..انتو ولدي ...يما ..لا تخافون مني ..
لحد هسة كلبك يلعب مني ..
مجاوبتها ..
الحرب متعرف اهالي ..ولا كلمه يمه
كدامنا انذبحو ربعنا ....
كمت احجي وي روحي قصي ..ذبها ع الله هوة واليها ..
مشى عباس ..بقيت واكف ..
كتلها يمه مي ..
كالت ..من عيوني ..
كامت اطكطك بلغراض
جابت مي ..
بعدة مخاله ع شفتي ..
جرة عباس ..
مني ..انت مصوب المي يكتلك ..ونازف دم ..
اجه بل ريكي بس وغسلي وجهي ..
كتله انتهيت ايدي ماتت ..والخدر صعد لجتافي ..
اريد اوكع بس مقاوم اريد اشوف ..
ع ايد منو انموت ..
لزمتني ..
كالت عمت عيني عليك يمه ..
وجرتني وعباس وياها ..
كالها حجيه ..رحمه لاهلج ..باجر نطلع
اني ..يتيم وعندي جهال ..
وهذا صاحبي ..كافل ايتام ..ومرته حبلى
يمه ..احلفج بلحليب الي رضعتي ..
سلمناج رويحتنا ..
وكفت ..
كالت معذور يمه ..بس انتو اهلنا ..عمر العراقي مجان
خوان الي خان حليبه نكس مو طاهر ..
شالت الايت ..
كالت شوف يمه ..وجهي .احفظه زين
خاف ..اقصر وياكم ..
تعال الي مو هنا بذيج الدنيا
من الله يوكفنا ..بسطر واحد
وكول نجمه ام ..خضير ..ماوفت ويانه ..وغدرتنا ..
