روايه فتحت الباب ..
وبقت لازمتها ..
اشوف ريحانه تبجي ..
وجتي حضنتني ..
اريد اتنفس ماكدر ...
كمت ابلع ريكي احس نشف
عبالك جنت امشي دهر ..
رفعت راسها ..
ضليت جامد واباوع عليها ..
كالت خلصني قصي ..
ابوس ايدك خلصني ..
اني بقيت واكف ..
روايه بعدها فاتحه الباب ..
اريد ادفعها عني ماكدر ..ياحضن ..هواي ..
شكد محتاجة ..بيه نار وطفت هسة ..وين اروح ....
بنيتي ..ام رويحتي ..مريتي.حلمي ..بحضني .
وحضني هواي
ويحضن هواي جن الماي والشاطي
النهر والشاطي شيفله
ويحضن هواي جن جنات فردوس
ي محلى العاشك لو جان بحضن خله
عطره يملي الدنيا شوك
ويعطر المحترك بالشوك شيملة
ورياحيني عطر يشفي كل جرح موجع ولا يهدأ وجع كلبي لو استنشقى كله
تحضنيني وتنسين الناس والتقاليد واهلج
تحضنيني وتطيبين الجرح بجروح
وتحيريني
انه بوضع مو محسوب كليلي شنو حلة
وخرت عني ريحانه ..
اندارت ..ع روايه ..ومسحت دموعها ..
كدرت اخذ نفس ..
فركت راسي احسة تبنج ..
بنفس يحرك الضلوع ..
كتلها اكعدي شكو ..
روايه سدت الباب ..
ووكفت ع السنك ..
اخ الله ..شصار بيه ..شنو هلاحساس ..
يتعدى الوصف ..
اخ الله ..ااااخ تحركني حرك ..
كعدت ..كالت انهزمت ..قصي ..منه ..
وجيتك ..خلصني منه راح اموت ..
الله لا ينطي صالح ..
ولا ينطي كل من حرمني منك ..
امي ع صوتنا ..كامت من نومها واجت ..
صاحت ..بوووياااا شجابها ..هنا ..بنت ابو ياسين ..
راحت عليها ريحانه خاله دخيلج خلصوني ..
منهم ..
محد يرحم بيه ..قصي ..
امي كالت كومي ..وجرت عباتها ورة الباب ..
كومي اردج لاهلج ..
جتي وكفت روايه بصف المجمدة ..
واني واكف يمها ..
وامي بلباب ..
تكولها لريحانه كومي مابيه حيل طلايب ..
ريحانه / تبجي ..بحركه ..قصي لا تخليهم
ياخذوني مرة ثانيه ..اموت والله ..
بقيت جامد ماعرف شسوي ..
غير كلمه شبيج وشصار ماكدرت احجي ..
امي تحجي كومي
كومي ..
صحت ....عوفيها يمه ..
امي ../المن اعوف ولك شاردة من بيتهم ..
اي عوفيها اني افتهم ..منها ..
امي / شعوف يلمعزة ..تريد تخزينا ..ولك قصي ..
ريحانه /خاله دخيلج ..
بقيني يمكم ..
عشر دقايق اكثر اني ممركز بلي ديصير ..
بين كلام ريحانه وكلام امي ..
هوسةبهوسة ..
يمة اسمعي ..
جيت قريب ع ريحانه ..
كتلها احجي شبيج ..
كالت ..ماكدر اعيش وياه بعد..
غمضت عيني واخذت نفس شنو الي صار ..
كالت ..ضربني وطردني ..
اباع الساعه 12صارت ..
طردج بهليل ..
كالت ي والله ..خلصني منه قصي ..
شخلصج ..ريحانه ..وشلون اخلصج انتي مرته .مو من حقي اسوي شي .
مسحت دموعها لعد شلون ..لا تخليهم ياخذوني منك ..
امشي ننهزم ..
امي عاطت بيها ..ولج .خرابه بيوت ..شتنهزمين ..
ازوج .وهاي مرته .شتردين منه ..من باب عوفني ..وهسة خلصني امشي طلعي برة ..
من وراج ذب روحه بلموت ..امشي طلعي منا
يمه اسمعي ..عوفوها ..
منا لباجر ..والله كريم ..
امي /شلون اعوفها ..ولك هسة صير طلابه ناهبها من اهلها .
كلت استغفر الله استغفرالله ..
مالكم دخل ..عوفوها ..هنا ..
روايه عافتني..وطبت لغرفتها..
امي ..كله من وراج ذب روحه بلننار ضيعتي وجيتي الله لا يوفقج واصلا من وراج مات ابني ..
وضلت تحجي ..ريحانه ..كامت ..
كالت قصي رايحه ..
امي /يلا امشي طلعي ..برة ..
خلي تروح ..طبها مرض..عيارة ..هاي ..زوجوني طلكوني
روحي ع اهلج ..يخلصوج احنه شعلينه
كافي ..بصوت عالي ..
هنا ضعفي ماسيطر عليه ..
اكعدي انتي ..كعدت ريحانه
وامي اسكتي خلي اعرف شسوي ..
بقوا ساكتين دقايق ورجعت امي نفس الونه ..
بهلاثناء طب اخويه امير اتفاجئ بريحانه ..
ويفر براسه شكو ..
امي انهدت ..عكب مازوجته اجه يعشك ويتمعشك..
وهي ..امر منه هلعيارة ..
كافي امي اسمعي
ابد ع نفس الونه ..وتحجي ..ولا سمعت الي
ضيعتي وجايه تهجمين بيته ..
لزمت الباب وركعتها اكثر من مرة سكتت ..
خلتني اطلع من طوري ..
داكووولج اسكتي يمه ....
ريحانه بس تباوع وخايفه من كل شي ..
امير ..سكت امي ..
وروايه مشفتها بعد ..
كتلها كومي نامي يم روايه ..
مطلعين ..ريحانه ..
كالت قصي ..امك ..
كتلها معليج..بيها مطلعين ..
امشي كدامي ..
انداريت ع امير ..كتله انطيها دوة لامي ..اعرفها ضغطها يعلك
مشت ..طبيت..لغرفه روايه .
جانت ..واكفه كبال الكنتور ..
اندارت علينا ..
كتلها روايه خليها يمج ..
روايه هزت راسها اي ..
اندارت عليه ريحانه ..وين راح تعوفني ..
ولزمت ايدي اوكف ..وين راح تروح ..
كتلها بصوت ناصي بلا هلحركات مرياح ..بس وين تنامين
يم امي تهلسج ..منا لباجر ..ابقي هنا ونشوف شلون تصفى
خليج هنا ..نامي ..
كالت اوكف احاجيك ..
كولي ..جنه نحجي ع الباب ..
كالت .بحس ناصي صدك ..زوجتها ..لروايه ..
رفعت راسي ع روايه واكفه ..نفس مكانها ..
كتلها مالج دخل ..
شنو مالي دخل ..جاي اسالك جاوب .
خذيتها الك ..
ريحانه ..اسكتي ..امي طبت فتحت الباب ..
ولج غبرة راح تاخذة منج وانتي تصفنين ..تقصد روايه
جريت امي وطلعت ...
عوفني ..عليها ولك وكامت تخرمش بوجهها ..
جريتها ..كعدتها وثنيت رجلي ..وكعدت كبالها ..
امي لخاطري ..اسكتي وعدي الليله اروح فدوة الج ..
ولك هاي هجمت بيتي ..هجم ..
انه ربيت وريحانه ..ضيعت كل شي..
امي ..لخاطري ..
ولك مزوج انت ..شسوي بيها عيارة نسوان هاي ..
تتبجج وتكولك خلصني من خلصها البين كون ..
ميخالف ..بس عوفيها ..
كالت قصي اذا تبقى هنا اطلع ولك مصيبه هااي ..
كمت من يمها ..كمت افتر ..امي ..كاافي ماكو شي
يصير ..الله يخليج .بس عوفيني افكر .
بروح سالم ..اهدئي ماريد منج شي بس ..
اصبري منا للصبح ..وين تروح بهل لليل .يمه
لا تخبليني ..
اصبيري ..
اذا عندي خاطر يمج ..بس عوفيها لليل ..
كالت قصي ..
كتلها كافي واسمعي الي اكوله ..
كالت بعدك ..تحبها ؟وتهز برجلها وتضرب اي بعدك
مبين تحبها اي تحبها ..
عفتها ..ورحت ..كعدت ع الدرج ..
طلعت امي ..كالت وينه سالم عنك..وعن سوللفك..
وكامت اطفي بلاضويه ..
واجت يمي راح اسكت ومالي شغل بيك ابد ..
منا لباجر ..شكولها ماشوفها .
وخاف تعوف زلمتها ..ع جنازتي ازوجها الك ..
هلغراب ..
وراحت .....
بقيت ع الدرج ..وبصفي باكيت الجكاير ..
يمكن خلصتع كله ومدتبرد ناري ...
باب روايه مسدودة ..
نزل امير كعد يمي ..
اندار ..علية ..كتله كوم عوفني وحدي..
قصي غلط ..بقيتها هنا ..
واها ..طلايب ..هاي ..
كتله كوم مناقصني احد يجي يحجي براسي ..
روح منا ..
قصي ...اسمعني الاول
كووووووووووووووووم ...
كمت كمت ..وراح صعد ..
فتحت الباب روايه ..شوف شبيه ..
طلعت وسدت الباب ..
جتي يمي ..
كتلها روحي انتي هم..ماريد احد يمي ..
كالت ..رايحه بس ..شفتك عصبت ..وجيت اشوف شكو
كتلها نامت ..
كالت لا ...
تريد اجيبها تحاجيها
عوفيها هسة ..
روحي ..روايه ..
راحت وسدت الباب ..البيت اظلم ..
اظلم من حياتي...
اني ليش ممتت ..ليش ؟
شعندي عايش ..
ليش اجتي هسة ..كلبت المواجع ورجعت شعلت نفس النار
بروحي ..
اخ ..الله ..
شجاي اسوي ..اني ..
مبقيها هنا لشنو ..
شريد اوصل ..
حيل بيه مابقى ..
وين ..اوليييييييي لا جبهه ارتاح لا بيت ..وين اروح
اسكن كبووور بلكن ارتاح ..وهم مارتاح ..
وينننن اروح ...
شسوي ..هسة ..
روايه ..ريحانه ..امي ..اني وين ..
كمت .دكيت و.فتحت الباب ..
كاعدات روايه وريحانه ..
طبيت ..تجيت ع ميزالتواليت ...
تقربت ريحانه ..بحافه الجربايه ..
ضليت اباع عليها ..مثل العطشان ..وصايم ..وكباله مي بارد ..
هذا حالي كبالي وبس اعاين
العيون ..مذبلها السهر ..
والوجهه شاحب ..
مداعرفها ...احسها ..كبرت الف سنه ..
هذا وردي وجنت اسكي ..
غيري جنه ..وذبله ...
كلت الها احجي الي بهدوء شصار ؟
كالت ..مثل كل مرة ..ماتقبله اني ..وتنتهي بضرب وسب ..
بس هلمرة طردني واني بعد ماتحمل بعد ..
كالت قصي لليوم احبك ..
بدونك جسمي مابي روح ..والله ..
ارجع واكولها الك ..اني مجنت اله ولا اصير اله ..
روايه كامت كالت اني طالعه ..
كتلها اكعدي ..
كالت ..قصي حجي بيناتكم ..
اكعدي ..
انتي مرتي ...
ريحانه / مرتك ..مو كتلي بس ع الورق ..
معليج انتي ..
اكو نار بصدري ..
كمت .كتلها لبستي لغيري حلقه ..
ولليل كله نايمه ع صدرة ..
وحامل منه ..
كالت قصي ..
اسمعي الاول ولا تقاطعيني ..بشي ..
كعدي روايه كعدتها يمي ..
شعدج جايه ..تحركين روحي من جديد ..
وترجعين ..الي يومين وتختفين ..
شعدج .ردتي كولي ..
اخلصج مين ..من نفسج من منو
كتلج اوكفي وياي
واطلع اجنازة ..منكم وماخليج تعرسين لغيري..
تعب سنين راح صفيت اني والكاع ..
رحتي ..وبلجذب ولا كلتي شي ..
لحد هسة دك بروحي ..
اريد اعيش ..قصي ..انساني .
نسيتيها ..لو لا ..
كالت مجبورة ..والله ..
اسكتي ماسمع شي ..
بقيتج هنا وباجر رجعي ..وماريد اسمع شي ..منج ..
ريحانه طلعي هلمرة من حياتي ..
كالت يعني ..كامت من مكانها ..
طلعي ..عوفيني اريد اعيش ..
كتلها شدتحسين ..هسة ..
سكتت ..
كتلها نفس الاحساس ..صار بيه ..
واشرت ع روايه هاي مرتي ..
روايه كالت ..قصي كافي انت ليش تاذي روحك ..
لا روايه هاي حقيقه ..ولازم تتقبلها
شلون ماتقبلتها اني ..وعشت ..
كامت ريحانه ..
اني طالعه هسة ..
كمت وكفت ..كتلها مترحين ..
كالت اروح ..مابقى ..اصفى بشارع ..
الكل باعني ..اهلي وانت ..وهوة ..
عوفني ..صرت بوجهه اكعدي مطلعين هسه باجر الصبح..
كالت ..لا هسة اروح ..
دفعتها ..كعدت اكعدي مطلعين دنيا لليل ..
كامت تبجي اكثر ..
عبالك بكيفي عفتك مو ..
عبالك فرحانه ..بزواجي
ولك اختنك صار شكد بعدت عنك ..
بس ماكدر ..
واذا تكول روايه مرتي وعشت مرتاح وياها ..
ميخالف عيش مرتاح ..
وواوعدك ماتقرب الك بعد..
بس خلصني منهم ..
سفرني طلعني ..
خلصني منهم ..ومنك ..ومن كل شي ..خلصني ..
خلي براسي طلقه ..
خلصني منك قصي ..
راح اموت اني ..
والله مرتين اطب للحمام ..
اذب ع روحي نفط ..
وماكدر احرك روحي ..اخاف الله ..
لا تكول انتي ..عفتيني ..
يوميه يطب عليه صالح يزوعني العافيه ..ضرب
تاليها شفتها صارت طلابه ..عشاير وعمام ..
كامت تضرب حلكها..وكتلك روح ..اريد اعيش ..
لعد يكتولك زين ..واخسرك ..
كلت اتحمل وجع ماموت من ضرب ..وياريتني متت ..
وزوجت ..مو زواج ذبح جان ..
اني فتحت عيوني عليك ..
صوت روايه علة بلبجي ..
واني كوة لازم الخنكه الي بروحي ..
كالت ..وبقيت ..اعلم نفسي بدونك ..مكدرت ..
ومنو كلك..اني حامل ..
ليش اني تقبلته مثل العالم حتى احبل منه ؟
....................
ماعرف داكذب ع نفسي لو عليها ..
وابين نفسي قوي ..
مداعرف شجاي اسوي بلضبط..
معرفت شنو اجاوب ..
وليش امي كالت هيج ..وكالت حامل ..حتى انساها للتالي واتقرب لروايه ..هذا الي رادته ..من
شكد اريد احجي ..ميفرغ ..
بس ..ساحه القتال الي تفرغ هم وقهر ..
